Ah Koy Christian Trust ゥ 2008

AI MATAI NI VOLA I MOSESE

SA VAKATOKAI

 

NAI VAKATEKIVU

 

1. Nai tukutuku ni Veibuli

 

1. Na Kalou, mai nai vakatekivu, sa bulia na lomalagi kei na Vuravura.

2.                  A sa sega ni vakacokotaki ko vuravura a sa lala tu; a sa tu na butobuto e dela ni wasa titobu. A sa yavavala na Yalo ni Kalou e dela ni wai.

3.                  Na Kalou sa tukuna, me rarama mai.

4.                  Na Kalou sa raica na rarama, ni sa vinaka : na Kalou sa wasea na rarama mai na butobuto..

5.                  Na Kalou sa vakatoka na rarama me Siga, ia na butobuto, sa vakatoka ko Koya me Bogi. Ia na yakavi kei na mataka sa kena i matai ni siga.

6.                  Na Kalou sa tukuna, Me dua na maliwa lala, me wasei kina na wai mai na wai.

7.                  Na Kalou sa cakava na maliwa lala, a sa wasea kina na wai e ruku ni maliwa lala mai na wai e cake e na maliwa lala : a sa vakakina.

8.                  Na Kalou sa vakatoka na maliwa lala me Lomalagi. Ia na yakavi kei na mataka sa kena i karua ni siga.

9.                  Na Kalou sa tukuna, Me soqoni vata na wai e ruku i Lomalagi ki na dua na yasana, me rairai mai na vanua mamaca : a sa vakakina.

10.              Na Kalou sa vakatoka na vanua mamaca me Vuravura, a sa vakatoka na wai sa soqoni vata tu me Wasawasa : a sa raica na Kalou ni sa vinaka.

11.              Na Kalou sa tukuna, Me vakatubura na co ko vuravura, na co sa vakasorena, kei na kau dauvua e vuravura me vuataka na vuana, sa vakasorena ena kena mataqali: a sa vakakina.

12.              A sa vakatubura na co na qele, na co sa vakasorena, e na kena mataqali, kei na kau sa vuataka na vuana, ka sa vakasorena, e na kena mataqali : a sa raica na Kalou ni sa vinaka.

13.              Ia na yakavi kei na mataka sa kena i katolu ni siga.

14.              Na Kalou sa tukuna, Me tu na Vu-ni-rarama ena maliwa lala ni Lomalagi, me wasea na siga mai na bogi ; me baleta talega nai vakatakilakila, na veigauna, na veisiga kei na veiyabaki:

15.              Ia me rau vu-ni-rarama mai na maliwa lala kei Lomalagi, me vakararamataki vuravura: a sa vakakina.

16.              Na Kalou sa bulia e rua na vu-ni-rarama lelevu: na vu-ni-rarama levu me lewa na siga, na vu-ni-rarama lailai me lewa na bogi: sa bulia talega ko Koya na veikalokalo.

17.              Na Kalou sa tuva me rau tu mai na maliwa lala kei lomalagi, me vakararamataki vuravura,

18.              ka me lewa na siga kei na bogi, me wasea talega na rarama mai na butobuto: a sa raica na Kalou ni sa vinaka.

19.              Ia na yakavi kei na mataka sa kena i ka va ni siga.

20.              Na Kalou sa tukuna, Me sautu vakalevu sara na wai e na veika bula kecega, kei na manumanu vuka me ra vuka voli e delai vuravura, ena maliwa ni vuravura kei lomalagi.

21.              Na Kalou sa qai bulia na ika lelevu ka rerevaki, kei na ka bula kecega sa yavavala rawa, o koya sa sautu vakalevu kina na wai, e na kedra mataqali, kei na manumanu vuka kecega, e na kedra mataqali: a sa raica na Kalou ni sa vinaka.

22.              Na Kalou sa vosa vakalouvinakataki ira, ka tukuna, Dou vakaluveni, ka tubu me vuqa mai, ka vakatawa na veiwasawasa; me tubu ka lewe vuqa talega na manumanu vuka e vuravura.

23.              Ia na yakavi kei na mataka sa kena i kalima ni siga.

24.              Na Kalou sa tukuna, me vakatubura na ka bula na qele e na kedra mataqali, na manumanu e yavai va, kei na ka sa qasi voli, kei na manumanu tawa lasa ni vanua, e na kedra veimataqali: a sa vakakina.

25.              Na Kalou sa bulia na manumanu tawa lasa ni vanua ena kedra veimataqali, kei na manumanu e yavai va, me vaka na kedra veimataqali, kei na ka kecega sa qasi voli e dela ni vanua ena kedra veimataqali: a sa raica na Kalou ni sa vinaka.

26.              Na Kalou sa tukuna, Me datou bulia na tamata mei tovo vata kei kedatou, ka me ucui kedatou; ka me ra lewa na ika ni veiwasawasa, kei na manumanu vuka, kei na manumanu e yavai va, kei na vuravura taucoko, kei na ka kecega sa qasi voli e delai vuravura.

27.              Na Kalou, sa bulia na tamata mei tovo vata kei Koya; e nai tovo ni Kalou sa buli koya kina ko Koya ; na tagane kei na yalewa sa buli rau ko Koya.

28.              Na Kalou sa vosavakalouvinakataki rau, a sa tukuna vei rau na Kalou, drau vakaluveni, ka tubu me lewe vuqa, ka vakatawai vuravura, ka vakamalumalumutaka; ka lewa na ika ni waitui, kei na manumanu vuka, kei na ka bula kecega sa qasi voli e delai vuravura.

29.              Na Kalou sa tukuna, Raica, au sa solia vei kemudrau na co kecega sa vakasorena, sa tu e delai vuravura taucoko, kei na kau kecega sa tu kina na vua ni kau sa vakasorena; ko ya ena kemudrau.

30.              Ia ki na manumanu tawa lasa kecega ni vanua, kei na manumanu vuka kecega, kei na ka kecega sa qasi voli e delai vuravura, sa tu kina na bula, au sa solia na co drokadroka me kedra kakana: a sa vakakina.

31.              Na Kalou sa raica na ka kecega sa bulia ko Koya, ka raica, sa vinaka sara. Ia na yakavi kei na mataka sa kena i kaono ni siga.

 

Ah Koy Christian Trust ゥ 2008

 

2

 

1. A sa buli oti na lomalagi kei vuravura, kei na lewena kecega.

2. Ia e na kenai kavitu ni siga sa vakaotia na Kalou na nona cakacaka sa kitaka ko Koya; a sa vakacegu ko Koya ena kenai kavitu ni siga mai na Nona cakacaka kecega sa kitaka ko Koya.

3. Na Kalou sa vosavakalouvinakataka na kenai kavitu ni siga ka vakatabuya; baleta ni sa vakacegu kina ko Koya mai na Nona cakacaka kecega ni veibuli sa cakava.

4. Sa vakaoqo nai tukutuku kei lomalagi kei vuravura ni sa buli, e na siga sa bulia kina na vuravura kei lomalagi na Kalou ko Jiova,

5. e sa sega na kau sa tubu e delai vuravura, e sa bera talega ni tubu na co ni vanua. Na Kalou ko Jiova e sa sega ni vakatauca mada na uca ki vuravura, a sa sega na tamata me wereca ka cukiraka na qele.

6. Ia sa kuvu cake na kabukabu mai na qele, ka vakasuasuataka na dela ni vanua taucoko.

7. Ia na Kalou ko Jiova sa bulia na tamata mai na kuvu ni qele, ka uvuca ki na ucuna nai cegu ni bula, a sa yaco kina na tamata me yalo bula.

 

Bula ena Loma ni Were ni Kalou

8. Na Kalou ko Jiova sa tea e dua na were, mai na tokalau e Iteni, a sa kauta kina na tamata sa bulia ko Koya.

9. Ia na Kalou ko Jiova sa vakatubura mai na qele na kau kecega sa vinaka na kena i rairai, ka yaga me kakana; na kau ni bula talega sa tu e loma ni were, kei na kau sa kilai kina na ka vinaka kei na ka ca.

10. A sa drodro e dua na uciwai mai Iteni me vakasuasuataka na were; ia maikea sa wase kina me va na kenai davedave.

11. A yaca ni kenai matai, ko Pisoni; ko ya sa volita na vanua taucoko ko Avila, sa kune kina na koula;

12. A sa vinaka na koula ni vanua ko ya; sa kune talega kina na mata-ni-civa, kei na vatu na yacana na onikisa.

13. Na yaca ni kenai karua ni uciwai, ko Kioni; ko ya sa volita na vanua taucoko ko Kusi.

14. Na yaca ni kenai katolu ni uciwai, ko Itikeli: ko ya sa lako vaka ki Asiria, vaka ki na tu-i-cake. Na kenai kava ni uciwai na Uferetisi.

15. Ia na Kalou ko Jiova sa qai kauta na tamata, ka vakatikora e na were ko Iteni me wereca ka vakatawa.

16. A sa vakarota na Kalou ko Jiova vua na tamata, ka tukuna, E tara mo kana mai na kau kecega sa tu ena were:

17. Ia mai na kau sa kilai kina na ka vinaka kei na ka ca, mo kakua ga ni kana kina: ni ko na mate vakaidina e na siga ko sa kana kina.

18. A sa tukuna na Kalou ko Jiova, Sa sega ni vinaka me tiko duadua na tamata: au na bulia e dua na dauveivuke e yaga vua.

19. Ia na Kalou ko Jiova sa bulia mai na qele na manumanu kecega ni vanua, kei na manumanu vuka kecega: ka sa kauti ira vei Atama, me vakatoka na yacadra. Ia na yaca ga sa kacivi ira yadua kina ko Atama, oqori ga sa yacana.

20. A sa vakayacana na manumanu kecega ko Atama, kei na manumanu vuka, kei na manumanu tawa lasa ni vanua; ia vei Atama sa sega ni kune rawa e dua na dauveivuke e yaga vua.

21. Ia na Kalou ko Jiova sa vakayacora me tarai Atama e dua na moce lutu, ia sa moce ko koya: a sa kauta tani ko Koya e dua na sui ni sarisarina, a sa cakava na lewena me veiuturi me kenai sosomi:

22. Ia na sui ni sarisari sa kauta tani na Kalou ko Jiova mai vua na tagane, sa bulia kina e dua na yalewa, a sa kauti koya vei Atama.

23. A sa tukuna ko Atama, Oqo dina na suiqu, kei na lewe mai na lewequ: ena vakatokai ko koya me yalewa, baleta ni sa kau tani ko koya mai vua na tagane.

24. O koya oqo sa na biuta kina na tamana kei tinana na tagane, ka kabita na watina: a rau na lewe dua ga.

25. A rau sa luvawale, na tagane kei na watina, a rau sa sega ni madua.

 

Ah Koy Christian Trust ゥ 2008

 

3 Na Temaki kei na Lutu ni Tamata

 

1. Ia oqo, sa lawaki ca vakalevu cake na gata vei ira na manumanu kecega ni vanua sa bulia na Kalou ko Jiova. A sa tukuna ko koya vua na yalewa, Oi, sa cavuta bagi na Kalou mo drau kakua ni kania na vua ni kau kecega e na were?

2. A sa tukuna na yalewa vua na gata, Sa tara me keirau kania na vua ni veikau e na were.

3. Ia na vua ni kau ga sa tu e loma ni were, sa vosa kina na Kalou, Drau kakua ni kania, drau kakua talega ni tara, de drau mate.

4. Sa mani tukuna vua na yalewa na gata, Drau na sega dina ni mate:

5. Ni sa kila na Kalou e na siga drau na kania kina ena qai yadra dina na matamudrau; ia drau na kila na ka vinaka kei na ka ca.

6. Ia ni sa raica na yalewa sa vinaka na kau me kakana, sa ka e rekitaka na matada, ka sa kau e gadrevi me da vuku kina, sa qai tauca na vuana, ka kania: ka solia talega vua na watina ka tu e yasana, a sa kania talega ko koya.

7. Sa qai yadra na matadrau, a rau sa kila ni rau sa luvawale: a rau sa cula vata na drau ni lolo, ka daramaka me nodraui sulu.

8. Erau a rogoca na domo ni Kalou ko Jiova ni sa lako voli e na were, ni sa mudremudre na siga: ia ko Atama kei na watina, erau a vunitaki rau mai na mata ni Kalou ko Jiova e na maliwa ni vei vunikau.

9. A sa kaci vei Atama na Kalou ko Jiova, ka tukuna vua, Ko sa tiko evei?

10. A sa tukuna ko koya, Au a rogoca na domomuni e na were, ia au a qai rere baleta ni置 sa luvawale; ka置 mani vunitaki au.

11. Sa tukuna ko Koya, Ko cei sa tukuna vei iko ni ko sa luvawale? Ko sa kana beka mai na kau au a vakarota vei iko mo kakua ni kana kina?

12. Sa qai tukuna ko Atama, na yalewa ko ni a solia me keirau tiko kaya, ko koya ga sa solia vei au na vua ni kau, ka置 a qai kania.

13. A sa tukuna na Kalou ko Jiova vua na yalewa, A cava na ka oqo ko sa kitaka? A sa tukuna na yalewa, Sa vosa vaqaseqase vei au na gata ka置 a qai kania.

14. Sa qai tukuna na Kalou ko Jiova vua na gata, Ni ko a kitaka na ka oqo, ko na cudruvi vakalevu vei ira na manumanu e yavai va, vei ira talega na manumanu tawa lasa kecega ni vanua: ko na dolo ga e ketemu, ko na kania talega na kuvu ni soso, e na veisiga kecega ni nomu bula:

15. Ia ka置 na vakaveimecakitaki kemudrau kei na yalewa, kei na nomu kawa kei na nona kawa; ena butuqaqia na ulumu ko koya, ia ko na qaqia na bukubuku ni yavana.

16. Ki vua na yalewa sa tukuna ko Koya, Au na vakalevutaka cake na nomu rarawa ni ko sa kunekune: ko na daurarawa ni ko sa vakasucu gone; ia ko na qaravi koya na watimu, ena lewai iko talega ko koya.

17. Sa qai tukuna vei Atama, Ni ko a vakarorogo ki na vosa ni watimu, ka sa kania na vua ni kau ka置 a vakarota vei iko, ka tukuna, Mo kakua ni kania: sa cudruvi na qele e na vukumu; ko na kana mai kina ena rarawa e na veisiga kece ni nomu bula;

18. ena vakatubura talega vei iko na kau votovotoa kei na soni; ia ko na kania na co ni vanua:

19. e na buno ni matamu ko na kania kina na kemu kakana, ka yacova na siga ko na suka tale kina ki na qele; ni ko a buli mai kina eliu: ni ko sa kuvu ni qele ga, ia ko na suka tale mo kuvu ni qele.

20. Ia ko Atama, sa vakatoka na yaca ni watina ko Ivi [Sa bula]; ni sa tinadra na tamata kecega sa bula.

21. Ia na Kalou ko Jiova, sa cakava vei Atama kei na watina nai sulu kuli ni manumanu, a sa vakaisulutaki rau.

22. A sa tukuna na Kalou ko Jiova, Raica, sa yaco na tamata me vaka e dua vei kedatou, me kila na ka vinaka kei na ka ca: ia oqo, de sa dodoka na ligana ka taura talega na vua ni kau ni bula, ka kania, ka bula tawamudu kina:

23. Sa qai vakatalai koya tani kina na Kalou ko Jiova mai na were ko Iteni, ka me wereca na qele ka buli mai kina ko koya.

24. Sa mani vakasava maikea na tamata ko Koya: a sa lesi rau na Jerupi me tiko mai na were ko Iteni e na yasana ki na tokalau, kei na yameyame ni bukawaqa e vaka nai seleiwau, sa veigoleyaki tiko, me vakatawa na sala ki na kau ni bula.

 

Ah Koy Christian Trust ゥ 2008

 

4 Sa Labati Epeli ko Keni

 

1. A rau sa veiyacovi ko Atama kei Ivi na watina; a sa kunekune ko koya, a sa vakasucumi Keni, a sa tukuna, Au sa rawata e dua na tagane mai vei Jiova.

2. A sa vakasucu tale, ka vakasucumi Epeli na tacina, Ia ko Epeli sa dauvakana sipi: a sa daucaka were ko Keni.

3. Sa oti mada na veiyabaki eso, sa kauta mai ko Keni eso na vuata ni vanua mei madrali vei Jiova.

4. Ko Epeli talega, sa kauta mai na ulumatua ni nona sipi, kei na kedra uro. A sa vakadonui Epeli ko Jiova, kei na nonai madrali:

5. ia ka sa sega ni vakadonui Keni ko Koya, se na nonai madrali. A sa cudru vakalevu ko Keni, a sa rai vaka-tani na matana.

6. A sa tukuna vei Keni ko Jiova, A cava ko sa cudru kina? Ia ka cava sa rai vaka-tani kina na matamu?

7. kevaka ko sa caka vinaka, ko na sega li ni vinakati? Ia kevaka ko sa sega ni caka vinaka, sa davo tiko nai valavala ca mai na katuba. E gadrevi iko tiko, ia e dodonu mo lewai koya.

8. A sa veivosaki ko Keni kei Epeli na tacina, ia e na dua na siga ni rau sa tiko voli e na were; sa qai tu cake ko Keni vei Epeli na tacina, ka vakamatei koya.

9. A sa tukuna vei Keni ko Jiova, Sa evei na tacimu ko Epeli? Sa tukuna ko koya, Au sa sega ni kila: koi au beka na nonai vakatawa na taciqu?

10. A sa tukuna ko Koya, A cava ko sa kitaka? Na domo ni dra ni tacimu sa tagi vei Au mai na qele:

11. Ia oqo, ko sa qai cudruvi e na vanua oqo, o koya sa gunuva na dra ni tacimu ko sa vakamatea:

12. Ni ko sa wereca na vanua, ena sega ni bulabula me vua vei iko; ko na dauveidroyaki ka tiko sese e vuravura.

13. A sa tukuna vei Jiova ko Keni, nai sau ni noqui valavala ca sa levu sara, au sa sega ni vosota rawa:

14. Raica, ko ni sa vakasavi au edaidai mai na vanua oqo; ka置 na vuni talega mai na matamuni; au na dauveidroyaki ka tiko sese e vuravura; ia, ena yaco, ko koya sa kunei au ena vakamatei au.

15. A sa tukuna vua ko Jiova, O koya sa na vakamatei Keni, ena saumi vakavitu vua. A sa vakatakilakilataki Keni ko Jiova, me kakua ni mokuti koya e dua ni sa kunea.

 

Na Vuvale nei Keni

16. A sa lako tani mai na matai Jiova ko Keni, ka la談i tiko e na vanua ko Noti, vaka ki na tokalau mai Iteni.

17. A sa veiyacovi tale kei na watina ko Keni; a sa kunekune ko koya, a sa vakasucumi Inoke: a sa tara e dua na koro e na yaca ni luvena ko Inoke.

18. A sa sucu ko Irati na luvei Inoke: a sa sucu ko Meujaeli na luvei Irati: A sa sucu ko Mecusaeli na luvei Meujaeli: a sa sucu ko Lemeki na luvei Mecusaeli.

19. A sa vakawati ko Lemeki kei na le rua na yalewa: na yacana e dua ko Eta, ia yaca ni kenai karua ko Sila.

20. A sa vakasucumi Jepali ko Eta: ko koya na tamadra era sa dautiko e na vale laca, kei ira era dauvakana manumanu e yavai va.

21. Ia na yacai tacina ko Jupali: ko koya na tamadra kecega era dau ni api kei na paipo ni vakatagi.

22. Ko Sila talega, sa vakasucumi Tupali-keni, a nodrai vakavuvuli kecega na matai ni varasa kei na aironi: ia na ganei Tupali-keni ko Neama.

23. A sa tukuna ko Lemeki vei rau na watina, i Eta kei Sila, drau rogoca na noqu vosa; Koi kemudrau na wati Lemeki, drau vakarorogo ki na noqu vosa: Ni置 sa vakamatea e dua na tamata ka a vakamavoataki au, Ko koya na cauravou ka a vakararawataki au:

24. Kevaka sa saumi vakavitu vua e na vakamatei Keni, Me na vakavitusagavulu ka vitu e na vuku i Lemeki.

 

Dua tale na Luvena Tagane

25. A sa veiyacovi tale kei na watina ko Atama; a sa vakasucuma ko koya e dua na luvena tagane, a sa vakayacani koya ko Seci: ni sa tukuna, Sa solia mai vei au na Kalou e dua na kawa mei sosomi kei Epeli, ka vakamatea ko Keni.

26. A sa sucu e dua na luvei Seci ka tagane; a sa vakayacani koya ko Inosi: Sa qai vakatekivu na tamata me ra kaciva na Yaca I Jiova.

 

Ah Koy Christian Trust ゥ 2008

 

5 Na Vuvale I Atama

 

1. Oqo nai vola ni kawa i Atama. E na siga sa bulia kina na tamata na Kalou, sa buli koya me ucuya na Kalou;

2. Sa buli rau na tagane kei na yalewa; a sa vosavakalouvinakataki rau, ka vakatokai na Tamata, e na siga sa buli rau kina.

3. Sa bula tiko ko Atama me dua na drau ka tolusagavulu na yabaki, a sa qai sucu e dua na luvena tagane a sa ucui koya ka sai tovo vata kei koya, a sa vakayacani koya ko Seci;

4. Ia ni sa sucu ko Seci, sa bula tiko ko Atama, ka walu na drau na yabaki: a sa sucu eso tale na luvena tagane kei na luvena yalewa:

5. Ia na veisiga kecega ni bula i Atama, sa ciwa na drau ka tolusagavulu na yabaki: a sa qai mate.

6. A sa bula ko Seci ka dua na drau ka lima na yabaki, a sa qai sucu na luvena ko Inosi:

7. Ia ni sa sucu ko Inosi, sa bula tiko ko Seci, ka walu na drau ka vitu na yabaki, a sa sucu eso tale na luvena tagane kei na luvena yalewa:

8. Ia na veisiga kecega ni bula i Seci sa ciwa na drau ka tinikarua na yabaki: a sa qai mate.

9. A sa bula ko Inosi ka yabaki ciwasagavulu, a sa qai sucu na luvena ko Keinani:

10. Ia ni sa sucu ko Keinani, sa bula tiko ko Inosi, ka yabaki walu na drau ka tinikalima, a sa sucu na luvena tagane kei na luvena yalewa:

11. Ia na veisiga kecega ni bula i Inosi sa ciwa na drau ka lima na yabaki: a sa qai mate.

12. A sa bula ko Keinani ka yabaki vitusagavulu, a sa qai sucu na luvena ko Mealaleli:

13. Ia ni sa sucu ko Mealaleli, sa bula tiko ko Keinani ka yabaki walu na drau ka vasagavulu, a sa sucu eso tale na luvena tagane kei na luvena yalewa:

14. Ia na veisiga kecega ni bula i Keinani sa ciwa na drau ka tini na yabaki: a sa qai mate.

15. A sa bula ko Mealaleli ka yabaki onosagavulu ka lima, a sa qai sucu ko Jareti na luvena:

16. Ia ni sa sucu ko Jareti, sa bula tiko ko Mealaleli, ka yabaki walu na drau ka tolusagavulu, a sa sucu eso tale na luvena tagane kei na luvena yalewa:

17. Ia na veisiga kecega ni bula i Mealaleli sa walu na drau ka ciwasagavulu ka lima na yabaki: a sa qai mate.

18. A sa bula ko Jareti ka yabaki dua na drau ka onosagavulu ka rua, ka sa qai sucu ko Inoke na luvena:

19. Ia ni sa sucu ko Inoke, sa bula tiko ko Jareti ka yabaki walu na drau, a sa sucu eso tale na luvena tagane kei na luvena yalewa:

20. Ia na veisiga kecega ni bula i Jareti sa ciwa na drau ka onosagavulu ka rua na yabaki; a sa qai mate.

21. A sa bula ko Inoke ka yabaki onosagavulu ka lima, ka sa qai sucu ko Mecusela na luvena:

22. Ia ni sa sucu oti ko Mecusela, erau sa dau lako vata kei na Kalou ko Inoke ka yabaki tolu na drau, a sa sucu tale eso na luvena tagane kei na luvena yalewa:

23. Ia na veisiga kecega ni bula i Inoke sa tolu na drau ka onosagavulu ka lima na yabaki:

24. Ka rau sa daulako vata kei na Kalou ko Inoke: a sa yali eke: ka ni sa kauti koya tani na Kalou.

25. A sa bula ko Mecusela ka dua na drau ka walusagavulu ka vitu na yabaki, a sa qai sucu ko Lemeki na luvena:

26. Ia ni sa sucu ko Lemeki, a sa bula tiko ko Mecusela, ka yabaki vitu na drau ka walusagavulu ka rua, a sa sucu eso tale na luvena tagane kei na luvena yalewa:

27. Ia na veisiga kecega ni bula i Mecusela sa ciwa na drau ka onosagavulu ka ciwa na yabaki: a sa qai mate.

28. A sa bula tiko ko Lemeki ka yabaki dua na drau ka walusagavulu ka rua, a sa sucu e dua na luvena tagane:

29. A sa vakayacani koya ko Noa, ni sa tukuna, O koya oqo ena vakacegui keda ena noda cakacaka kei na oca ni ligada, baleta na qele ka sa cudruva ko Jiova.

30. Ia ni sa sucu ko Noa, sa bula tiko emuri ko Lemeki, ka lima na drau ka ciwasagavulu ka lima na yabaki, ka sa sucu eso tale na luvena tagane kei na luvena yalewa:

31. Ia sa lima na drau na yabaki i Noa, a sa sucu na luvena ko Semi, kei Ame, kei Jefeca.

 

Ah Koy Christian Trust ゥ 2008

 

6. Nai Valavala Ca kei na Lewai ni Tamata

 

1. A sa yaco, ni ra sa tubu na tamata me ra lewe vuqa mai e dela i vuravura, a sa sucu na luvedra yalewa,

2. sa qai raica ko ira na luve ni Kalou ni ra sa matavinaka na goneyalewa; ko ira na luve ni tamata, a ra sa kauta me watidra yadua ko ira era sa vinakata.

3. A sa tukuna ko Jiova, Na noqu Yalo Tabu ena sega ni veileti tiko kei na tamata me sa sega ni mudu, ka ni sa vakalewe talega ko koya: ia na nona gauna ena dua tale na drau ka ruasagavulu na yabaki.

4. A sa tiko e vuravura e na gauna ko ya eso na tamata yagolevu sara; emuri talega, ni ra sa mai veiyacovi kei ira na luvedra goneyalewa ni tamata ko ira na luve ni Kalou, a ra sa vakasucuma eso na luvedra. Ko ira oqori era sa tamata kaukauwa, a ra sa tamata rogo eliu.

5. A sa raica ko Jiova ni sa ka levu nai valavala ca ni tamata e vuravura, ka sa tu e lomana ena veisiga kecega na nanuma kei nai naki ca e vakalevu sara.

6. A sa veivutuni ko Jiova ni sa bulia na tamata e vuravura, a sa rarawa kina na lomana.

7. A sa tukuna ko Jiova, Au na vakarusa mai na vuravura na tamata ka置 sa bulia; io na tamata kei na manumanu e yavai va, kei na ka sa qasi voli, kei na manumanu vuka; ni置 sa veivutuni ena noqu buli ira.

8. Ia ko Noa sa kune loloma e na mata i Jiova.

 

Sa Vakamarautaka na Kalou ko Noa

9. Oqo nai tukutuku kei Noa: a tamata yalododonu ko Noa, ka sega ni cala e na nonai tabatamata, a rau sa daulako vata kei na Kalou ko Noa.

10. A sa sucu na luvei Noa e le tolu na tagane, ko Semi, ko Ame, kei Jefeca.

11. A sa vakasisila ko vuravura e na mata ni Kalou, a sa sinai e nai vakarau kaukauwa ko vuravura.

12. A sa raici vuravura na Kalou, ka raica, sa vakasisila; ni sa ka vakasisila na nodrai valavala na tamata kecega e vuravura.

 

Sa Vakarautaki na Waqa

13. Sa qai tukuna vei Noa na Kalou, sa basika mai ki vei Au nai otioti ni tamata kecega; ni ra sa vakasinaiti vuravura e nai valavala kaukauwa; ka raica, Au na vakarusai ira vata kei vuravura.

14. Mo taya e dua na nomu waqa e na kau kofera: mo cakava me so na loqi e na waqa, ka boroya e loma, e taudaku talega, e na drega.

15. Ia mo cakava vakaoqo: Na kena balavu ni waqa e tolu na drau na kiupiti, na kena raraba e limasagavulu na kiupiti, na kena cecere e tolusagavulu na kiupiti.

16. Mo cakava e dua na katuba-leka e na waqa, ka vakaotia me dua na kiupiti mai cake: ia na katuba-levu ni waqa mo cakava e na yasa ni waqa: ia mo cakava na loma ni waqa me taba tolu.

17. Ka raica, koi au, Au sa kauta mai e dua na waluvu ki vuravura, me vakawabokotaka e ruku i lomalagi na ka bula kecega sa tu kina nai cegu ni bula; ia ena mate na ka kecega sa tiko e vuravura.

18. Ia Au na vakataudeitaka vei iko na Noqu veiyalayalati: ko na vodo ki na waqa; ko iko, kei na luvemu tagane , kei na watimu, kei na watidratou na luvemu.

19. Ia mai vei ira na veika bula kecega, mo vakavodoka ki waqa e rua e na kena dui mataqali kecega, ka mo vakabulai ira vata kei iko; me dua na ka tagane ka dua na ka yalewa:

20. Na manumanu vuka me vaka na kedra mataqali, kei na manumanu e yavai va me vaka na kedra mataqali; na ka kecega sa qasi voli e vuravura me vaka na kedra mataqali; me yarua e na mataqali kecega era na lako yani kivei iko mo vakabulai ira.

21. Ia mo kauta kivei iko na kakana kecega e laukana, ia mo kumuna vata vei iko; na kemu kakana kei na kedra talega.

22. A sa cakava ko Noa me vaka na ka kecega sa vakarota vua na Kalou, io, sa cakava vakakina.

 

Ah Koy Christian Trust ゥ 2008

 

7. Na Waluvu Levu

 

1. A sa tukuna vei Noa ko Jiova, Mo vodo ki na waqa, ko iko kei na nomu lewe ni vale kecega; ni置 sa raici iko ni ko sa yalododonu e Mataqu e na i tabatamata oqo.

2. Mo kauta vata kei iko na manumanu e yavai va sa savasava me yavitu, mai na mataqali kecega, na ka tagane kei na ka yalewa; kei na manumanu e yava i va sa sega ni savasava me yarua, mai na mataqali kecega, na ka tagane kei na ka yalewa.

3. Na manumanu vuka talega me yavitu, mai na mataqali kecega, na tagane kei na yalewa; me vakabulai na kedra kawa e vuravura:

4. Ni sa vo walega e vitu na bogi, Au na qai vakatauca tiko na uca ki vuravura me vasagavulu na siga ka vasagavulu na bogi; ia ka置 na vakawabokotaka e

vuravura na ka bula kecega ka置 a bulia.

5. A sa kitaka ko Noa me vaka na ka kecega sa vakarota vua na Kalou.

6. Sa yabaki ono na drau ko Noa e na gauna sa luvuci vuravura kina na waluvu.

7. A sa vodo ki na waqa ko Noa, kei iratou luvena tagane, kei na watina, kei na watidratou na luvena, ena vuku ni waluvu.

8. Na manumanu e yavai va sa savasava, kei na manumanu e yavai va sa sega ni savasava, kei na manumanu vuka, kei na ka kecega sa qasi voli e vuravura,

e na kedra mataqali kecega.

9. era sa vodo yarua ki na waqa kivei Noa, na ka tagane kei na ka yalewa, me vaka ka vakarota na Kalou kivei Noa.

10. Ia ni sa oti na bogi e vitu, sa qai yaco na waluvu e vuravura.

11. Ena kena i kaono na drau ni yabaki ni bula i Noa, ena kena i karua ni vula, io, ena siga dina ko ya, sa basuki kina na i vurevure kecega ni wai titobu, a sa tadola na i sogo kei lomalagi.

12. Sa qai tau tiko na uca ki vuravura ka siga vasagavulu ka bogi vasagavulu.

13. Ena siga ga ko ya eratou sa vodoka kina na waqa ko Noa, kei iratou na luvena ko Semi, kei Ame, kei Jefeca, kei na wati i Noa, kei na watidratou na luvena tolutolu.

14. Ko iratou, kei na manumanu sa sega ni lasa kecega ena kedra mataqali, kei na manumanu e yavai va kecega ena kedra mataqali, kei na ka kecega sa qasi voli e vuravura ena kedra mataqali, kei na manumanu vuka kecega ena kedra mataqali, io, na manumanu vuka ena kedra mataqali kecega.

15. A ra sa vakavodoki vei Noa ki waqa me yarua ena mataqali manumanu kecega, sa tiko kina nai cegu ni bula.

16. Ia ko ira sa vakavodoki kina sa dua na ka tagane ka dua na ka yalewa, ena mataqali manumanu kecega, me vaka ka vakarota eliu na Kalou: a sa sogolati

koya e loma ni waqa ko Jiova.

17. A sa bogi vasagavulu na waluvu e delai vuravura; sa tubu cake tiko ga na levu ni wai ka sa nawa kina na waqa, ka sa toro cake e delai vuravura:

18. A sa gumatua na wai, ka sa tubu vakalevu e dela i vuravura; ka sa ciri voli na waqa e dela ni wai.

19. A sa gumatua vakalevu sara na wai e dela i vuravura; a sa dromu na veiulu-ni-vanua cecere kecega sa tiko e ruku i lomalagi.

20. Sa gumatua na wai ka sa tinikalima na kiupiti na kena cecere mai vuravura, a sa dromu na veiulu-ni-vanua.

21. A sa mate na manumanu kecega sa bula voli e vuravura, io na manumanu vuka, kei na manumanu e yavai va, kei na manumanu e sega ni lasa, kei na tamata kecega:

22. Sa mate na ka kecega sa tiko e ucuna nai cegu ni bula, io na ka kecega sa tiko ena vanua mamaca.

23. Io, sa kawa boko na ka bula kecega sa tiko e dela ni vanua, na tamata, kei na manumanu e yavai va, kei na ka sa qasi voli, kei na manumanu vuka, io, sa kawa boko laivi mai vuravura: a sa vo duaduaga ko Noa, kei ira era tiko vata kaya e waqa.

24. A sa gumatua tiko na wai e vuravura, ka bogi dua na drau ka limasagavulu.

 

Ah Koy Christian Trust ゥ 2008

 

8. Na Vakabulai nei Noa

 

1. Sa qai nanumi Noa na Kalou, kei na ka bula kecega, kei namanumanu kecega era sa tiko vata kaya e waqa; Ia na Kalou sa vakaliwava na cagi e delai vuravura; a sa cegu ni tubu tiko na wai.

2. Nai vurevure ni wai titobu kei nai dola kei lomalagi talega sa tarovi, ka sa mudu na tau ni uca mai lomalagi;

3. Sa suka lesu tikoga na wai mai dela i vuravura: ia ni sa oti e dua na drau ka lima- sagavulu na bogi, sa qai lailai sobu na wai.

4. A sa kasa na waqa e na kenai kavitu ni vula, e na kenai katinikavitu ni siga ni vula, e na dela ni veiulu-ni-vanua mai Ararata

5. A sa lutu sobu tiko na wai, ka yacova na i katini ni vula. E nai ka tini ni vula, enai matai ni siga ni vula, sa qai rairai na dela ni veiulu-ni-vanua.

6. Ia ni sa oti na bogi vasagavulu, sa qai dolava ko Noa na katuba-leka ni waqa ka a cakava ko koya.

7. A sa vakatala e dua na reveni, a sa lako yani ka veivukayaki voli me yacova sara ni maca na wai mai dela i vuravura:

8. A sa vakatala talega e dua na ruve, ka me raica se sa lailai sobu na wai mai na dela ni vanua, se segai.

9. Ia na ruve sa sega ni kunea e dua na vanua me ro kina, a sa lesu tale vua ki waqa, ni sa tiko na wai e dela i vuravura taucoko: a sa dodoka na ligana, ka taura, ka kauta tale vua ki loma ni waqa.

10. A sa waraka ko koya me vitu tale na siga, sa qai vakatala tale na ruve mai na waqa:

11. Sa lesu tale mai na ruve ena yakavi; ka raica, sa tiko e gusuna e dua na drau ni olive ka sa qai beti ga; ia sa kila kina ko Noa ni sa lailai sobu na wai mai dela i vuravura.

12. A sa wawa tiko ka bogi vitu tale, a sa vakatala tale na ruve, ia sa sega ni lesu tale mai vei koya.

13. Ia e na kenai ka ono na drau ka dua ni yabaki, e nai matai ni vula,e nai matai ni siga ni vula, sa qai maca na wai mai delai vuravura: a sa luvata tani nai ubi ni waqa ko Noa, a sa rai voli, ka kunea ni sa mamaca na vanua.

14. Ia e na kenai karua ni vula, e na kenai karuasagavulu ka vitu ni siga ni vula, sa qai mamaca sara na vanua.

15. A sa vosa vei Noa na Kalou ka tukuna,

16. Mo lako tani e na waqa, ko iko, kei na watimu, kei iratou na luvemu, kei na watidratou na luvemu:

17. ka mo kauta vata kei iko na ka bula kecega sa tiko kei iko, io, na mataqali manumanu kecega, na manumanu vuka, kei na manumanu e yavai va, kei na ka kecega sa qasi voli e delai vuravura; me ra tubu vakalevu e vuravura, ka vakaluveni, ka me ra lewe levu sara e vuravura.

18. Sa mani lako tani ko Noa, kei iratou na luvena, kei na watina, kei na watidratou na luvena:

19. Na manumanu kecega, na ka kecega sa qasi voli, kei na manumanu vuka kecega, kei na ka kecega sa bula voli e delai vuravura, me vaka na kedra dui mataqali, era sa lako tani mai na waqa.

 

Na Nona Veiyalayalayati na Kalou kei na Ka Buli

20. Sa cakava ko Noa e dua nai cabocabo-ni-soro vei Jiova; a sa taura eso vei ira na manumanu kecega e yavai va sa savasava, ka so vei ira na manumanu vuka kecega sa savasava, ka vakacabora nai soro kama e nai cabocabo-ni soro.

21. A sa boica nai boi ni veivinakati ko Jiova: a sa tukuna e lomana ko Jiova, Au na sega tale ni vakarusai vuravura e na vuku ni tamata; e dina ga ni ca tu na nanuma ni loma ni tamata mai na gauna e cauravou kina; ka置 na sega talega ni vakarusa na ka bula kecega, me vaka na ka ka置 sa kitaka oti oqo:

22. Ni sa tiko ko vuravura, na vulai teitei kei na vulai tatamusuki, kei na batabata kei na katakata, kei na vulai batabata kei na vulai katakata, kei na siga kei na bogi ena sega ni oti.

 

Ah Koy Christian Trust ゥ 2008

 

9. Na Yalayala ni Kalou vei Noa

 

1. Sa vosavakalouvinakataki Noa kei iratou na luvena na Kalou, ka sa tukuna vei iratou, Dou vakaluveni, ka tubu me lewe vuqa mai, ka vakatawai vuravura.

2. Era na rerevaki kemudou, era na domobula ena vukumudou, ena kani ira na manumanu kecega ni vanua, kei na manumanu vuka kecega, io, na ka kecega sa oso kina na vanua, kei na ika kecega ni wasawasa; era sa soli tu ki na ligamudou.

3. Na ka bula kecega e lako rawa sa na kemudou kakana. Au sa solia vei kemudou na ka kecega, me vaka sa kau drokadroka.

4. Ia mo dou kakua ni kania vata na lewena kei na kena vu-ni-bula, oqori na kena dra.

5. Ia Au na taroga vakaidina na nomudou dra na vu ni nomudou bula; au na taroga vua na liga ni manumanu kecega, kei na liga ni tamata. Mai na liga ni tamata yadua au na taroga na bula ni tacina.

6. Ko koya sa vakadavea na dra ni tamata, ena vakadavea talega na nona dra ko ira na tamata: ni sa bulia na tamata na Kalou me tovo vata kaya.

7. Ia koi kemudou, dou vakaluveni, ka tubu me lewe vuqa mai; mo dou vuavuai vakalevu e vuravura, ka mo dou lewe vuqa mai kina.

8. A sa vosa vei Noa na Kalou, vei iratou talega na luvena, ka sa tukuna,

9. Raica, koi Au, Au sa vakataudeitaka na noqu veiyalayalati vei kemudou, kei ira na nomudou kawa emuri:

10. kei na ka bula kecega sa tiko kei kemudou, na manumanu vuka, kei na manumanu e yavai va, kei na manumanu kecega e sega ni lasa e vanua era sa tiko kei kemudou; vei ira kecega sa lako tani e waqa, kei na manumanu kece talega ena tiko e vuravura.

11. Ia Au sa vakataudeitaka na noqu veiyalayalati kei kemudou: Era na sega tale ni muduki laivi na ka bula kecega e na wai ni waluvu; e na sega ni dua tale na waluvu me vakarusai vuravura.

12. Sa tukuna na Kalou, Oqo nai vakatakilakila ni veiyalayalati ka置 sa lesia vei Au kei iko, kei na ka bula kecega sa tiko kei kemudou, e nai tabatamata kecega:

13. Au sa lesia na noqu drodrolagi me tu e na o, ia sa na kenai vakatakilakila ni noqu veiyalayalati kei vuravura.

14. Ia, e na yaco Ni置 sa kauta na o me vakarurugi vuravura, ena dau laurai na drodrolagi e na o;

15. Au na qai nanuma na Noqu veiyalayalati Au sa cakava e na kedaru maliwa, kei na ka bula kecega e na kena dui mataqali; ia ena sega ni yaco tale na wai me waluvu, me vakawabokotaka na ka bula kecega.

16 Ia ena tiko e na o na drodrolagi; ia Au na qai dau raica, me置 nanuma kina na veiyalayalati sa tawa mudu e na maliwa ni Kalou kei na ka bula kecega sa tiko e dela i vuravura.

17. Sa tukuna vei Noa na Kalou, Oqo nai vakatakilakila ni veiyalayalati, ka置 sa tauyavutaka vei Au kei na ka bula kecega sa tiko e vuravura.

 

Noa kei Iratou na Luvena

18. Ia ko iratou na luvei Noa sa lako tani e na waqa, ko Semi, kei Ame, kei Jefeca: ia ko Ame, na tama i Kenani.

19. Ko iratou na lewe tolu oqo na luve i Noa: ia sa vu mai vei iratou na kawa tamata kecega e vuravura taucoko.

20. A sa vakatekivu ko Noa me tamata dauteitei, ka sa tea e dua na were ni vaini:

21. A sa gunuva na kena waini ka sa mateni, ka sa luvawale tu e loma ni nona vale laca.

22. Ia ko Ame, na tamai Kenani, sa kunea ni sa luvawale ko tamana, a sa tukuna vei rau na tuakana e tautuba.

23. Ia ko Semi kei Jefeca, erau a taura e dua nai tutuvi, rau a tauca ki tabadrau, ka lako vakanadaku, ka ubia na luvawale i tamadrau. A sa rai tani na matadrau, a rau sa sega ni raica na nona luvawale na tamadrau.

24. Ni sa yadra ko Noa mai na nona mateni, sa qai kila na ka e cakava vua ko koya luvena ka gone.

25. Sa qai tukuna, Ena cudruvi ko Kenani; Na bobula vei ira na tamata wale ko koya, kivei ira talega na wekana.

26. A sa tukuna tale, Sa vakavinavinakataki na Kalou i Semi; Ia ko Kenani, me sa nona tamata wale:

27. Me vakalevutaki Jefeca na Kalou, Ia me na dau tiko e na vale i Semi; Ia me nona tamata talega ko Kenani.

28. Sa bula tiko ko Noa, ni sa oti na waluvu, ka tolu na drau ka limasagavulu na yabaki.

29. Ia na veisiga kecega ni bula i Noa sa ciwa na drau ka limasagavulu na yabaki, sa qai mate.

 

Ah Koy Christian Trust ゥ 2008

 

10. Na Veimatanitu era Vu maivei Noa

 

1. Sa vakaoqo nai tukutuku ni nodratou yavusa na luve i Noa: ko Semi, ko Ame, kei Jefeca. Kei na luvedratou tagane ka ra qai sucu ni sa oti na waluvu.

2. Ko ira na luve i Jefeca; ko Komera, kei Mekoki, kei Madai, kei Javana, kei Tubali, kei Mesake, kei Tairasi.

3. Na luve i Komera; ko Asekinasa, kei Rifaca, kei Tokama.

4. Na luve i Javana; ko Ilaisa, kei Tasisi, kei Kitimi, kei Dotanimi.

5. Sa wasei mai vei ira oqo ko ira na tamata me ra bula e na veibaravi ni kai matanitu tani, na tamata yadua me vaka na nodra duivosa, ka vaka na nodra veivuvale, e na nodra veimatanitu.

6. Na luve i Ame; ko Kusi, kei Miseraimi, kei Pute, kei Kenani.

7. Na luve i Kusi; ko Seba, kei Avila, kei Sabeta, kei Reama, kei Sabiteka: ia na luve i Reama; ko Seba, kei Didana.

8. A sa sucu ko Nimirote na luve i Kusi; sa vakatekivu ko koya me tamata kaukauwa e vuravura:

9. Sa yaco me tamata kaukauwa ena dauvakasasa e na mata i Jiova ko koya: o koya oqo sa dautukuni kina, Sa vakataki Nimirote, na tamata dauvakasasa e na mata i Jiova.

10. Ia nai tekivu ni nona matanitu ko Pepeli, kei Ereki, kei Akata, kei Kaline, e na vanua ko Saina.

11. Sa biuta ko koya na vanua ko ya ka lako ki Asiria, ka tara na koro ko Ninive, kei na koro ko Riopoci, kei Kala,

12. kei Reseni, e na kedrau maliwa ko Ninive kei Kala; ko ya na koro levu.

13. Na luve i Miseraimi ko Ludaimi, kei Anamaimi, kei Leabimi, kei Navituimi,

14. kei Pacirusimi, kei Kasiluimi, (sa tubu maikina na kai Filisitia), kei Kapitorimi.

15. Ia ko Kenani sa tama i Saitoni, na nona ulumatua, kei Eci,

16. Kei ira na Jebusaiti, kei ira na Amoraiti, kei ira na Qaqasaiti,

17 Kei ira na Ivaiti, kei ira na Akaiti kei ira na Sainaiti,

18. Kei ira Avadaiti, kei ira na Semaraiti, kei ira na Amataiti, ia emuri era sa tete yani na veimataqali ni luve i Kenani.

19. Ia na nodrai yalayala na luve i Kenani sa tekivu mai Saitoni ni da lako vaka ki Qera, ka yaco ki Qasa: ia ni ko lako vaka ki Sotoma, kei Komora, kei Adama, kei Seboimi, ka yaco sara ki Lasa.

20. Oqo ko ira na luve i Ame, me vaka na nodra veivuvale, kei na nodra duivosa, ena nodra veivanua, kei na nodra veimatanitu.

21. A ra sa sucu talega na luve i Semi, sa tamadra kecega na luve i Ebari, na taci Jefeca na ulumatua.

22. Na luve i Semi; ko Elami, kei Asuri, kei Arivasade, kei Lute, kei Erami.

23. Na luve i Erami; ko Usi, kei Uli, kei Keca, kei Masa.

24. Ko Arivasade na tama i Sela, ia ko Sela na tama i Ebari.

25. Ia sa sucu e rua na luve i Ebari gone tagane; na yacana e dua ko Peleki, ni sa wase ko vuravura e na nona gauna; ia na yaca i tacina ko Joketani.

26. Ko Joketani sa tamadratou ko Alimodadi, kei Selevi, kei Esamaveci, kei Jera,

27. Adorama, Usali, Dikila,

28. Obali, Abimaeli, kei Seba,

29. Ofira, Avila, kei Jobaba: ko ira kecega oqo na luve i Joketani.

30. Ia na nodrai tikotiko sa tekivu mai Mesa, ni ko lako vaka ki Sefari, na ulu-ni-vanua mai na tu-i-cake.

31. Oqo ko ira na luve i Semi, me vaka na nodra veivuvale, me vaka na nodra duivosa, e na nodra veivanua, me vaka na nodra veimatanitu.

32. Oqo na nodra dui vuvale na luve i Noa, me vaka na nodra dui taba-tamata, e na nodra veimatanitu: ia mai vei ira oqo sa wasei kina na veimatanitu e vuravura, ni sa oti na waluvu.

 

Ah Koy Christian Trust ゥ 2008

 

11. Ko Pepeli na Vale Cecere

 

1. A sa duavata ga na vosa e vuravura taucoko ka sa kilai vei ira taucoko.

2. A sa yaco ni ra sa lako tani mai na tu-i-cake, era mani kunea e dua na buca mai na vanua ko Saina; ka ra sa tiko kina.

3. A ra sa veivosaki vakataki ira, Tou ia mada, tou cakava na vatu-buli, ka tavuna vakavinaka. A ra sa taura na vatu-buli me kena vatu, ka taura na kuluta me kena drega.

4. A ra sa tukuna, Tou ia mada, tou tara e dua na noda koro, kei na dua na vale cecere me yacovi lomalagi na delana; tou cakava me rogo kina na yacada, de mani yaco me da na dui veiseyaki yani e dela i vuravura taucoko.

5. Ia sa lako sobu ko Jiova me raica na koro kei na vale cecere, era tara na tamata.

6. A sa tukuna ko Jiova, E dina, era sa dua vata ga na tamata, ka sa dua ga na vosa era vosataka kecega; ia sai koya ko ya na ka era sa vakatekivu ni kitaka; ia oqo, na ka kecega era nakita me ra cakava ena sega ni rawa ni tarovi.

7. Tou ia mada, tou lako sobu, ka vakasesea na nodra vosa, me ra kakua kina ni veikilai vosa.

8. Sa mani vakasavi ira maikea ko Jiova, ki dela i vuravura taucoko: sa cegu na nodra tara na koro.

9. O koya sa vakatokai kina na yacana ko Pepeli; ni sa vakasesea maikea na vosa ni vuravura taucoko ko Jiova: a sa dui vakasavi ira maikea ko Jiova, ki dela i vuravura taucoko.

Na Kawa i Semi

10. Oqo na kawa Semi: Sa dua na drau na yabaki i Semi, a sa qai sucu na luvena ko Arivasade, ni sa oti e rua na yabaki mai na waluvu.

11. Ni sa sucu oti ko Arivasade, sa bula tale tiko ko Semi me lima na drau na yabaki, a sa sucu eso tale na luvena tagane kei na luvena yalewa.

12. Sa bula ko Arivasade me tolusagavulu ka lima na yabaki, a sa qai sucu ko Sela na luvena:

13. Ni sa sucu oti ko Sela, sa bula tale tiko ko Arivasade, me va na drau ka tolu na yabaki, a sa sucu eso tale na luvena tagane kei na luvena yalewa.

14. Sa bula ko Sela ka tolusagavulu na yabaki, a sa qai sucu na luvena ko Ebari:

15. Ni sa sucu oti ko Ebari, sa bula tale tiko ko Sela me va na drau ka tolu na yabaki, a sa sucu eso tale na luvena tagane kei na luvena yalewa.

16. Sa bula ko Ebari me tolusagavulu ka va na yabaki, a sa qai sucu ko Peleki na luvena.

17. Ni sa sucu oti ko Peleki, sa bula tale tiko ko Ebari me va na drau ka tolusagavulu na yabaki, a sa sucu eso tale na luvena tagane kei na luvena yalewa.

18. Sa bula ko Peleki me yabaki tolusagavulu, a sa qai sucu ko Reu na luvena:

19. Ni sa sucu oti ko Reu, sa bula tale tiko ko Peleki me rua na drau ka ciwa na yabaki, a sa sucu eso tale na luvena tagane kei na luvena yalewa.

20. Sa bula ko Reu me tolusagavulu ka rua na yabaki, a sa qai sucu ko Seruke na luvena:

21. Ni sa sucu oti ko Seruke, sa bula tale tiko ko Riu me rua na drau ka vitu na yabaki, a sa sucu eso tale na luvena tagane kei na luvena yalewa.

22. Sa bula ko Seruke me tolusagavulu na yabaki, a sa qai sucu ko Neori na luvena:

23. Ni sa sucu oti ko Neori, sa bula tale tiko ko Seruke me rua na drau na yabaki, a sa sucu eso tale na luvena tagane kei na luvena yalewa.

24. Sa bula ko Neori me ruasagavulu ka ciwa na yabaki, a sa qai sucu ko Tera na luvena:

25. Ni sa sucu oti ko Tera, sa bula tale tiko ko Neori me yabaki dua na drau ka tinikaciwa, a sa sucu eso tale na luvena tagane kei na luvena yalewa.

26. Sa bula tiko ko Tera me vitusagavulu na yabaki, eratou sa qai sucu na luvena ko Eparama, kei Neori, kei Arani.

 

Na Kawa I Tera

27. Sa vakaoqo na kawa i Tera: Sa sucu na luve i Tera ko Eparama, ko Neori, kei Arani; ko Arani sa tama i Lote.

28. A sa mate ko Arani e na mata i tamana ko Tera, e na vanua ka sucu kina, e Uri mai Kalitia.

29. A rau sa dui vakawati ko Eparama kei Neori: na yaca ni wati Eparama ko Serai, kei na yaca ni wati Neori ko Milika, na luve i Arani, ko koya na tama i Milika, kei Isika.

30. A sa yava ko Serai; sa sega na luvena.

31. A sa kauti Eparama na luvena ko Tera, kei Lote na luve i Arani, na makubuna, kei Serai na vugona, na wati Eparama na luvena; eratou sa lako tani mai Uri mai Kalitia, me ratou lako ki na vanua ko Kenani: eratou sa yaco ki Karana ka tiko kina.

32. Ia na veisiga i Tera sa rua na drau ka mani lima na yabaki, ka sa mate ko Tera mai Karana.

 

Ah Koy Christian Trust ゥ 2008

 

12 Vosa ni Yalayala vei Eparama

 

1. Ia sa tukuna oti vei Eparama ko Jiova, mo lako tani e na nomu vanua, ka biuti ira na wekamu, kei na vale nei tamamu, ka lako ki na vanua ka置 na vakatakila vei iko:

2. Au na vakayacori iko mo matanitu levu; Au na vakalouvinakataki iko, ka vakarogorogoya na yacamu; ia ko na vu ni veivakalouvinakataki:

3. Au na vakalouvinakataki ira era vosavakalouvinakataki iko, ka cudruvi koya sa rukaki iko; ena kalouvinaka talega e na vukumu na veimataqali kecega e vuravura.

4. Sa lako tani ko Eparama, me vaka sa vosa kina vua ko Jiova; ka sa lako vata kei koya ko Lote. Ko Eparama, e sa yabaki vitusagavulu ni sa lako tani mai Karana.

5. Ko Eparama, sa kauti Serai na watina kei Lote na luve i tuakana, kei na i yau kecega eratou sa taukena, kei na tamata eratou sa rawata mai Karana: a ra sa lako tani me ra lako kina vanua ko Kenani. A ra sa yaco sara ki na vanua ko Kenani.

6. Sa lako tu ena vanua ko Eparama ka yaco ki na yasana i Sekemi, ki na kau mai More. Era sa tiko maikea e na gauna koya na kai Kenani.

7. Sa qai rairai vei Eparama ko Jiova, ka sa tukuna, Au na solia vei ira na nomu kawa na vanua oqo. A sa cakava maikea ko koya e dua nai cabocabo-ni-soro vei Jiova, ko Koya ka rairai vua.

8. Sa lako tani maikea ko koya ki na ulu-ni-vanua vaka ki na tokalau kei Peceli, ka birika na nona vale laca, a sa koto vaka ki na ra ko Peceli, ka vaka ki na tokalau ko Ai; a sa cakava maikea ko koya e dua na i cabocabo-ni-soro vei Jiova, a sa masuta na yaca i Jiova.

9. A sa lako tu ga ko Eparama, ka lako vaka ki na ceva.

 

Ko Eparama mai Ijipita

10. Sa yaco na dausiga e na vanua, ka sa lako sobu ko Eparama ki Ijipita me la談i tiko kina; ni sa ka tani na dausiga ena vanua.

11. Ia ko koya, ni sa vakarau me curu ki Ijipita, sa tukuna vei Serai na watina, Raica, au sa kila ni ko sa yalewa mata-vinaka.

12. Ia ni na yaco me ra raici iko ko ira na kai Ijipita, era na qai tukuna, Oqo na watina: era na qai vakamatei au, ka vakabulai iko:

13 au masuti iko kina mo tukuna mada ko sa ganequ: me置 vinaka kina, ia ka置 na bula talega ena vukumu.

14 Ia ni sa yaco ki Ijipita ko Eparama, era sa raici koya na yalewa ko ira na kai Ijipita ni sa mata-vinaka sara ko koya.

15. Era sa raici koya talega na tamata turaga i Fero, ka vosa-vinakataki koya vei Fero; a sa kau ki na vale nei Fero na yalewa.

16. A sa caka vinaka vei Eparama ko koya e na vukuna; a sa rawata ko Eparama na sipi, kei na bulumakau, kei na asa tagane, kei na tamata, kei na vada, kei na asa yalewa, kei na kameli.

17. Ia ko Jiova sa vakararawataki Fero kei ira e nona vale ena mate ca sara, ena vuku i Serai na wati Eparama.

18. A sa kacivi Eparama ko Fero, ka tukuna, A cava na ka oqo ko sa cakava vei au? a cava ko a sega kina ni tukuna vei au ni sa watimu ko koya?

19. A cava ko a tukuna kina, A ganequ ko koya? Sa rawarawa kina me watiqu: ia oqo na watimu, mo tauri koya ka lako.

20. A sa vakaroti ira na tamata ko Fero ena vukuna: a ra sa vakatalai koya yani kei na watina, kei na nona ka kecega.

Ah Koy Christian Trust ゥ 2008

 

13 Sa taukeni Kenani ko Eparama

 

1. A sa lako tani mai Ijipita ko Eparama, ko koya kei na watina, kei na ka kecega, e taukena, kei Lote talega, me ra lako vaka ki na Ceva.

2. A sa vutuniyau sara ko Eparama, ena manumanu e yavai va, ena siliva, kei na Koula.

3. A sa lako koya ena nona i lakolako mai na Ceva ka yaco ki Peceli, ki na yasana sa tiko kina e liu na nona vale laca, ena kedrau maliwa ko Peceli kei Ai;

4. Ki na vanua ka cakava kina eliu ko koya nai cabocabo-ni-soro. A sa masuta maikea ko Eparama na yaca i Jiova.

5. Ko Lote talega, ko koya erau a lako vata kei Eparama, sa taukena na qele ni sipi, kei na qele ni bulumakau, kei na vale laca.

6. Sa sega ni rauti rau na vanua me rau tiko vata kina, ni sa levu na ka erau taukena, sa dredre kina me rau tiko vata.

7. A ra sa dauveileti na i vakatawa ni manumanu e yavai va i Eparama, kei na i vakatawa ni manumanu e yava i va i Lote. Era sa tiko ena vanua na kai Kenani kei ira na Perisaiti..

8. Sa tukuna vei Lote ko Eparama, Me kakua mada na veileti vei kedaru, se vei ira na noqu i vakatawa ni manumanu kei ira na nomu i vakatawa ni manumanu; ni daru sa veiwekani.

9. Sa sega li ni tiko e matamu na vanua taucoko? Me daru tawase mada ne? kevaka ko lako ki nai mawi, au na lako ki na i matau; se ko lako ki na i matau, au na lako ki na i mawi.

10. A sa ta cake ko Lote, ka raica na Buca taucoko sa volita na Joritani, e na sala vaka ki Soa, ni sa vuqa na kena wai e na veiyasana kecega, ni sa bera na nona vakarusai Sotoma kei Komora ko Jiova, io sa vaka na were i Jiova, sa vaka na vanua ko Ijipita.

11. Sa mani digitaka ko Lote na buca taucoko sa volita na Joritani me nona; sa qai lako vaka ki na tokalau ko Lote. Ia erau sa vei-tawasei.

12. Sa tiko e na vanua ko Kenani ko Eparama, a sa tiko ko Lote ena veikoro mai na buca sa volita, a sa la談i birika na nona vale laca vaka ki Sotoma.

13. Ia era sa tamata ca na kai Sotoma, kai valavala ca sara ena mata i Jiova.

14. Sa tukuna vei Eparama ko Jiova, ni sa tawase tani vua ko Lote, Mo ta cake mada ka rai yani ena tikina ko tu kina, ia mo rai vaka ki na vualiku, kei na ceva, ki na tokalau, kei na ra;

15. Ia na vanua taucoko ko sa raica Au sa solia vei iko, kei ira na nomu kawa me ra taukena ka tawa mudu.

16. Ia Au na vakalewevuqataki ira na nomu kawa me ra vaka na kuvu ni soso: ia kevaka sa wilika rawa na kuvu ni soso e dua na tamata, ena qai wili rawa na nomu kawa.

17. Mo cavu tu, mo lako voli e na vanua, na kena balavu, kei na kena raraba; ni置 sa solia vei iko.

18. Sa cavuta na nona vale laca ko Eparama, ka la談i tiko volekata na kau tabu mai Mamire, ko koya mai Epironi, a sa cakava maikea e dua na i cabocabo-ni-soro vei Jiova.

 

Ah Koy Christian Trust ゥ 2008

 

14. Na Vesu kei na Sereki nei Loti

 

1. A sa yaco ena gauna i Amerafeli na tui Saina, ko Arioki na tui Elasari, ko Kitoleoma na tui Ilama, kei Titali na tui ni veivanua eso;

2. Eratou a veivaluti ko iratou oqo kei Bera na tui Sotoma, kei Pirisa na tui Komora, kei Sinapa na tui Atima, kei Semepa na tui Sepoimi, kei tui Pela, (koya ko Soa).

3. Eratou sa soqoni vata ko iratou kecega oqo mai na buca mai Sitimi, ko ya na wasawasa Tuituina.

4. E tinikarua na yabaki e ratou qaravi Kitoleoma tiko kina, ia ena kena i katinikatolu ni yabaki eratou sa bese.

5. Ia ena kena i katinikava ni yabaki sa lako mai ko Kitoleoma, kei iratou na tui eratou tiko kaya, e ratou sa mokuti ira na Refeimi mai Aseteroci Karineimi, kei ira na Susimi mai Ame, kei ira na Emimi mai Save-Kiriaceimi;

6. kei ira na Oraiti mai na nodra ulunivanua ko Sia, ka yacovi Eli-Perani, ka voleka ki na vanua liwa.

7. A ra sa lesu, ka lako mai ki Eni-Misivata, (ko ya ko Kadesa), ka samuta na nodra vanua kecega na Amalekaiti, kei na Amoraiti, era tiko mai Asesoni-tamari.

8. A sa lako yani ko tui Sotoma, kei tui Komora, kei tui Atima, kei tui Sepoimi, kei tui Pela, (ko ya ko Soa); a ra sa tuva i valu vei ira e na buca mai Sitimi;

9. Io vei Kitoleoma na tui Ilama, kei Titali na tui ni veivanua eso, kei Amirafeli na tui Saina, kei Erioki na tui Elasari; e le va na tui me veivala kei na lima na tui.

10. A sa vuqa nai keli qele dregadregata ena buca mai Sitimi; e rau a dro na tui Sotoma kei Komora; eso era lutu kina, ia era a dro bula na kena vo ki na ulu-ni-vanua.

11. Era a tokia nai yau kecega ni Sotoma kei Komora, kei na kedra kakana kecega, ka lako yani:

12. Era a tauri Lote, na luve ni tuakai Eparama ko koya ka tiko mai Sotoma, kei na nonai yau, ka ra lako yani.

13. Ia e dua vei ira na bula sa lako mai ka tukuna vei Eparama na Iperiu; sa tiko ko koya mai na veikau eso nei Mamire na Amoraiti, a taci i Esikoli, kei na taci i Aneri: e ratou sa to vata kei Eparama ko iratou oqo.

14. Ia ni sa rogoca ko Eparama sa kau vakabobula na luve ni tuakana, sa vakaiyaragitaki ira na nona tamata sa vakavulici, ko ira era sa sucu ena nona vale, e tolu-na drau ka tinikawalu,ka cicivi ira ki Tani:

15. A sa wasei ira na nona tamata me ra sikiti ira ena bogi, a sa mokuti ira, ka vakasavi ira ki Opa, ko ya ki nai mawi kei Tamasiko:

16. A sa kauta tale mai nai yau kecega; kei Lote talega na luve ni tuakana, kei na nona i yau, kei ira talega na yalewa, kei ira na tamata.

17. Ia ko tui Sotoma sa la談i tavaki koya ni sa lesu mai ni sa mokuti Kitoleoma, kei iratou na turaga eratou a tiko vata mai na buca mai Seve, (ko ya na buca nei koya na tui).

 

Ko Eparama kei Melekiseteki

18. A sa kauta yani na madrai kei na waini ko Melekiseteki na tui Selemi: ia ko koya na bete ni Kalou Cecere Sara.

19. A sa vosa vakalouvinakataki koya, ka vaka, Sa kalouvinaka ko Eparama vua na Kalou Cecere Sara, ko koya sai taukei ni lomalagi kei vuravura;

20. Me vakavinavinakataki talega na Kalou Cecere Sara, ko koya sa soli ira na nomu meca ki na ligamu. A sa solia vua ko Eparama nai katini ni ka kecega.

21. A sa tukuna vei Eparama ko tui Sotoma, Mo soli ira mada mai vei au na tamata, ka kauta nai toki me nomu.

22. A sa tukuna vei tui Sotoma ko Eparama, Au sa dulaka oti na ligaqu vei Jiova, na Kalou Cecere Sara, ko koya sai taukei ni lomalagi kei vuravura,

23. Me置 kakua ni kauta e dua na vulovulo se dua na wa ni vava, se dua na ka sa nomu, de ko tukuna, Au sa vakavutuniyautaki Eparama:

24. Na ka ga era sa kania na cauravou, kei na nodrai votavota na tamata keitou a lako vata, ko Aneri, ko Esikoli, kei Mamire; me ratou kauta ga na nodratoui votavota.

 

Ah Koy Christian Trust ゥ 2008

 

15. Nodrau Veiyalayalati na Kalou kei Eparama

 

1. Sa oti na ka oqori sa vosa vei Eparama ko Jiova e na raivotu, ka vaka, Mo kakua ni rere, Eparama: koi Au na nomui sasabai, koi Au na nomu i votavota e uasivi.

2. A sa tukuna ko Eparama, kemuni na Turaga ko Jiova, a cava ko ni na solia vei au, ko ni raica ni sa sega na luvequ, ia e nai taukei e na noqu vale ko Eliesa na kai Tamasiko?

3. Sa tukuna talega ko Eparama, Raica, ko ni sa sega ni solia vei au na kawa: ia e dua ga sa sucu e na noqu vale sa na kenai taukei.

4. Ka raica, sa yaco vua na vosa i Jiova, ka vaka, ko koya oqo ena sega ni na taukena na nomu ka; ia ko koya e na tubu mai na yagomu ena taukena na nomu ka.

5. Sa qai kauti koya ki tautuba, ka tukuna, Mo raici lomalagi mada, ka wilika na kalokalo kevaka ko sa wilika rawa. A sa tukuna vua, Sa na vakakina na nomu kawa.

6. Sa vakabauti Jiova ko koya; ia ko Koya sa wiliki koya me i valavala dodonu.

7. A sa tukuna vua ko Koya, koi au ko Jiova, ko Koya ka kauti iko tani mai Uri mai Kalitia, ka me置 solia vei iko na vanua oqo mo taukena.

8. A sa tukuna ko koya, Kemuni na Turaga ko Jiova, me置 kila vakacava ni置 na taukena?

9. Sa tukuna vua ko Koya, Mo kauta mai vei au e dua na luve ni bulumakau yalewa sa yabaki tolu, dua na me yalewa sa yabaki tolu, dua na sipi tagane sa yabaki tolu, e dua na soqe, kei na dua na luve ni ruve.

10. Sa kauta na ka kecega oqo ko koya, ka wasea rua, sa vakadavora yadua na tikina me rau veibasai: ia e a sega ni wasea na manumanu vuka.

11. Ia ni ra sa vuka sobu mai na manumanu kila me kania na yagodra sa mate, sa vakasavi ira ko Eparama.

12. Ia ni sa dromu sobu na mata-ni-siga, sa biti Eparama e dua na mocelevu: ka raica, sa yacovi koya e dua na butobuto loaloa e rerevaki sara.

13. A sa tukuna ko Koya vei Eparama, Mo kila vakaidina ni na tiko vulagi na nomu kawa e na vanua sa sega ni nodra, ka ra na vakabobulataki ira, ia era na vakararawataki ira, ka va na drau na yabaki:

14. Ia na matanitu talega era na qarava ka置 na lewa: sa oti, era na qai lako tani mai, ka na levu na nodra i yau:

15. Ia ko iko, ko na lako e na vakacegu vei ira na tamamu; ko na buluti ni ko sa qase sara mai:

16. Ia e na kenai kava ni tabatamata era na lesu tale mai kike; ni sa bera ni sinai edaidai na nodrai valavala ca na Amoraiti.

17. Ia ni sa dromu na mata-ni-siga ka sa butobuto, raica, sa dua na cina sa caudre tiko sa lako e na maliwa ni tiki ni manumanu ko ya.

18. E na siga ko ya sa ia na veiyalayalati ko Jiova kei Eparama, ka tukuna, Au sa solia na vanua oqo vei ira na nomu kawa, mai na uciwai ni Ijipita ka yacova na uciwai levu, na uciwai ko Uferetisi:

19. Ko ira na Kenaiti, na Kenisaiti, na Katimonaiti,

20. na Itaiti, na Perisaiti, na Refeimi,

21. na Amoraiti, na kai Kenani, na Qaqasaiti, kei na Jebusaiti.

 

Ah Koy Christian Trust ゥ 2008

 

16. Ko Eka kei Isimeli

 

1. Ia ko Serai na wati i Eparama sa sega ni vakaluveni vua: sa dua na nona vada e yalewa ni Ijipita ka yacana ko Eka.

2. A sa tukuna vei Eparama ko Serai, Raica, sa tarovi au ko Jiova me置 kakua ni vakaluveni: mo la談i veiyacovi mada kei na noqu vada; de置 na vakaluveni mai vua. A sa vakarorogo vei Serai ko Eparama.

3. Ko Serai, na wati i Eparama, sa qai kauti Eka na nona vada na yalewa ni Ijipita, ka solia vei Eparama me watina, ni sa oti e tini na yabaki na nona tiko voli ko Eparama e na vanua ko Kenani.

4. Sa mani la談i curu vei Eka ko Eparama, a sa kunekune ko koya. Ia ni sa kila ko Eka ni sa kunekune, sa qai beca na nona marama ko koya.

5. Sa tukuna vei Eparama ko Serai, Sa bale vei iko na noqu vakacacani: au a solia na noqu vada ki na lomaseremu; ia ni sa kila ko koya ni sa kunekune, sa qai beci au na matana: me lewa mada vei kedaru ko Jiova.

6. Sa tukuna vei Serai ko Eparama, Raica, sa tu ga vei iko na nomu vada; mo kitaka ga vua na ka ko vinakata. Ia ni sa vakararawataki koya ko Serai, sa drotani yani maivua ko koya.

7. A sa kunei koya na Agilose i Jiova mai na dua na mata-ni-wai mai na vanua liwa, io mai na mata-ni-wai e na sala ki Suri.

8. Sa tukuna ko koya, I Eka, na vada i Serai, ko sa lako mai vei? Ko sa lako talega ki vei? A sa tukuna, Au sa drotaki Serai na noqu marama.

9. Sa tukuna vua na Agilose i Jiova, mo lesu tale mada vua na nomu marama, ka vakamalumalumutaki iko vua.

10. Sa tukuna talega vua ko koya na Agilose i Jiova, Au na vakalevutaka vakalevu na nomu kawa, ka na sega ni wili rawa e na vuku ni kena levu.

11. Sa tukuna talega vua ko koya na Agilose i Jiova, Raica, ko sa bukete, ko na vakasucuma talega e dua na gonetagane, ia ko na vakayacani koya mada ko Isimeli; ni sa kila na nomu rarawa ko Jiova;

12. Ia ena tamata kila ko koya; na ligana ena via vakacacana na tamata kecega, kei na liga ni tamata kecega ena via vakacacani koya; ia ena tiko ko koya e na matadra na wekana kecega.

13. A sa vakatoka ko koya na yaca i Jiova ka vosa vua, Kemuni-na-Kalou-sa-Raica: ni sa tukuna, Au sa raici Koya li eke, ko Koya sa raici au?

14. O koya sa vakayacana kina na mata-ni-wai ko ya ko Pierileairoi [Na mata-ni-wai nei Koya sa bula, ko Koya sa raici au]: raica, sa tiko e na maliwa kei Ketesa kei Pereti.

15. A sa vakasucuma vei Eparama ko Eka e dua na luvedrau tagane; ia ko Eparama sa vakayacana na luvena oqo ko Isimeli.

16. A sa walusagavulu ka ono na yabaki i Eparama, ni sa sucu na luvena ko Isimeli vei Eka.

 

Ah Koy Christian Trust ゥ 2008

 

17. Nai vakatakilakila ni Veiyalayalati

 

1. Ni sa ciwasagavulu ka ciwa na yabaki i Eparama, sa qai rairai vei Eparama ko Jiova, ka tukuna vua, Koi au na Kalou Kaukauwa: me dodonu na nomui valavala vei au, ka mo kakua ni cala:

2. Ia ka置 na vakayacora na Noqu veiyalayalati kei iko, ka vakalewevuqataki iko vakalevu sara.

3. Sa qai cuva vakatoboicu ko Eparama: Na Kalou sa vosa vua, ka vaka,

4. Koi au, raica, sa tiko kei iko na Noqu veiyalayalati, ia ko na tamadra na matanitu e vuqa:

5. E na sega ni vakatokai tiko na yacamu ko Eparama, sa na yacamu ga ko Eparaama; ni置 sa lewa vei iko mo tamadra na matanitu e vuqa:

6. Ia au na vakalevutaka sara na nomu kawa, au na vakatubura maivei iko na veimatanitu, era na tubu mai vei iko na tui eso.

7. Ia au na vakadeitaka na noqu veiyalayalati kei iko, kei ira talega na nomu kawa, e na nodrai tabatamata kecega, ka me veiyalayalati e tawamudu; ia ka me置 sa nomu Kalou, ka me置 nodra Kalou talega na nomu kawa.

8. Au na solia vei iko kei ira na nomu kawa na vanua ko sa tiko vulagi kina, a vanua taucoko ko Kenani, me ra taukena ka tawa mudu; ia Au na nodra Kalou.

9. Sa tukuna talega vei Eparaama na Kalou, Ia vei iko, Mo vakabauta na noqu veiyalayalati, ko iko, kei ira na nomu kawa era na muri iko, e na nodrai tabatamata kecega.

10. Oqo na noqu veiyalayalati mo maroroya, me baleti Au kei iko, kei ira kece na nomu kawa era muri iko: Me ra cilivi na nomudou gonetagane kecega.

11. Dou ciliva na kuli ni vusomudou; ia sa na kenai vakatakilakila oqo ni noqu veiyalayalti kei kemudou:

12. Ia ko koya vei kemudou sa bogi walu ena cilivi, na gonetagane kecega e na nomudou i tabatamata kecega; ko koya sa sucu e vale, se voli e nai lavo mai vua na kai tani kece, sa sega ni nomu kawa.

13. Me cili ga, ko koya sa sucu e nomu vale, kei koya sa voli e na nomui lavo: ia ena tu e na lewemudou nai vakatakilakila ni noqu veiyalayalati, me veiyalayalati ka tawa mudu

14. Ia na gonetagane sa sega ni cilivi me na vakatatabui sara na tamata ko ya mai vei ira na kai nona; sa voroka ko koya na noqu veiyalayalati.

15. Sa tukuna talega vei Eparaama na Kalou, Ko Serai na watimu, mo kakua ni vakatoka na yacana ko Serai, sa na yacana ga ko Sera.

16. Ia ka置 na vakalouvinakataki koya, ka solia me sucu mai vua e dua na luvemu tagane; io, ka置 na vakalouvinakataki koya, ena tinadra na veimatanitu; na nodra tui na veimata tamata ena tubu mai vua.

17. Sa qai cuva vakatoboicu ko Eparaama, ka dredre, ni sa tukuna e lomana, Ena sucu beka na gone vua e sa dua na drau na nona yabaki? Ia ena vakasucu beka ko Sera, ni sa ciwasagavulu na nona yabaki?

18. Sa tukuna vua na Kalou ko Eparaama, Me bula mada e matamuni ko Isimeli!

19. Sa tukuna na Kalou, E sega, e na vakasucuma dina ko Sera na watimu e dua na luvemu tagane; ia mo na vakayacani koya ko Aisake, Au na vakataudeitaka na Noqu veiyalayalati kei koya me veiyalayalati e tawa mudu, vei ira talega na nona kawa era na muri koya.

20. Ia kivei Isimeli, Au sa rogoci iko ena vukuna: Raica, Au sa vakalouvinakataki koya, ka na lewe vuqa mai na luvena, Au na vakalevutaki koya vakalevu sara: e le tinikarua na turaga ena vakatubura: ia Au na vakamatanitulevutaki koya.

21. Ia na Noqu veiyalayalati Au na vakataudeitaka ga kei Aisake, ko koya e na vakasucuma vei iko ko Sera e na gauna sa lokuci tu e na yabaki mai muri.

22. Sa mudu ni vosa tiko vua, sa qai lako tani vei Eparaama na Kalou.

23. Sa mani kauti Isimeli na luvena ko Eparaama, kei ira kecega era sucu e nona vale, kei ira kecega era voli e na nonai lavo, ko ira kecega na tagane era tiko e na vale i Eparaama, a sa cilivi ira e na siga dina ko ya, me vaka e vakarota vua na Kalou.

24. Sa ciwasagavulu na yabaki i Eparaama ni sa cilivi.

25. Sa tinikatolu na yabaki i Isimeli na luvena ni sa cilivi.

26. E na siga dina ko ya sa cilivi kina ko Eparaama kei Isimeli na luvena;

27. kei ira kece na tagane era nona lewe-ni-vale, era sucu e vale, kei ira era voli e nai lavo mai vua na kai tani, era sa cili vata kaya.

 

Ah Koy Christian Trust ゥ 2008

 

18 Na Luve ni Vosa ni Yalayala

 

1. A sa rairai vua ko Jiova e na kautabu mai Mamire: a sa tiko ko koya e na katuba ni vale laca ni sa katakata na siga:

2. A sa tacake ka rai voli, ka raica, sa tu voleka vua e lewe tolu na tamata: ia ni sa raici iratou, sa cici yani mai na katuba ni vale laca me la談i tavaki iratou, ka sa cuva vaka ki na qele,

3. ka tukuna, Kemuni na noqu Turaga, kevaka ka置 sa kune loloma e matamuni, mo ni kakua mada ni lako tani vua na nomuni tamata.

4. Me kau mada mai e dua na wai lailai, mo dou vuya mada na yavamudou, ka vakacegu e na ruku ni vu-ni-kau.

5. Ia au na kauta mai e dua na tiki ni madrai, ka mo dou vakaceguya mada na lomamudou. Ni sa oti dou na qai lako yani, me vaka ga na nomudou lako mai kivua na nomudou tamata. Eratou a tukuna, Mo kitaka mada me vaka ko sa tukuna.

6. Sa mani lako vakatotolo ko Eparaama ki loma ni vale laca kivei Sera, ka tukuna, Mo kusarawa mo vakarautaka e tolu nai vakarau madrai droka; mo natuka ka tavuna eso na keke.

7. A sa cici ko Eparaama ki na qele ni manumanu, ka kauta mai e dua na luve ni bulumakau sa malumu na lewena ka vinaka, ka solia vua e dua na cauravou; a sa kusarawa ko koya ni vakarautaka.

8. A sa kauta na bata kei na sucu, kei na luve ni bulumakau sa vakabuta oti, ka tauca vei iratou; ia sa tu volekati iratou ko koya e ruku ni kau ni ratou sa kana.

9. Eratou a tukuna vua, Sa evei ko Sera na watimu? E tukuna ko koya, E tiko e loma ni vale laca.

10. A sa tukuna ko koya, Au na lesu vakaidina mai vei iko me vaka na kena gauna, ka raica, ena dua na luvena tagane ko Sera na watimu. Sa vakarogoca tu ko Sera mai na katuba ni vale laca ka tu mai dakuna.

11. E rau sa qase ruarua ko Eparaama kei Sera, sa vuqa na nodrau yabaki; sa lako sivia ko Sera na gauna ni nona vakaluveni.

12. Ia ko Sera e dredre lo e lomana, ka tukuna, Ni置 sa qase mai me置 na marau beka, ka ni sa qase talega na noqu turaga?

13. E tukuna vei Eparaama ko Jiova, Na cava e dredre kina ko Sera, ka vaka, Au na vakasucu vakaidina beka koi au, ni置 sa qase mai?

14. E dua beka na ka sa dredre vei Jiova? Au na lesu mai vei iko ena gauna sa lokuci, me vaka na kena gauna, ia ko Sera ena qai dua na luvena tagane.

15. Ia sa cakitaka ko Sera, ka tukuna, Au a sega ni dredre; ni sa rere ko koya. A sa tukuna ko koya, E segai; ko a dredre dina.

 

Sa masulaki Sotoma ko Eparaama

16. Eratou sa qai cavutu maikea na tamata ka gole vaka ki Sotoma, ia sa lako vata kei iratou ko Eparaama me la談i talatala.

17. Sa tukuna ko Jiova, Au na vunia li vei Eparaama na ka au na cakava,

18. ni na yaco vakaidina ko Eparaama me matanitu levu ka kaukauwa, ena kalouvinaka talega e na vukuna na veimatanitu kecega e vuravura.

19. Ni置 sa kilai koya, ni na vakaroti ira na luvena kei na nona mataqali era na muri koya, era na vakabauta talega na sala i Jiova, me kitaka na ka dodonu, ka ia na lewa dodonu; me vakayacora kina vei Eparaama ko Jiova na ka ea vosa kina vua.

20. Sa tukuna talega ko Jiova, Ni sa ka levu nai tukutuku kei Sotoma kei Komora, a sa ka tani sara na nodrai valavala ca,

21. Au na lako sobu mada ka raica se ra sa cakava me vaka sara na kenai tukutuku, sa yacovi au; ia kevaka e sega, Au na qai kila.

22. Ia erau a gole tani maikea koi rau na tamata, ka lako vaka ki Sotoma, ia ko Eparaama e wavu tu ga e na matai Jiova.

23. A sa toro voleka vua ko Eparaama, ka tukuna, Ko ni na vakarusa vata beka na yalododonu kei nai valavala ca?

24. De sa lewe limasagavulu na yalododonu e loma ni koro ko ya; Ko ni na vakarusa beka ka sega ni vosota na koro ko ya e na vukudra na lewe limasagavulu era na kune kina?

25. Me yawa mada vei kemuni mo ni cakacaka vaka-oqori, ka vakamatea vata na yalododonu kei nai valavala ca, ka me tautauvata na yalododonu kei nai valavala ca, me yawa mada vei kemuni! Ena sega li ni caka dodonu ko Koya sa lewai vuravura kecega?

26. Sa tukuna ko Jiova, Kevaka ka置 sa kunea mai Sotoma e lewe limasagavulu na tamata yalododonu e loma ni koro, Au na qai vosota na koro taucoko e na vukudra.

27. E sauma ko Eparaama, ka vaka, Raica, E dina oqo, koi au walega na kuvu ni soso kei na dravusa, au sa doudou ni vosa vei kemuni na Turaga:

28. De sa lewe vasagavulu ka lima ga na yalododonu; ko na vakarusa beka na koro taucoko ke sa yali tale e lewe lima? A sa tukuna ko koya, Ke置 sa kunea kina e lewe vasagavulu ka lima, au na sega ni vakarusa.

29. Sa vosa tale vua ko koya, ka vaka, De sa kune kina e lewe vasagavulu. A sa tukuna ko koya, Au na sega ni kitaka e na vukudra na lewe vasagavulu.

30. Sa tukuna ko koya, Mo ni kakua mada ni cudru na Turaga, ka me置 vosa mada: De sa kune kina e lewe tolusagavulu. A sa tukuna ko koya, Au na sega ni kitaka, kevaka au sa kunea kina e lewe tolusagavulu.

31. Sa qai tukuna ko koya, Raica oqo, au sa doudou mada ni vosa vei kemuni na Turaga: De sa kune kina e lewe ruasagavulu. A sa tukuna ko koya, Au na sega ni vakarusa e na vukudra e lewe ruasagavulu.

32. A sa tukuna ko koya, Mo ni kakua mada ni cudruvi au na Turaga, ka me置 vosa tale vakadua ga: De sa kune kina e lewe tini. A sa tukuna ko koya, Au na sega ni vakarusa e na vukudra na lewe tini.

33. Ia ko Jiova sa lako tani yani ni rau sa veivosaki oti kei Eparaama; ia ko Eparaama sa lesu tale ki na nona tikina.

 

Ah Koy Christian Trust ゥ 2008

 

19. Sa ca vakaidina ko Sotoma

 

1. Ia koi rau na agilose erau a lako ki Sotoma e na yakavi; ka sa dabe toka mai na matamata-ni-koro kei Sotoma ko Lote. Ni sa raici rau ko Lote, sa tu cake ka la談i tavaki rau; a sa vakacuva na matana ki na qele.

2. A sa tukuna, Raica, koi kemudrau na noqu turaga, au masuti kemudrau, mo drau lesu mada ka curuma na noqu vale na nomudrau tamata, ka moce, ka vuya na yavamudrau; ia drau na sou e na mataka, ka lako yani. Erau a tukuna, E segai; keirau na moce e saqata ni koro.

3. Ia sa cikevi rau matua; erau sa qai lesu vua, ka curuma na nona vale. Ia sa caka magiti vei rau, ka vavia na madrai sa sega ni vakaleveni, a rau sa kana.

4. Ni ratou sa bera ni davo sobu, ko ira na tagane e na koro, ko ira na kai Sotoma, na qase kei na gone, io na tamata kecega mai na veiyasana, era sa vakavolivolita na vale.

5. Era sa kaci vei Lote, ka tukuna vua, Sa evei na tamata erau a lako mai vei iko e na bogi oqo? mo kauti rau mai ki tautuba, me keimami veikilai veimoceri kei rau.

6. Ia sa curu yani ki tuba vei ira ko Lote, ka sogota nai sogo ni katuba mai dakuna,

7. ka tukuna, Ni yalo vinaka na wekaqu, dou kakua mada ni caka ca!

8. Raica, sa le rua na luvequ yalewa erau sa sega ni veiyacovi kei na tagane; me置 kauti rau mada mai vei kemuni, ia moni kitaka vei rau na ka e vinaka vei kemuni; ia ni kakua ni kitaka e dua na ka vei rau na tamata oqo, ni sai koya oqo na vuna erau mai vakarurugi kina e noqu vale.

9. A ra sa tukuna, Toro yani. Era sa tukuna tale, Na tamata oqo e mai tiko vulagi mada ga eke, ia sa mai viavia lewa; keimami na qai kitaki iko vakaca sara ka vakalailai vei rau. Era sa biliraki Lote vakaca, ka toro ki nai sogo ni katuba me basuraka.

10. Ia koi rau na tamata erau a dodoka na ligadrau, ka dretaki Lote ki loma ni vale kivei rau, ka sogota na katuba.

11. Erau sa qai yaviti ira na tamata era tiko mai na katuba ni vale me ra mataboko, ko ira na lalai kei ira na lelevu; me ra oca ni qara na katuba.

Sa Vakarusai ko Sotoma kei Komora

12. Erau sa tukuna vei Lote, Ko cei tale na nomu sa tiko eke? Na vugomu, se luvemu tagane, se luvemu yalewa, kei ira kecega na nomu e na koro oqo, mo kauta tani e na yasana oqo!

13. Ni keirau na vakarusa na koro oqo, ni sa levu na kedrai tukutuku e na mata i Jiova, ia sa talai keirau ko Jiova me vakarusa.

14. Sa mani lako yani ko Lote, ka vosa vei na vugona, sa veiwatini kei rau na luvena yalewa, ka tukuna, Dou cavu tu, dou lako tani e na yasana oqo; ni na vakarusa na koro oqo ko Jiova! Ia ko koya na vugona e nanuma ni veiwali ga ko Lote.

15. Ni sa kida na mataka, erau sa vakusarawataki Lote na agilose, ka tukuna, Mo cavu tu, mo kauta na watimu, kei rau na luvemu yalewa erau tiko eke, de dou mate ni sa vakarusai na koro.

16. Ia ni sa vakaberabera ko koya, erau a taura na ligana na tamata, kei na ligai watina, kei na ligadrau na luvena yalewa, ka ni sa lomani koya na Kalou, erau a kauta yani, ka laiva e nai bili ni koro.

17. Ia ni rau sa kauti iratou ki nai bili, sa qai tukuna e dua vei rau, Dro mada mo bula! kakua ni rai kimuri se vakacegu e na Buca. Dro ki na ulu-ni-vanua, de ko rusa.

18. Sa qai tukuna vei rau ko Lote, Me kakua mada, noqu Turaga!

19. Raica oqo, sa kune loloma e matamuni na nomuni tamata, ia ko ni sa vakatubura na nomuni loloma ko ni sa vakatakila vei au e na nomuni vakabulai au; ia e dredre ni置 dro ki na ulu-ni-vanua, de lako siviti au na ca ka置 na mate kina:

20. Raica, na koro oqo sa voleka me置 sa dro kina, ia sa lailai wale; me置 dro mada kina, (e lailai, ne?) ia au na qai bula.

21. Sa tukuna vua ko Koya, raica, au sa vakarorogo vei iko ena ka talega oqo, ka置 na sega ni vakarusa na koro oqo ko sa vosataka.

22. Mo kusarawa, mo dro kina. Ni置 na sega ni cakava rawa e dua na ka me yacova ni ko sa yaco kikea. O koya sa vakayacani kina na koro koya ko Soa.

23. Sa cadra na mata-ni-siga ki vuravura ni sa yaco ki Soa ko Lote.

24. Sa qai vakatauca ko Jiova na sulifure kei na buka waqa e na vanua ko Sotoma kei Komora, maivei Jiova mai na lomalagi.

25. Sa talaraka ko Koya na veikoro ko ya, na buca taucoko, ko ira kecega na lewe ni veikoro, kei na ka sa tubu mai na qele.

26. Ia na watina sa rai lesu ki dakuna, a sa yaco me duru masima.

27. Sa sou ena mataka ko Eparaama ka lako ki na yasana ka tu kina ko koya e na Mata i Jiova.

28. A sa rai yani vaka ki Sotoma kei Komora, kei na vanua taucoko mai na buca; ka raica, ka kunea, sa lako cake na kubou ni vanua ko ya me vaka na kubou ni lovo.

29. Ia sa yaco, ni sa vakarusa na Kalou na veikoro kecega mai na buca, sa nanumi Eparaama na Kalou, ka vakatalai Lote tani mai na veivakarusai, ni sa vakarusa ko Koya na veikoro ka tiko kina ko Lote.

 

Na kawa i Lote

30. A sa lako cake mai Soa ko Lote, ka la談i tiko mai na ulu-ni-vanua, kei rau talega na luvena yalewa ruarua; ni sa rere ni tiko mai Soa. Ia ko koya kei rau na luvena yalewa eratou sa la談i tiko ena dua na qara-vatu.

31. Ia oqo, sa tukuna na ulumatua vua ka gone, Na tamadaru sa qase mai, a sa sega na tagane ena vanua oqo me mai veiyacovi kei kedaru, me vaka na i valavala ni veivanua kecega:

32. Daru ia mada, daru vagunuva na tamadaru ena waini, me daru moce vata kaya, me daru vakaluveni mai vua na tamadaru.

33. Erau sa mani vagunuva na tamadrau ena waini ena bogi koya. Sa la談i curu na ulumatua ka moce vata kei tamana, ia sa sega ni kila ko koya na nona la談i davo se na nona duri cake.

34. Ia ena siga ka tarava sa tukuna na ulumatua vua sa gone, E dina ni置 a moce vata kei tamaqu ena bogi ena noa: daru vagunuva ena waini ena bogi talega oqo; ia mo curu vua, mo moce vata kaya, me daru vakaluveni mai vua na tamadaru.

35. Erau sa vagunuva na tamadrau ena waini ena bogi talega ko ya. Sa tucake ko koya ka gone ka la談i moce vata kaya, a sa sega ni kila ko tamana na nona la談i davo se na nona duri cake.

36. Erau sa mani bukete ruarua na goneyalewa i Lote vua na tamadrau.

37. Ko koya na ulumatua sa vakasucuma e dua na luvena tagane, a sa vakayacani koya ko Moapi; ko koya na tamadra na luve i Moapi me yacova na gauna oqo.

38. Ia ko koya ka gone, sa vakasucu talega ka tagane, a sa vakayacani koya Peniami; ko koya na tamadra na luve i Amoni me yacova na gauna oqo.

 

Ah Koy Christian Trust ゥ 2008

 

20. Ko Eparaama kei Apimeleki

 

1. Sa lako tani maikea ko Eparaama ka lako ki na ceva, ka la談i tiko ena kedrau maliwa ko Ketesa kei Suri, sa la談i tiko voli mai Kira.

2. Ia ko Eparaama sa tukuna voli ena vuku i Sera na watina, Sa ganequ: sa talaki ko Apimeleki na tui Kira, ka kauti Sera.

3. Ia na Kalou sa lako mai vei Apimeleki ena tadra ena bogi, ka tukuna vua, E dina ko sa tamata mate ena vuku ni yalewa ko sa kauta, ni sa watina na tamata tani ko koya.

4. Ia sa sega ni torovi koya ko Apimeleki; ka sa tukuna, noqu Turaga, ko na vakamatea tale beka e dua na matanitu sa sega ni cala?

5. Sa sega beka ni tukuna vei au na tagane, sa ganequ ko koya? A sa tukuna talega na yalewa, sa ganequ ko koya. E na dodonu ni yaloqu, kei na savasava ni ligaqu au sa cakava kina na ka oqo.

6. Sa tukuna vua ena tadra na Kalou, Io, Au sa kila dina ni ko a kitaka na ka oqori ni sa dodonu tiko na yalomu. Au a tarovi iko talega kina mo kakua ni valavala ca vei Au; o koya ka置 sega ni laivi iko kina mo tarai koya.

7. Ia oqo, mo vakasuka na watina na tamata ko ya; ni sa parofita ko koya, ka na masulaki iko ia ko na bula. Ia kevaka ko na sega ni vakasuka, mo kila ko na mate vakaidina, ko iko kei ira kece sa nomu.

8. A sa sou ena mataka ko Apimeleki, ka kacivi ira kecega na nona tamata, ka tukuna na ka kecega oqo vei ira; a ra sa rere vakalevu na tamata.

9. A sa kacivi Eparaama ko Apimeleki, ka tukuna vua, Na cava ko sa kitaka vei keimami? Ia na cava na noqu cala vei iko, ko sa vakayacora kina vei au kei na noqu matanitu nai valavala ca levu? Ko sa cakava vei au na ka sa sega ni dodonu me caka.

10. Sa tukuna talega vei Eparaama ko Apimeleki, Na cava ko a raica, mo cakava kina ka oqo?

11. Sa qai tukuna ko Eparaama, Au a nanuma e lomaqu, E dina beka ni sega ni tiko na rerevaka na Kalou ena yasana oqo; era na vakamatei au ena vuku ni watiqu:

12. Ia e dina ga ni ganequ ko koya. Sa luve i tamaqu yalewa ko koya, ia e sega ni luve i tinaqu; a sa yaco me watiqu.

13. A sa yaco, ni sa vakavuna na Kalou me置 lako tani mai na vale i tamaqu, au a tukuna vua, sa dua na nomui loloma oqo mo cakava vei au: na veiyasana kecega, edaru lako kina, mo tukuna ena vukuqu, A ganequ ko koya.

14. A sa kauta ko Apimeleki eso na sipi, na bulumakau, na tamata kei na vada, ka solia vei Eparaama; a sa vakasuka talega vua na watina ko Sera.

15. A sa tukuna ko Apimeleki, Raica, sa tu e matamu na noqu vanua; na yasana ko vinakata, mo tiko kina.

16. Sa qai tukuna vei Sera ko koya, Raica, ka置 sa solia vua na ganemu e dua na udolu na tiki ni siliva; e dina ni oqo e na vakadonui iko e matadra era tiko kei iko kei ira talega na tamata kecega. Ia sa vunauci ko koya.

17. Ia ko Eparaama sa masuta na Kalou; ia na Kalou sa vakabulai Apimeleki, na watina, kei iratou na nona vada. Era sa qai vakasucu gone;

18. ni a sogota tu ko Jiova na ketedra kecega na lewe-ni-vale i Apimeleki ena vuku i Sera, na wati i Eparaama.

 

Ah Koy Christian Trust ゥ 2008

 

21. Sa Sucu ko Aisake

 

1. A sa talevi Sera ko Jiova me vaka e a tukuna, ka sa cakava vei Sera ko Jiova me vaka na Nona vosa.

2. Sa kunekune ko Sera ka vakasucuma vei Eparaama e dua na luvena tagane ni sa qase ko koya, ena gauna lokuci me vaka sa vosa kina vua na Kalou.

3. Ia ko Eparaama sa vakayacana na luvena ko koya sa vakasucuma vua ko Sera ko Aisake.

4. Sa qai cilivi Aisake na luvena ko Eparaama, ni sa qai bogi walu, me vaka ka vakarota vua na Kalou.

5. Ia sa dua na drau na yabaki i Eparaama, ni sa sucu na luvena ko Aisake.

6. Sa tukuna ko Sera, Sa vakavuna me置 dredre na Kalou, ia ko ira kecega era rogoca era na dredre vata kei au.

7. Sa tukuna talega ko koya, Ko cei me tukuna vei Eparaama e liu, ni na tenei ira na gone ko Sera? Ni置 sa vakasucuma e dua na luvena tagane ni sa qase mai ko koya.

 

Erau sa Lako ko Eka kei Isimeli

8. Sa tubu cake na gone, ka sa kali. A sa cakava e dua na magiti levu ko Eparaama ena siga ka kali kina ko Aisake.

9. Ia ko Sera sa raica na luvedrau ko Eka na yalewa ni Ijipita, kei Eparaama ni sa veivakalialiai tiko.

10. Sa mani tukuna vei Eparaama ko koya, Mo vakatala yani na yalewa bobula oqo kei na luvena; ni sa sega ni taukei vata na luvena na yalewa bobula oqo kei na luvequ ko Aisake.

11. Ia oqo e sega ni ka marautaki e na mata i Eparaama me baleta na luvena.

12. Sa tukuna vei Eparaama na Kalou, Me kakua ni ca vei iko na ka e baleta na gone, se na ka talega e baleta nomu yalewa bobula. Na ka kecega e tukuna vei iko ko Sera, mo vakayacora; ni na vakatokai me nomu na kawa i Aisake ga.

13. Ia Au na vakatubura talega me matanitu ko koya na luvena na yalewa bobula, ni sa nomu kawa talega ko koya.

14. A sa sou e na mataka ko Eparaama, ka kauta na kakana, kei na saqa wai, ka solia vei Eka, ka viritaka ki usouso ni domona, kei na gone, ka vakatala yani. A sa lako yani ko koya, a sa lako sese voli mai na loma ni vanua mai Pieri-sepa.

15. Ia sa maca na saqa, a sa biuta na gone ko koya e na ruku ni dua na kau.

16. Sa la談i tiko sobu me donuya, sa vaka beka na kena yawa sa vanataki e dua na gasau; ni sa tukuna ko koya, Me置 kakua ni raica ni ciba na gone. A sa tiko donuya, a sa tabalaka na domona, ka tagi.

17. Ia sa rogoca na domo ni gone na Kalou. Sa qai kaci vei Eka na agilose ni Kalou mai lomalagi, a sa tukuna vua, A cava sa manati iko, Eka? Kakua ni rere; ni sa rogoca na Kalou na domo ni gone e na tikina sa davo no kina.

18. Mo tucake, mo keveta cake na gone ka taura e ligamu, ni置 na vakamatanitulevutaki koya.

19. Sa qai vakamatamatuataki koya na Kalou, a sa kunea e dua nai keli wai. A sa lako ko koya, ka vakasinaita na saqa e na wai, ka vagunuva na gone.

20. A sa tiko kei na gone na Kalou; a sa tubu ko koya, ka tiko mai na loma ni vanua, ka yaco me tamata dauvavana.

21. A sa tiko mai na lekutu mai Perana; ia ko tinana sa kauta vua e dua me watina mai na vanua ko Ijipita.

 

Na Veiyalayalati kei Apimeleki

22. Ia e na gauna ko ya erau a vosa vei Eparaama ko Apimeleki, kei Fikoli na kavetani ni nona mataivalu, ka rau tukuna, sa tiko vata kei iko na Kalou e na ka kecega ko sa cakava.

23. O koya mo bubului eke vua na Kalou ni ko na sega ni valavala vakailasu vei au, se vua na luvequ, se vua na makubuqu; mo kitaka ga vei au, ki na vanua talega ko sa tiko vulagi kina, me vaka na loloma ka置 sa kitaka vei iko.

24. A sa tukuna ko Eparaama, au na bubului vaka kina.

25. Ia sa vunauci Apimeleki ko Eparaama e na vuku ni keli wai, era kovea na tamata nei Apimeleki.

26. A sa tukuna ko Apimeleki, au sa sega ni kila se ko cei sa kitaka na oqo: ia ko iko talega ko a sega ni mai tukuna vei au, au a sega talega ni rogoca mada eliu me yacova ni置 kila e daidai.

27. Sa qai kauta na sipi kei na bulumakau ko Eparaama, ka solia vei Apmeleki; erau a veiyalayalati koi rau.

28. Sa kauta e vitu na lami yalewa ko Eparaama me tu vakai iratou,.

29. Sa tukuna vei Eparaama ko Apimeleki, Na cava na kenai balebale ni lami yalewa e vitu oqo, ko sa kauta me tu vakai iratou?

30. A sa tukuna ko koya, Mo na kauta tani mada mai ligaqu na lami yalewa e vitu, me noqui vakadinadina, ni ka置 a kelia nai keli-wai oqo.

31. O koya sa vakatokai kina na tikina ko ya ko Pieri-sepa; ni rau bubului ruarua.

32. E rau a ia na veiyalayalati mai Pieri-sepa: sa qai cavutu ko Apimeleki, kei Fikoli na kavetani ni nonai valu, erau a lesu tale ki na vanua ko Filisitia.

33. A sa tea mai Pier-sepa e dua na kau ko Eparaama, ka masuta mai kina na yacai Jiova, na Kalou e Sega ni Mudu.

34. A sa vuqa na siga sa tiko kina ko Eparaama e na vanua ko Filisitia.

 

Ah Koy Christian Trust ゥ 2008

 

22. Sa vakadeitaki na Vakabauta i Eparaama

 

1. Sa oti na ka oqori, sa qai vakatovolei Eparaama na Kalou, a sa tukuna vua, I Eparaama. Sa tukuna ko koya, Koi au, noqu Turaga.

2. A sa tukuna ko Koya, Mo kauta mada na luvemu, na luvemu e dua bauga, ko Aisake ko sa lomana, ka lako ki na vanua mai Moraia; ka vakacabori koya kina mei soro kama e na dua na ulu-ni-vanua ka置 na vakatakila vei iko.

3. Sa sou ko Eparaama e na mataka, ka vauca nai vodovodo ki na nona asa, ka kauta vata kaya e le rua na nona cauravou, kei Aisake na luvena, ka taya na buka ni soro kama, ka ia, ka lako vaka ki na yasana ka vosa kina vua na Kalou.

4. Ia e na kenai katolu ni siga sa tacake ko Eparaama, ka raica na yasana ni sa vakayawa tu.

5. Sa tukuna ko Eparaama vei rau na nona cauravou, Drau tiko ga eke kei na asa; ia keirau na lako kei na gone ki na yasana ko ya me soro, ka lako tale mai vei kemudrau.

6. Sa kauta na buka ni soro kama ko Eparaama, ka tauca vei Aisake na luvena; ka kauta e ligana na buka sa waqa, kei nai sele: erau a lako vata ruarua.

7. Ia sa vosa vei Eparaama na tamana ko Aisake, ka vaka, I Ratu. Sa sauma ko koya, Koi au oqo na luvequ? Sa taroga ko Aisake, Sa tu na buka kei na buka sa waqa; ia sa evei mada na lami mei soro kama?

8. Sa tukuna ko Eparaama, Na luvequ, ena vakarautaka na Kalou e dua na nona lami mei soro kama. Erau a lako vata tiko.

9. Erau sa yaco ki na tikina ka vosa kina vua na Kalou. A sa cakava mai kina nai cabocabo-ni-soro ko Eparaama ka tuva na buka; a sa vesuki Aisake na luvena ka vakadavora e dela ni cabocabo-ni-soro e na dela ni buka.

10. Sa qai dodoka na ligana ko Eparaama, sa taura nai sele, ka me vakamatea na luvena.

11. Ia sa kaci vua mai lomalagi na agilose i Jiova, ka vaka, I Eparaama, I Eparaama! A sa tukuna ko koya, Koi au ga oqo.

12. Sa tukuna ko koya, Mo kakua ni dodoka na ligamu vua na gone, ia mo kakua ni kitaka vua e dua na ka; ni置 sa qai kila ko sa rerevaka na Kalou, ni ko sa sega ni bureitaka vei au na luvemu e dua bauga.

13. Sa qai tacake ko Eparaama, ka rai voli, ka kunea e dua na sipi tagane sa tacori e na kau na kenai leu. Sa la談i taura mai na sipi tagane ko Eparaama, ka vakacabora mei soro kama mei sosomi kei luvena.

14. A sa vakatoka na yaca ni tikina ko ya ko Eparaama, ko Jiova Jaire: me vaka sa kainaki ka yacova na siga oqo, Mai na ulu-ni-vanua ena vakarautaka ko Jiova.

15. Sa kaci vakarua vei Eparaama mai lomalagi ko koya na Agilose i Jiova,

16. ka tukuna, Au sa bubului ki na Yacaqu, sa tukuna ko Jiova, baleta ni ko sa cakava na ka oqo, ka sa sega ni bureitaka na luvemu, na luvemu e dua bauga -

17. au na vakalouvinakataki iko vakalevu, ka vakavuqataka vakalevu na nomu kawa me ra vaka na kalokalo ni lomalagi kei na nuku mai matasawa; ia ena taukena na matamata-ni-koro ni nodra meca ko ira na nomu.

18. ena kalouvinaka talega na veimatanitu kecega e vuravura e na vuku ni nomu kawa; ni ko a vakarorogo ki na domoqu.

19. Ia sa lesu tale ko Eparaama vei rau na nona cauravou; a ratou sa cavu tu ka lako vata ki Pieri-sepa; a sa tiko mai Pieri-sepa ko Eparaama.

 

Na Vuvale nei Neori

20. Sa oti na ka oqo sa tukuni vei Eparaama, ka vaka, Raica, ko Milika, sa vakasucu gone talega vei Neori na tuakamu:

21. ko Usa na nona ulumatua, kei Pusa na tacina, kei Kemueli na tamai Erami,

22. kei Kiseti, kei Eso, kei Pilitasa, kei Jetilafi, kei Pecueli:

23. ia sa luvei Pecueli ko Repeka. Ko iratou na lewe walu oqo sa vakasucuma ko Milika, na tamadratou ko Neori na tuakai Eparaama.

24. Na watina lailai talega, na yacana ko Reuma, sa vakasucumi Tipa, kei Keama, kei Teasi, kei Meeka.

 

Ah Koy Christian Trust ゥ 2008

 

23. Na mate nei Sera kei na nona Bulu

 

1. Sa bula ko Sera ka dua na drau ka ruasagavulu ka vitu na yabaki; oqo na veiyabaki ni bula i Sera.

2. Sa ciba ko Sera mai Kiriaci-ariva, (ko ya ko Epironi,) e na vanua ko Kenani, ia sa lako mai ko Eparaama me yasovaki Sera, ka tagicaki koya.

3. Sa qai tu cake ko Eparaama mai vua na nona sa mate, ka vosa vei ira na luve i Eci, ka vaka,

4. Koi au na kai tani ka tiko vakavulagi vei kemudou. Dou solia vei au e dua na tiki ni nomudou vanua mei bulubulu, ka me置 buluta kina na noqu mate me ra yali kina e mataqu.

5. A ra sa vosa vei Eparaama na luve i Eci, ka tukuna vua,

6. Mo ni rogoci keitou mada, noqu turaga: Koi kemuni na turaga sa kaukauwa e na keimami maliwa; mo ni buluta na nomuni mate e na neimami bulubulu digitaki. E na sega ni dua na tamata me bureitaka vei kemuni na nonai bulubulu, ka mo ni buluta ga na nomuni mate.

7. Sa qai tucake ko Eparaama, ka cuva vei ira na lewe ni vanua, io vei ira na luve i Eci.

8. A sa veivosaki kei ira, ka vaka, Kevaka sa lomamudou me置 buluta na noqu mate me yali e mataqu, dou rogoci au mada, ka vakamasuti Efironi na luve i Soari e na vukuqu,

9. me solia vei au na nona qara-vatu mai Makipila, sa tu mai nai yalayala ni nona veiwere. Me solia vei au ko koya e na kenai voli dodonu, na tiki ni vanua mei bulubulu e na kemudou maliwa.

10. Ia ko Efironi e tiko e na kedra maliwa na luve i Eci. Sa vosa vei Eparaama ko Efironi na Itaiti e matadra na luve i Eci, ia ko ira kecega era curu ki na matamata ni nona koro, ka vaka,

11. Me kakua, noqu turaga, mo ni rogoci au ga: Au sa solia vei kemuni na tiki ni vanua ko ya, kei na qara-vatu sa tiko kina; au sa solia vei kemuni e matadra na luve ni noqu tamata. Au sa solia vei kemuni. Ni buluta mada na nomuni mate!

12. Sa qai cuva sobu e matadra na lewe ni vanua ko Eparaama;

13. ka sa vosa vei Efironi ni ra rogoca tiko na lewe ni vanua, ka vaka, Kevaka ko ni sa solia, mo ni yalo vinaka ka rogoci au mada. A u na solia nai lavo mei voli ni tiki ni vanua; mo ni taura mada, au na qai buluta kina na noqu mate.

14. Ia sa vosa vei Eparaama ko Efironi, ka tukuna vua,

15. noqu turaga, ni rogoci au mada; na tiki ni vanua ko ya, sa rauta e va na drau na sikeli siliva. E cava oqo vei kedaru? Ni buluta ga na nomuni mate.

16. Ia sa vakarorogo vei Efironi ko Eparaama; ka sa vakarautaka na siliva ko Eparaama me nei Efironi, ka cavuta ko koya ni ra rogoca tiko na luve i Eci, e va na drau na sikeli siliva, nai lavo sa taurivaki vei ira na tamata dauveivoli.

17. Ia na tiki ni vanua nei Efironi mai Makipila, sa donui Mamire, na tiki ni vanua kei na qara-vatu e tiko kina, kei na kau kecega ni vanua ko ya, sa volita na kenai yalayala kecega, sa vakataudeitaki

18. vei Eparaama me nona e matadra na luve I Eci, e matadra kecega era curuma na nona matamata ni koro.

19. Sa oti na ka oqo, sa qai buluti Sera na watina ko Eparaama e na qara-vatu e na tiki ni vanua mai Makipila, sa donui Mamire: (ko ya ko Epironi) mai na vanua ko Kenani.

20. Ia na tiki ni vanua kei na qara-vatu sa tiko kina, era sa vakataudeitaka vei Eparaama ko ira na luve i Eci, me nona vanua ni bulubulu.

 

Ah Koy Christian Trust ゥ 2008

 

24 Na Wati i Aisake

 

1. Sa qase mai ko Eparaama, sa vuqa na nona yabaki; ia ko Jiova sa vakalouvinakataki Eparaama e na ka kecega.

2. Sa tukuna ko Eparaama vua na dauveiqaravi qase duadua e na nona vale, ko koya ka lewa na nona ka kecega, Mo daramaka mada na ligamu ki na ruku ni sagaqu;

3. ia au na vakabubuluitaki iko mo bubului mada vei Jiova, ko koya na Kalou ni lomalagi, kei na Kalou ni vuravura, ka mo kakua kina ni kauta e dua me watina na luvequ maivei ira na goneyalewa ni Kenani, ko ira ka置 tiko e na kedra maliwa:

4. ia mo lako ki na noqu vanua, vei ira na wekaqu, ka kauta maikina e dua me watina na luvequ ko Aisake.

5. A sa tukuna vua na tamata ko ya, Ia de sa na sega ni via muri au mai ki na vanua oqo na yalewa: me置 kauta tale vakaidina beka na luvemu ki na vanua ko a lako maikina?

6. A sa tukuna vua ko Eparaama, Mo qarauni iko mo kakua ni kauta tale kikea na luvequ.

7. Ko Jiova, ko koya na Kalou ni lomalagi, ko koya ka kauti au tani mai na vale nei tamaqu, kei na nodra vanua na wekaqu, ia ko koya ka vosa vei au, ka bubului vei au, ka vaka, Au na solia na vanua oqo vei ira na nomu kawa; ko koya ena tala na nona agilose me liutaki iko; ia ko na kauta maikina e dua me watina na luvequ.

8. Ia kevaka sa na sega ni via muri iko mai na yalewa, ko na sega ni cala e na vuku ni nomu bubului vei au: ia mo kakua ni kauta tale kikea na luvequ.

9. A sa daramaka na ligana na tamata ki ruku ni saga i Eparaama na nona turaga, a sa bubului vua e na vuku ni ka ko ya.

10. Ia na tamata ko ya ka kauta e tini na kameli maivei ira na kameli ni nona turaga, a sa lako; ni sa lewa ko koya nai yau kecega ni nona turaga,; a sa ia, ka lako ki Mesopotemia, ki na koro i Neori.

11. A sa lewa na nona kameli me ra tekiduru sobu e nai bili ni koro, io ena gauna era sa daulako yani kina na yalewa me taki wai.

12. A sa tukuna, Kemuni Jiova, na Kalou i Eparaama na noqu turaga, au masuti kemuni, mo ni vakayacora, na ka ka置 sa talai kina ena siga oqo, ka cakacaka vakayalololoma vei Eparaama na noqu turaga:

13. Raica, au sa wavu tu mai nai keli wai; a ra na lako mai na nodra goneyalewa na lewe ni koro me taki wai:

14. Ia me yaco, na goneyalewa au na tukuna vua, Mo tauca sobu mada na nomu saqa, me置 gunu; ka sa na tukuna ko koya, Mo gunu, au na vagunuvi ira talega na nomu kameli: me sai koya mada ko ni sa lesia me nona na nomuni tamata ko Aisake; ia au na kila kina ni kemuni sa cakacaka vakayalololoma vua na noqu turaga.

15. A sa yaco, ni sa vosa tiko ko koya, raica, sa lako mai, a sa colata tu na nona saqa, ko Repeka, na luve i Pecueli, o koya na luvei Milika, na wati i Neori, na tuakai Eparaama.

16. A sa matavinaka sara na goneyalewa oqo, a goneyalewa dina, sa sega na tagane erau veiyacovi kaya; a sa lako sobu ki nai keli-wai, ka vakasinaita na nona saqa, ka cabe tale mai.

17. A sa cici na tamata me la談i tavaki koya, a sa tukuna, Mo vagunuvi au mada vakalailai e na wai mai na nomu saqa ne?

18. A sa tukuna ko koya, Ni gunu saka ga, noqu turaga: a sa vakusarawa ni tauca sobu ki na ligana na nona saqa, ka vagunuvi koya.

19. Ia ni sa vagunuvi koya oti, sa tukuna, Au na taki vei ira talega na nomu kameli, ka me ra mamau mada.

20. A sa vakusarawa ko koya, ka sova maca na nona saqa ki loma ni gunugunu ni manumanu, ka cici tale ki nai keli-wai me taki, a sa taki vei ira kecega na nona kameli.

21. A sa kurabuitaki koya na tamata, ka tiko lo, ka me kila se sa vakayacora na ka sa talai koya kina ko Jiova, se segai.

22. Ia ni ra sa gunu oti na kameli, sa taura na tamata e dua na sau koula, na kena bibi e dua na afa sikeli, ka rua na qato ni ligana, e tini na sikeli koula na kedrau bibi;

23. a sa tukuna, A luvei cei ko iko? Mo tukuna mada mai vei au. Sa dua beka na tikina e na vale nei tamamu me keitou moce kina, se segai?

24. A sa tukuna vua, Koi au na luve i Pecueli, ko koya na luvedra ko Milika kei Neori.

25. Sa tukuna talega vua, Sa levu vei keitou na co ni sila, kei na kedra na manumanu, kei na tikina mo dou moce kina.

26. A sa cuva na tamata ka vakarokoroko vei Jiova:

27. A sa tukuna, Me vakavinavinakataki ko Jiova na Kalou ni noqu turaga ko Eparaama, ko koya sa vakayacora tiko na Nona loloma kei na Nona vosa dina vua na noqu turaga: koi au, ni置 a lako tu e na sala, sa tuberi au ko Jiova ki na nodra vale na wekana na noqu turaga.

28. A sa cici yani na gonyalewa, ka tukuna vei ira na lewe-ni-vale i tinana na ka oqo.

29. A sa dua na gane i Repeka, na yacana ko Lepani: a sa cici yani vua na tamata ko Lepani, ki nai keli-wai.

30. Ia ni sa kunea na sau, ki na qato e na liga i ganena, ka rogoca na vosa i Repeka na ganena, ni sa vaka, Sa vosa vakaoqo vei au na tamata; ka raica, sa tu vata kei na kameli mai nai keli-wai.

31. A sa tukuna ko koya, Mo ni curu mai koi kemuni sa kalouvinaka vei Jiova; a cava ko ni sa tu kina e tautuba? Ni置 sa vakarautaka oti na vale, kei na tikina me nodra na kameli.

32. A sa curu ki vale na tamata; a sa luvata nai vodovodo ni kameli, a sa solia na co ni sila kei na kedra na kameli, kei na wai me vui kina na yavana, kei na yavadratou na tamata eratou tiko kaya.

33. A sa tau e matana na kakana: ka sa tukuna ko koya, Au na sega ni kana, au na tukuna mada na ka ka置 sa talai mai kina. A sa tukuna ko Lepani, Mo tukuna mada.

34. A sa tukuna ko koya, Koi au na tamata nei Eparaama:

35. A sa vakalouvinakataka vakalevu na noqu turaga ko Jiova, a sa tubu me turaga yaco: a sa solia vua na qele ni sipi eso, kei na qele ni bulumakau eso, kei na siliva, kei na koula, kei na tamata, kei na vada, kei na kameli, kei na asa:

36. ia ko Sera, na watina na noqu turaga, sa vakasucuma e dua na luvena tagane na noqu turaga ni sa qase mai: a sa solia vua na nona ka kecega.

37. A sa vakabubuluitaki au na noqu turaga, ka sa vaka, Mo kakua ni kauta vua na luvequ e dua me watina mai vei ira na goneyalewa ni kai Kenani, a nodra vanua ka置 sa tiko kina:

38. ia mo lako ga vei ira na noqu mataqali, ki na vale nei tamaqu, ka kauta mai e dua me watina na luvequ.

39. Ka置 a mani vaka vua na noqu turaga, De sa sega ni via muri au na yalewa.

40. A sa tukuna vei au ko koya, Ko Jiova, ko koya au sa daubula voli e matana, e na tala na nona agilose kei iko, ka vakayacora na ka ko sa talai kina; ia ko na kauta mai e dua me watina na luvequ, mai na noqu mataqali, kei na vale nei tamaqu:

41. Ia ko na qai sega ni cala e na vuku ni nomu bubului vei au, ni ko sa yaco vei ira na noqu mataqali; ia kevaka era sa sega ni solia e dua vei iko, ko na qai sega ni cala e na nomu bubului vei au.

42. Ia au sa lako mai edaidai ki nai keli-wai, au a qai tukuna, I Jiova, na Kalou ni noqu turaga ko Eparaama, kevaka ko ni sa vakayacora na ka ka置 sa talai mai kina:

43. raica, au sa tu mada mai nai keli-wai; ia me yaco, na goneyalewa sa lako mai me taki, ka置 sa tukuna vua, Mo vagunuvi au mada vakalailai e na wai mai na nomu saqa;

44. ka sa tukuna vei au ko koya, Mo gunu mada ko iko, ka置 na vagunuva talega na nomu kameli; me sai koya ga na yalewa sa lesia ko Jiova me nona na luve ni noqu turaga.

45. Ni置 sa sega ni vosa oti e lomaqu, raica, sa lako mai ko Repeka, ka colata tu na nona saqa; a sa lako sobu ki nai keli-wai, ka taki mai: au a qai tukuna vua, Mo vagunuvi au mada.

46. A sa kusarawa ko koya, ka tauca sobu na nona saqa a sa tukuna, Mo gunu; au na vagunuva talega na nomu kameli. Au a qai gunu, a sa vagunuva talega na kameli ko koya.

47. Au a qai taroga, ka vaka, A luvei cei ko iko? A sa tukuna, Koi au na luve i Pecueli, ko koya na luve i Neori, kei Milika: au sa qai daramaka na sau ki na ucuna, kei na qato ki na ligana.

48. Au a qai cuva, ka vakarokoroko vei Jiova, ka vakavinavinaka vei Jiova, na Kalou i Eparaama na noqu turaga, ko Koya ka tuberi au e na sala dodonu, me置 kauta na luvena yalewa na tuakana na noqu turaga me wati ni luvena.

49. Ia oqo, kevaka dou sa via cakacaka vakayalololoma ka dina vua na noqu turaga, dou tukuna vei au: ia kevaka e segai, dou tukuna vei au; ka me置 gole kina ki nai matau, se ki nai mawi.

50. Erau a qai vosa ko Lepani kei Pecueli, ka vaka, A ka oqo sa vakayacora ko Jiova; e dredre ni keitou vosataka vei iko na ka ca se na ka vinaka:

51. Raica, sa tiko ko Repeka; mo kauta, ka lako, me watina na luve ni nomu turaga, me vaka sa tukuna ko Jiova.

52. Ia ni sa rogoca na nodrau vosa na tamata nei Eparaama, sa cuva ki na qele vei Jiova.

53. Ia na tamata ko ya sa tara mai na ka sa caka e na siliva, kei na ka sa caka e na koula, kei nai sulu, ka solia talega na ka talei vua na ganena kei tinana.

54. A ratou a kana ka gunu, ko koya kei na tamata eratou tiko kaya, ka moce: a ratou sa tu cake e na mataka, a sa tukuna o koya, Mo dou talai au mada vua na noqu turaga.

55. A rau sa tukuna ko ganena kei tinana, Me tiko bogi vica mada vei keitou na goneyalewa, ke bogi tini walega; me qai lako ko koya.

56. A sa tukuna vei iratou ko koya, Dou kakua ni tarovi au, ni sa vakayacora ko Jiova na ka ka置 sa talai kina; dou talai au mada me置 lako vua na noqu turaga.

57. A ratou sa tukuna, Keitou na kacivi koya mada na goneyalewa, ka tarogi koya.

58. A ratou a kacivi Repeka, ka tukuna vua, Ko na lako kei na tamata oqo, se segai? A sa tukuna ko koya, Au na lako.

59. A ratou sa qai talai Repeka na wekadratou, kei na nonai mei, kei koya na tamata nei Eparaama, kei iratou na nona tamata.

60. A ratou sa vosavakalouvinakataki Repeka, ka tukuna vua, Ko iko sa weka i keitou, me ra oba vakaudolu na nomu kawa, ia me ra rawa na matamata-ni-koro ni nodra meca ko ira na nomu kawa.

61. A sa cavu tu ko Repeka, kei iratou na nona gonyalewa a ratou sa vodoka na kameli, ka muria na tamata: a sa kauti Repeka na tamata ka lako yani.

62. Ia ko Aisake sa lako mai na sala sa lako ki nai keli-wai ko Leai-roi; ni sa tiko mai na vanua ki na ceva.

63. A sa lako yani ko Aisake ki na veiwere e na yakavi me vakanananu: a sa tacake, ka rai yani, ka raica, sa lako mai na kameli.

64. A sa tacake ko Repeka, ia ni sa kunei Aisake sa qai sobu mai na kameli.

65. Ni sa taroga oti ko koya vua na tamata, Ko cei na tamata ko ya sa lako mai e na veiwere me mai tavaki kedatou? A sa tukuna na tamata, Ko ya na noqu turaga: a sa qai taura ko koya na pulou ni matana ka puloutaki koya.

66. A sa tukuna vei Aisake na tamata na ka kecega ka cakava ko koya.

67. A sa kauti Repeka ko Aisake ki na vale laca i Sera na tinana, a sa qai yaco me watina; a sa lomani koya: a sa vakacegui ko Aisake ni sa mate ko tinana.

 

Ah Koy Christian Trust ゥ 2008

 

25 Ko Eparaama kei Ketura

 

1. A sa la談i vakawati tale ko Eparaama, ia na yalewa ko Ketura:

2. A sa luvedrau ko Simirani, kei Jokisani, kei Mitani, kei Mitiani, kei Isipaki, kei sua.

3. Ia na luve i Jokisani ko Sipa, kei Titana. Ia na luve i Titana, era tagane, ko Asuri, kei Letusi, kei Leumi.

4. Ia na luve i Mitiani era tagane, ko Ifa, kei Iferi, kei Enoke, kei Apaita, kei Elitea. Ko ira kece oqo na luve i Ketura.

5. A sa solia ko Eparaama na nona ka kecega vei Aisake.

6. Ia vei ira na luvedratou na watina lalai, sa solia eso na ka ni loloma ko Eparaama, ni sa bula tiko ka talai ira tani maivei Aisake na luvena, vaka ki na tokalau, ki na vanua ni cadracadra ni siga.

 

Na mate nei Eparaama kei na nona Bulu

7. Ia na yabaki ni bula i Eparaama, ka bula kina ko koya, sa dua na drau ka vitusagavulu ka lima na yabaki.

8. Sa qai ciba ko Eparaama, ka mate yani, ni sa qase vinaka mai, ia sa tamata qase, ka yabaki vuqa sara; a sa toki yani vei ira na kai nona.

9. Ia koi rau na luvena ko Aisake kei Isimeli, erau a buluta e na qara-vatu mai Makipila, e nona tiki ni vanua ko Epironi na luve i Soari na Itaiti, sa donui Mamire;

10. na tiki ni vanua ka volia ko Eparaama maivei ira na Itaiti: erau sa bulu kina ko Eparaama kei Sera na watina.

11. Ia ni sa mate ko Eparaama, sa vakalouvinakataki Aisake na luvena na Kalou: a sa tiko ko Aisake mai nai keli-wai ko Leai-roi.

 

Na Vuvale nei Isimeli kei Aisake

12. Ia oqo na kawa i Isimeli, na luvedrau ko Eparaama kei Eka, na yalewa ni Ijipita, na vada i Sera:

13. ia na yacadra na luve i Isimeli , era tagane, na yacadra me vaka na nodra veimataqali: na ulumatua i Isimeli, ko Nepeioci, kei Kitari, kei Atipieli, Mipisami,

14. kei Misima, kei Tuma, kei Masa,

15. ko Etari, kei Tima, ko Jeturi, ko Nefisi, kei Ketema:

16. Ko ira oqo na luvei Isimeli, kei na yacadra me vaka na nodra veikoro, kei na nodra i tikotiko; e le tinikarua na turaga me vaka na nodra veivanua.

17. Ia na yabaki ni bula i Isimeli, e dua na drau ka tolusagavulu ka sa toki yani vei ira na kai nona.

18. A ra sa taukena na vanua mai Avila ka kauta ki Suri, ko ya sa sa donui Ijipita, e na sala vaka ki Asiria: ka sa tiko ko koya me donui ira na wekana kecega.

19. Ia oqo na kawa i Aisake, na luvei Eparaama: sa sucu na luvei Eparaama ko Aisake:

20. Ia sa vasagavulu na yabaki i Aisake, ni sa vakawati kei Repeka, na luvei Pecueli na kai Siria mai Petani-erami, na gane i Lepani na ka Siria.

21. A sa vakamasuti Jiova ko Aisake e na vuku ni watina, ni sa yava: a sa rogoci koya ko Jiova, a sa kunekune ko Repeka na watina.

22. A rau sa veivala na gone e ketena: a sa tukuna ko koya, Kevaka sai koya, a cava ka置 sa vakakina oqo? A sa la談i tarogi Jiova.

23. A sa tukuna vua ko Jiova, E rua na matanitu sa tiko e ketemu, Ia e rua na vanua mai na ketemu, erau na tawasei; Ia e na kaukauwa e dua na vanua ka malumalumu na vanua kadua; Ia ko koya sa qase e na qaravi koya sa gone.

24. Ia ni sa yaco na siga me vakasucu kina, raica, sa drua e ketena.

25. A sa sucu mai na kenai matai ka sa damudamu taucoko, sa vaka e dua nai sulu vutivuti; a ra sa vakayacani koya ko Iso.

26. a sa oti, sa qai sucu mai na tacina, a sa taura tu na bukubuku-ni-yava i Iso na ligana; a sa vakayacani ko Jekope: a sa onosagavulu na yabaki i Aisake ni rau sa sucu.

27. A rau sa tubu na gone: a sa yaco me kena dau ni tobo manumanu e yavai va Iso, a tamata daulasa mai veikau; ia ko Jekope na tamata dautiko malua, ka sa tiko e na vale laca.

28. A sa lomani Iso ko Aisake, ka ni sa daukania na manumanu sa toboka; ia ko Repeka sa lomani Jekope.

 

Sa Volitaka na Nonai Tutu vaka-Ulumatua ko Iso

29. A sa vakasaqa rourou ko Jekope: a sa lako mai veikau ko Iso, a sa viakana;

30. a sa tukuna vei Jekope ko Iso, Mo vakani au mada e na rourou damudamu ko ya; ni置 sa viakana: o koya sa vakatokai kina na yacana ko Itomi Damudamu.

31. A sa tukuna ko Jekope, Mo volitaka vei au edaidai na nomu i tutu ni ulumatua.

32. A sa tukuna ko Iso, Raica, ka置 sa vakarau mate; ka cava na kena yaga vei au na noqui tutu ni ulumatua?

33. A sa tukuna vua ko Jekope, Mo bubului kina vei au edaidai: a sa bubului kina vua; a sa volitaka na nonai tutu ni ulmatua vei Jekope.

34. A sa solia vei Iso ko Jekope na madrai, kei na rourou; a sa kana ka gunu, ka cavu tu, ka lako yani. Ia sa beca ko Iso na nonai tutu ni ulumatua.

 

Ah Koy Christian Trust ゥ 2008

 

26 Ko Aisake kei Apimeleki

 

1. A sa dausiga na vanua, ka duatani nai matai ni dausiga ka yaco e na gauna i Eparaama. A sa lako ko Aisake kivei Apimeleki na tui ni kai Filisitia, ki Kira.

2. A sa rairai vua ko Jiova, ka tukuna, Mo kakua ni lako sobu ki Ijipita; mo tikotiko ga ena vanua ka置 a vosa kina vei iko:

3. Mo tiko vulagi ga ena vanua oqo, ia ka置 na tiko vata kei iko, ka vakalouvinakataki iko: ni置 na solia vei iko, kei ira na nomu kawa, na veivanua kecega oqo; ia ka置 na vakataudeitaka na noqu bubului vei Eparaama na tamamu.

4. Ia ka置 na vakalewevuqataka na nomu kawa me ra vaka na kalokalo kei lomalagi, ka solia talega na veivanua kecega oqo vei ira na nomu kawa; ena kalouvinaka talega na veimatanitu kecega e na nomu kawa;

5. Ni sa vakarorogo ki na noqu vosa ko Eparaama, ka vakabauta na ka ka置 a lesia, na noqui vakaro, kei na noqu lewa.

6. A sa tiko ga mai Kira ko Aisake:

7. Ia ko ira na tamata ena yasana ko ya, era taroga ena vuku ni watina: a sa tukuna ko koya, A ganequ ko koya; ni sa rere ni tukuna, A watiqu; ni sa tukuna, De vakamatei au na tamata ena yasana ko ya ena vuku i Repeka, ni sa matavinaka ko koya.

8. Ia ni sa tiko vakadede maikea ko koya, sa iro yani ena katuba ko Apimeleki na tui ni kai Filisitia, a sa raici Aisake ni rau sa veiqitori kei Repeka na watina.

8. A sa kacivi Aisake ko Apimeleki, ka tukuna, Raica, sa dina ga sa watimu: ia ka cava ko a tukuna kina, sa ganemu ko koya? A sa tukuna vua ko Aisake, Ena vuku ni置 a tukuna, De置 na mate ena vukuna.

10. A sa tukuna ko Apimeleki, A cava mada na ka oqo ko sa mai kitaka vei keimami? E rawarawa me veimoceri loa kei na watimu e dua vei ira na tamata, ia ko sa qai vakavuna vei keimami nai valavala ca.

11. A sa vakaroti ira kecega na tamata ko Apimeleki, ka vaka, Ko koya sa tara na tamata oqo, se na watina, ena vakamatei vakadina.

12. A sa kabukaburaki ena vanua ko ya ko Aisake, ka kumuna na kena vakadrau ena yabaki ko ya: ka sa vakalouvinakataki koya ko Jiova.

13. A sa tubu me tamata yaco na tamata oqo, a sa lako cake ka tubu tiko me vutuniyau sara:

14. Ni sa taukena na qele ni sipi, ka taukena na qele ni bulumakau, a sa le vuqa na nona tamata. A ra sa vuvutaki koya na kai Filisitia.

15. Ia nai keli-wai kecega era kelia na tamata nei tamana, ena gauna i Eparaama na tamana, era sa vakasosoga ena qele ko ira na kai Filisitia.

16. A sa tukuna vei Aisake ko Apimeleki, Mo lako tani vei keimami; ni ko sa kaukauwa sara, a sa malumalumu koi keimami.

17. A sa lako tani maikea ko Aisake, ka birika na nona veivale laca ena buca mai Kira, a sa tiko maikea.

18. A sa kelia tale ko Aisake na i keli-wai, sa keli eliu ena gauna i Eparaama na tamana; ni ra sa vakasosoga na kai Filisitia ni sa mate ko Eparaama: a sa vakayacana ena yaca ka vakatoka kina eliu ko tamana.

19. A ra sa kelikeli ena buca na tamata nei Aisake, ka sa rawa kina e dua na keli-wai vure.

20. A sa veileti ko ira nai vakatawa ni manumanu mai Kira kei ira nai vakatawa ni manumanu i Aisake, a ra sa tukuna, Sa neitou na wai: a sa vakatoka ko koya na yaca ni keli-wai ko Eseki; ena vuku ni ra sa veileti kaya.

21. A ra sa kelia e dua tale nai keli-wai, a ra sa veileti talega kina; a sa vakayacana ko koya ko Sitina.

22. A sa toki maikea, ka kelia e dua tale nai keli-wai; a ra sa sega ni veileti kina; a sa vakayacana ko koya ko Riopoci; ni sa tukuna, Sa qai vakalalagataki keda ko Jiova, ia eda na qai tubu ena vanua oqo.

23. A sa lako cake maikea ki Pieri-sepa.

24. A sa rairai vua ko Jiova ena bogi koya, ka tukuna, Koi au na Kalou i Eparaama na tamamu; kakua ni rere, Ni置 sa tiko vata kei iko, ia Au na vakalouvinakataki iko, ka vakalewevuqataka na nomu kawa, ena vuku i Eparaama na noqu tamata.

25. A sa cakava maikea e dua na cabocabo-ni-soro, ka masuta na yaca i Jiova, a sa birika maikea na nona vale laca: a ra sa kelia maikea e dua nai keli-wai na tamata i Aisake.

26. A sa lako vua ko Apimeleki mai Kira kei Aisake e dua na nonai tokani, kei Fikoli na kavetani ni nonai valu.

27. A sa tukuna vei iratou ko Aisake, A cava dou sa lako mai kina vei au, ka talai au tani vei kemudou?

28. A ratou sa tukuna, Keitou a kunea vakaidina ni sa tiko kei kemuni, ko Jiova: ia keitou a tukuna, Me dua mada na bubului vei kedatou,, io vei keitou kei kemuni, me keitou ia talega na veiyalayalati kei kemuni.

29. Ka mo ni kakua ni vakacacani kemuni, ni keitou sa sega ni cakava vei kemuni e dua na ka ca, na ka vinaka ga, ka sa talai kemuni yani ena vakacegu: ia koi kemuni, ko sa kalouvinaka vei Jiova.

30. A sa caka magiti vei iratou ko koya, a ratou sa kana ka gunu.

31. A ratou sa sou ena mataka, ka bubului vakai iratou: a sa talaci iratou ko Aisake, a ratou sa lako tani vua ena vakacegu.

32. Ia ena siga dina ko ya, era sa lako mai na tamata nei Aisake, ka tukutuku vua ena vuku ni keli-wai era sa kelia, ka vaka, Keitou sa kunea na wai.

33. A sa vakayacana ko koya ko Sepa: o koya sa vakatokai kina na yaca ni koro ko koya ko Sepa : o koya sa vakatokai kina na yaca ni koro koya ko Pieri-sepa ka yacova na gauna oqo.

34. Ia ni sa vasagavulu na yabaki i Iso, sa vakawati kei Juteci, ko koya na luvei Pieri vei ira na Itaiti, kei Vasemaca na luvei Eloni vei ira na Itaiti.

35. Ia koi rau oqo sa rarawa kina na lomai Aisake kei Repeka.

 

Ah Koy Christian Trust ゥ 2008

 

27 Sa vosa Vakalouvinakataki Jekope ko Aisake

 

1. Ia ni sa qase mai ko Aisake, a sa buawa na matana, me sega ni rai rawa, sa qai kacivi Iso na luvena sa ulumatua, a sa tukuna vua, Na luvequ. A sa tukuna vua, Raica koi au.

2. A sa tukuna vua ko Aisake, Raica, au sa qase mai, au sa sega ni kila na siga ka置 na mate kina:

3. Ia oqo, mo kauta mada na nomui yaragi, na nomu taga gasau kei na nomu dakai titi, ka lako yani ki na veikau, ka tobo manumanu me qau;

4. Ka cakava vei au na kakana sa kana vinaka ka置 sa vinakata, ka kauta mai vei au me置 kania; ka me vosavakalouvinakataki iko na yaloqu, me置 qai mate.

5. Ia ko Repeka sa rogoca ni sa vosa ko Aisake kivei Iso na luvena. A sa lako yani ki veikau ko Iso me tobo manumanu, ka me kauta mai.

6. A sa vosa vei Jekope na luvena ko Repeka, ka vaka, Raica, ka置 a rogoca ni sa vosa ko tamamu vei Iso na tuakamu, ni sa tukuna,

7, Mo kauta mai vei au na manumanu sa tobo, ka cakava vei au na kakana vinaka, me置 kana kina, ka vosavakalouvinakataki iko ena mata i Jiova, me置 qai mate.

8. Ia oqo, na luvequ, mo vakarorogo vei au ena ka ka置 sa vakarota vei iko.

9. Mo lako mada ki na qele ni me, ka kauta mai vei au e rua na luve ni me vinaka: ia au na vakarautaka me kakana vinaka me kei tamamu, me vaka sa dauvinakata ko koya.

10. Ia ko na qai kauta vei tamamu, me vosavakalouvinakataki iko ni sa bula tiko.

11. A sa tukuna ko Jekope kivei Repeka na tinana, Raica, ko Iso na tuakaqu, sa tamata vutivutia, ia koi au, au sa tamata drulua:

12. De yamoci au ko tamaqu, ia ka置 na qai vaka na dauveivakaisini vua, ka置 na vakayacora vei au na cudru, ka segai na veivakalouvinakataki.

13. A sa tukuna vua ko tinana, Me tau vei au na kena cudru ka me kakua vei iko, na luvequ: mo vakarorogo ga ki na noqu vosa, ka la談i kauta mai vei au.

14. A sa la談i taura, ka kauta vei tinana: a sa cakava na kakana vinaka na tinana, me vaka na ka sa dauvinakata ko tamana.

15. A sa taura ko Repeka nai sulu vinaka ka tu vua e vale, ka nei Iso na luvena ko koya sa qase, a sa vakaisulutaki Jekope na luvena sa gone:

16. A sa vakaisulutaka na ligana, kei na domona sa drulua, ena kuli ni me:

17. A sa solia vei Jekope na luvena na kakana vinaka, kei na madrai, ka vakarautaka oti ko koya.

18. A sa lako vei tamana, ka tukuna, Kemuni na tamaqu. A sa tukuna ko koya, Raica, koi au; ko cei ko iko, na luvequ?

19. A sa tukuna vei tamana ko Jekope, Koi au ko Iso na nomu ulumatua; au sa cakava na ka ko ni a tukuna vei au: mo ni duri mada, mo ni tiko ka kania na noqu manumanu sa tobo, ka me vosa vakalouvinakataki au na yalomuni.

20. A sa tukuna vua na luvena ko Aisake, E vakaevei ni ko sa kunea vakatotolo, na luvequ? A sa tukuna, Ni sa kauta vakatotolo mai kivei au ko Jiova na nomuni Kalou.

21. A sa tukuna vei Jekope ko Aisake, Toro mada mai, me置 yamoci iko, na luvequ, se dina ni ko sa luvequ ko Iso se segai.

22. A sa torovi Aisake na tamana ko Jekope; a sa yamoca, a sa tukuna, A domona na domo i Jekope, ia na ligana na liga i Iso.

23. A sa sega ni kilai koya, ni sa vutivutia na ligana me vaka na liga i Iso na tuakana: a sa qai vosa vakalouvinakataki koya.

24. A sa tukuna, Ko iko dina na luvequ ko Iso se segai? A sa tukuna, Sa i au ga.

25. A sa tukuna ko koya, Kauta mai vei au, me置 na kania na manumanu sa toboka na luvequ, ka me vosavakalouvinakataki iko na yaloqu. A sa kauta vua, a sa kana: A sa kauta vua na waini, a sa gunu.

26. A sa toro, ka reguci koya: a sa boica nai boi ni nonai sulu, a sa vosavakalouvinakataki koya, ka vaka, Raica, nai boiboi kei luvequ Sa vaka nai boiboi ni veiwere sa vakalouvinakataka ko Jiova:

28. Ia me solia ga vei iko na Kalou na tegu kei lomalagi, kei na vuravura, ka levu na sila, kei na waini:

29. Me qaravi iko na veimataqali, ka cuva vei iko na veimatanitu: mo turaga vei ira na wekamu, Ia me ra cuva vei iko na luve i tinamu; me cudruvi ko ira era sa cudruvi iko, ka me ra kalouvinaka ko ira era vosavakalouvinakataki iko.

 

Sa yali nai Nuinui vei Iso

30. Ia ni sa vosavakalouvinakataki Jekope oti ko Aisake, ka se qai lako tani walega ko Jekope mai vei Aisake na tamana, sa qai tale mai ko Iso na tuakana mai na nona tobo manumanu.

31. A sa cakava talega ko koya na kakana vinaka, ka kauta vei tamana, a sa tukuna vei tamana, me duri mada na tamaqu, ka kania na manumanu sa toboka na luvena, ka me vosavakalouvinakataki au na yalomuni.

32. A sa tukuna vua ko Aisake na tamana, Ko cei ko iko? A sa tukuna ko koya, Koi au na luvemu, na nomu ulumatua, ko Iso.

33. A sa sautaninini vakalevu sara ko Aisake, ka tukuna, Ko cei beka ko koya sa tobo manumanu, ka kauta mai vei au, ka置 sa kana kece kina, ni ko se bera mai, ia au sa vosavakalouvinakataki koya oti? Io, ena kalouvinaka ko koya.

34. Ni sa rogoca na vosa i tamana ko Iso, sa tagi vakalevu ka qoqolou vakararawa sara, ka tukuna vei tamana, Mo vosavakalouvinakataki au, io koi au talega, na tamaqu!

35. A sa tukuna, Sa lako vaqaseqase mai ko tacimu, a sa kauta tani na vosa mo vakalouvinakataki kina.

36. A sa tukuna ko Iso, Sa sega beka ni vakayacani dina ko koya ko Jekope? Ni sa qai vakarua oqo na nona cakacaka vaqaseqase vei au: sa kauta tani e liu na noqu i tutu vakaulumatua; ka raica, sa qai kauta tani oqo na vosa me置 vakalouvinakataki kina. A sa tukuna, Sa sega beka ni vo tiko vei kemuni e dua na vosa me置 vakalouvinakataki kina?

37. A sa vosa vei Iso ko Aisake, ka vaka, Raica, ka置 sa qisi koya me turaga vei iko, ka置 sa soli ira kecega na wekana me qaravi koya; au sa vakaukauwataki koya ena sila kei na waini: ia ka cava me置 qai cakava vei iko, na luvequ?

38. A sa tukuna vei tamana ko Iso, sa dua bau li na nomu vosa ni veivakalouvinakataki, na tamaqu? Mo vosavakalouvinakataki au, io koi au talega, na tamaqu! A sa tabalaka na domona ko Iso, ka tagi.

39. A sa vosa ko Aisake na tamana, a sa tukuna vua, raica na nomui tikotiko ena yawa mai na kena vinaka kei vuravura, kei na tegu mai lomalagi:

40. Ia ko na bula ena nomui seleiwau, ka qaravi koya na tacimu; Ia ena yaco ni ko sa kaukauwa, ko na qai musuka tani na nonai vau mai na domomu.

 

Sa Drotaki Iso ko Jekope

41. A sa cati Jekope ko Iso, ena vuku ni vosa ni veivakalouvinakataki sa vosavakalouvinakataki koya kina ko tamana: a sa tukuna e lomana ko Iso, Sa voleka na veibogi eda tagicaki tamaqu kina, au na qai vakamatei Jekope na taciqu.

42. A sa tukuni vei Repeka na vosa oqo ni nona ulumatua ko Iso. A sa talaki vei Jekope na luvena sa gone, a sa tukuna vua, Raica, na tuakamu ko Iso, sa vakacegui koya ena vukumu, ni sa nakita me vakamatei iko:

43. Ia oqo, mo vakarorogo mada vei au na luvequ; ka cavu tu, ka dro vei Lepani na ganequ mai Karana:

44. Ka tiko kaya ka bogi vica walega, ka me oti mada na cudru katakata i tuakamu;

45. Ka me oti mada vei iko na cudru i tuakamau, sa na guilecava na ka ko sa cakava vua: au na qai talaki vei iko, ka kauti iko maikea: a cava so mo drau yali ruarua kina vei au ena dua na siga?

46. A sa tukuna vei Aisake ko Repeka, Sa ka rarawa na noqu bula ena vukudra na goneyalewa i Eci: kevaka sa vakawati ko Jekope kei na dua vei ira na goneyalewa i Eci, sa vakataki ira na goneyalewa ni vanua oqo, a cava na kena yaga vei au na noqu bula?

 

Ah Koy Christian Trust ゥ 2008

 

28

 

1. A sa kacivi Jekope ko Aisake, a sa vosavakalouvinakataka, ka vakarota, ka vaka vua, Mo kakua ni vakawati kei na dua na goneyalewa ni Kenani:

2. Mo cavu tu, mo lako ki Petani-erama, ki na vale i Pecueli, na tama i tinamu; ka vakawati kei na dua maikea, maivei ira na luvei Lepani yalewa, na gane i tinamu.

3. Ia me vakalouvinakataki iko na Kalou Kaukauwa, ka qisi iko mo vakaluveni, ka vakalewevuqataki iko, mo tubu mo tamata lewe vuqa sara;

4. Ka vakayacora vei iko na veivakalouvinakataki i Eparaama, io, vei iko, kei ira talega na nomu kawa; mo taukena na vanua ko sa tiko vulagi kina, ka solia vei Eparaama na Kalou.

5. A sa talai Jekope yani ko Aisake: a sa lako ki Petani-erama, kivei Lepani, na luve i Pecueli na kai Siria, na ganei Repeka, na tinai Jekope kei Iso.

 

Sa vakawatitaki Mealaci ko Iso

6. Ia sa kunea ko Iso ni sa vosavakalouvinakataki Jekope ko Aisake, a sa talai koya ki Petani-erama, ka me kauta mai kina e dua na watina; ia ni sa vosavakalouvinakataki, sa vakarota, ka vaka, Mo kakua ni vakawati kei na dua na goneyalewa ni Kenani;

7. Ia sa vakarorogo talega ko Jekope vei tamana kei tinana, a sa lako ki Petani-erama;

8. Ka sa kunea ko Iso ni sa sega ni vinakata na goneyalewa ni Kenani ko Aisake na tamana;

9. Sa qai lako ko Iso kivei Isimeli, a sa vakaikuritaka na watina sa tiko vua, ni sa tauri Mealaci, na ganei Nepeioci, me watina, ko koya na luvei Isimeli, na luvei Eparaama.

 

Na Yalayala nei Jekope mai Peceli

10. A sa lako tani mai Pieri-sepa ko Jekope, ka lako ki Karana.

11. A sa donuya e dua na yasana, a sa moce kina, ni sa dromu na mata-ni-siga: a sa taura e dua na vatu ena yasana koya, ka tauca me nona kali, a sa davo sobu ena yasana ko ya.

12. A sa tadra, ka raica, e dua nai kabakaba sa tu e vuravura, a sa yacovi lomalagi na muana: ka raica, sa kaba cake ka siro sobu tiko kina ko ira na agilose ni Kalou:

13. Ka, raica sa tu mai muana ko Jiova, a sa tukuna, Koi au ko Jiova, na Kalou i Eparaama na tamamu, kei na Kalou i Aisake: a vanua ko sa davo no kina Au na solia vei iko, kei ira na nomu kawa;

14. Ia na nomu kawa ena vaka na kuvu ni qele; ia ko na tete yani vaka ki ra, ka vaka ki na tokalau, ka vaka ki na vualiku, ka vaka ki na ceva; ia ena kalouvinaka vei iko kei na nomu kawa na veimataqali kecega e vuravura:

15. Ka, raica, Au na tiko vata kei iko, ka vakabulai iko ena nomui lakolako kecega, Au na vakalesui iko talega ki na vanua oqo; ni置 na sega ni biuti iko, ka me置 cakava mada vei iko na ka ka置 a vosa kina vei iko.

16. A sa yadra mai na nona moce ko Jekope, ka sa tukuna, Sa tiko vakaidina ko Jiova ena yasana oqo, ia au a sega ni kila.

17. A sa rere ko koya, a sa tukuna, A kena rerevaki na tikina oqo! Sa sega ni ka tani oqo, a vale ga ni Kalou, kei na matamata-ni-koro kei lomalagi oqo.

18. Sa duri ko Jekope, a sa taura na vatu ka tauca oti me nona kali, a sa vakaduria me duru, a sa livia na waiwai ki delana:

19. A sa vakatoka na yaca ni tikina koya ko Peceli [A vale ni Kalou]: ia na yaca ni koro ko ya eliu ko Lusa.

20. A sa bubului ko Jekope, ka vaka, Kevaka sa na tiko vata kei au na Kalou, ka vakabulai au ena sala oqo ka置 sa lako kina, ka solia vei au na kakana me置 kania, kei nai sulu me置 vakaisulu kina,

21. Ka置 sa lesu vakavinaka tale kina ki na vale i tamaqu; ena qai noqu Kalou ko Jiova:

22. Ia na vatu oqo, ka置 sa vakaduria me duru, sa na vale ni Kalou: ia na ka kecega ko ni na solia vei au, na kena i katini au na solia vei Kemuni.

 

Ah Koy Christian Trust ゥ 2008

 

29 Sa Sotavi Reijeli ko Jekope

 

1. Sa qai lako yani ko Jekope, ka yacova na nodra vanua ko ira mai na tokalau.

2. A sa rai yani, ka raica, sa dua nai keli-wai ena tiki ni vanua ko ya, ka raica , sa tolu na qele ni sipi sa toka voleka kina; ni ra sa dauvagunuva na qele ni sipi mai nai keli-wai ko ya: a sa sogo na gusu ni keli-wai ena dua na vatu levu.

3. A sa dausoqoni vata kikea na qele ni sipi kecega: a ra sa dauvaqiqica tani na vatu mai na gusu ni keli-wai, ka vagunuva na sipi, a qai vakasuka tale na vatu ki na kena tikina ki na gusu ni keli-wai.

4. A sa tukuna vei ira ko Jekope, kemudou maivei na wekaqu? A ra sa tukuna, Koi keitou mai Karana.

5. A sa tukuna vei ira, Dou sa kilai Lepani na luvei Neori, se segai? A ra sa tukuna, Keitou sa kila.

6. A sa tukuna vei ira, Sa bula vinaka, se segai? A ra sa tukuna, Sa bula vinaka; ka raica, sa lako tiko mai ko Reijeli na luvena yalewa kei na sipi.

7. A sa tukuna ko koya, Raica sa siga levu toka, ka sa bera na gauna me soqoni vata kina na manumanu: dou vagunuva mada na sipi, ka la談i vakania.

8. A ra sa tukuna, E dredre, me sa soqoni vata kece mada na qele ni sipi, ka vaqiqici tani na vatu mai na gusu ni keli-wai; keitou qai vagunuva na sipi.

9. Ni sa veivosaki tiko kei ira, sa lako mai ko Reijeli kei na sipi nei tamana: ni sa dauvakatawa ko koya.

10. Ia ni sa kunei Reijeli ko Jekope, ko koya na luvei Lepani na gane i tinana, kei na sipi nei Lepani na gane i tinana, sa qai toro ko Jekope, ka vaqiqica na vatu mai na gusu ni keli-wai, ka vagunuva na qele ni sipi nei Lepani na gane i tinana.

11. A sa reguci Reijeli ko Jekope, ka tabalaka na domona ka tagi:

12. a sa tukuna vei Reijeli ko Jekope ni sa wekai tamana, ka ni sa luve i Repeka: a sa cici yani ko koya, ka tukuna vei tamana.

13. Ia ni sa rogoca ko Lepani nai tukutuku kei Jekope na luve i ganena, sa qai cici yani me la談i veitata kaya, a sa mokota, ka reguca, ka kauti koya ki na nona vale. A sa mani tukuna vei Lepani na ka kecega oqo.

14. A sa tukuna vua ko Lepani, E dina ko sa suiqu ka lewequ. A sa tiko kaya ka vula dua.

 

Ko Jekope sa vakawati kei rau ko Lia kei Reijeli

15. A sa tukuna vei Jekope ko Lepani, E dodonu li mo qaravi au walega ni ko sa wekaqu? Mo tukuna vei au se cava me kemui voli.

16. A sa le rua na luvena yalewa ko Lepani: a yacana ka qase ko Lia, ia sa yacana ka gone ko Reijeli;

17. sa mata malumu ko Lia ; ia ko Reijeli, sa yago vinaka, ka matavinaka.

18. A sa lomani Reijeli ko Jekope; a sa tukuna, Au na qaravi iko ka yabaki vitu me noqu ko Reijeli na luvemu ka gone.

19. A sa tukuna ko Lepani, E vinaka me置 solia vei iko, ka ca me置 solia vua e dua na tamata tani: tiko mada vei au.

20. A sa qaravi koya ko Jekope me yabaki vitu me nona ko Reijeli; a sa vaka sa bogi vica walega vua e na vuku ni nona loloma vua.

21. A sa tukuna vei Lepani ko Jekope Mo solia mada na watiqu, ni sa oti na noqu cakacaka, ka me置 la談i curu vua.

22. A sa vakasoqoni ira vata ko Lepani na tamata kecega e na yasana ko ya, ka cakava e dua na magiti.

23. Ia e na yakavi , sa tuberi Lia na luvena, ka kauta vua; a rau veiyacovi kaya.

24. A sa soli Silipa na nona vada ko Lepani kivei Lia na luvena, me nona vada.

25. Ia e na mataka, sa raica ni o Lia: a sa tukuna ko koya vei Lepani, A cava ko sa cakava vei au? au a sega li ni qaravi iko me watiqu ko Reijeli? A cava ko sa vakaisini au kina?

26. A sa tukuna ko Lepani, E sega ni kenai valavala e na neimami vanua, me soli eliu na gone, ka soli emuri na qase:

27 mo vakaotia mada na kena wiki, keitou na qai soli koya talega oqo vei iko, e na vuku ni nomu cakacaka vei au ka yabaki vitu tale.

28. A sa kitaka vakakina, ko Jekope, ka vakaotia na kena wiki: ka sa soli Reijeli na luvena ko koya vua me watina.

29. A sa soli Pila na nona vada ko Lepani kivei Reijeli na luvena, me nona vada.

30. A sa curu talega vei Reijeli ko Jekope, a sa lomani Reijeli ga ka cati Lia, a sa qaravi koya ka vitu tale na yabaki.

 

Ko ira na Luve i Jekope

31. A sa raica ko Jiova ni sa cati ko Lia, a sa vakarawarawataka vua me vakasucu: ia sa yava ga ko Reijeli.

32. A sa kunekune ko Lia, a sa vakasucuma na luvena tagane, a sa vakayacani koya ko Rupeni: ni sa tukuna, Sa kunea dina ko Jiova na noqu rarawa: o koya oqo sa na lomani au na watiqu.

33. A sa kunekune tale, ka vakasucuma na gonetagane; a sa tukuna, Ni sa rogoca ko Jiova ni置 a cati, sa solia kina vei au na gonetagane talega oqo: a sa vakayacani koya ko Simione.

34. A sa kunekune tale, ka vakasucuma na gonetagane; a sa tukuna, Sa na qai vakabiti vei au na watiqu, ni置 sa vakasucuma e le tolu na luvena tagane: ka sa vakayacani koya ko Livai.

35. A sa kunekune tale, a sa vakasucuma na gonetagane; a sa tukuna, Au na qai ia na vakavinavinaka vei Jiova: a sa vakayacani koya kina ko Juta: a sa qai cegu ni vakasucu.

 

Ah Koy Christian Trust ゥ 2008

 

30

 

1. Ia ni sa kunea ko Reijeli ni sa sega ni vakasucu vei Jekope, sa qai vuvutaka na tuakana ko Reijeli; a sa tukuna vei Jekope, Solia mada vei au na gone, de置 mate.

2. A sa cudru sara vei Reijeli ko Jekope: a sa tukuna, Koi au beka na Kalou, ko koya sa lewa mo kakua ni vakaluveni?

3. A sa tukuna ko koya, Raica, na noqu vada ko Pila, mo curu vua; ka me vakasucu gone me置 tenea, ka me置 vakaluveni mai vua.

4. A sa soli Pila na nona vada me watina: a sa mocera ko Jekope.

5. A sa kunekune ko Pila, ka vakasucuma na gonetagane na luve i Jekope.

6. A sa tukuna ko Reijeli, Sa lewa e na vukuqu na Kalou, ka sa rogoca na noqu vosa, a sa solia vei au e dua na gonetagane: a sa vakayacani koya ko Tani.

7. A sa kunekune tale ko Pila na vada i Reijeli, a sa vakasucuma nai karua ni luvedrau kei Jekope.

8. A sa tukuna ko Reijeli, Au sa veiqati sara kei tuakaqu, ia ka置 sa gumatua: a sa vakayacani koya ko Navitalai.

9. Ia ni sa kunea ko Lia ni sa cegu ni vakasucu, sa kauti Silipa na nona vada, a sa solia vei Jekope me watina.

10. A sa vakasucuma e dua na luvedrau tagane kei Jekope, ko Silipa na vada i Lia.

11. A sa tukuna ko Lia, Sa lako mai na vinaka. A sa vakayacani koya ko Kata.

12. A sa vakasucuma nai karua ni luvei Jekope ko Silipa na vada i Lia.

13. A sa tukuna ko Lia, Au sa kalouvinaka, ni ra na vosavakalouvinakataki au na goneyalewa: a sa vakayacani koya ko Aseri.

14. A sa lako voli yani ko Rupeni e nai taba yabaki sa tamusuki kina na witi, a sa kunea eso na duva mai na veico, a sa kauta mai vei Lia na tinana. A sa tukuna vei Lia ko Reijeli, Mo solia mada vei au eso na nona duva na luvemu.

15. A sa tukuna vua ko koya, E ka lailai beka ni ko sa kauta tani na watiqu? Ia ko sa via kauta talega na nona duva na luvequ, oi? A sa tukuna ko Reijeli, Ia drau na moce vata e na bogi oqo ka me qau na nona duva na luvemu.

16. A sa tale mai na veico ko Jekope e na yakavi, a sa la談i tavaki koya ko Lia, ka tukuna, Ko na mai moceri au; ni置 sa voli iko dina ga e na nona duva na luvequ. A sa moce kaya ko koya e na bogi ko ya.

17. A sa rogoci Lia na Kalou, a sa kunekune ko koya, a sa vakasucuma na kenai ka lima ni luvedrau tagane kei Jekope.

18. A sa tukuna ko Lia, Sa solia vei au na Kalou na ka ka置 a volia, ni置 a solia na noqu vada vua na watiqu: a sa vakayacani koya ko Isakari.

19. A sa kunekune tale ko Lia, a sa vakasucuma na kenai ka ono ni luvedrau tagane kei Jekope.

20. A sa tukuna ko Lia, Sa solia vei au na Kalou nai loloma vinaka; sa na qai via tiko vata kei au na watiqu, ka ni置 sa vakasucuma e le ono na luvena tagane: a sa vakayacani koya ko Sevuloni.

21. Ia emuri, sa vakasucuma e dua na luvena yalewa, a sa vakayacani koya ko Taina.

22. A sa nanumi Reijeli na Kalou, a sa rogoci koya na Kalou, ka vakarawarawataka vua me vakasucu.

23. A sa kunekune ko koya, ka vakasucuma e dua na luvena tagane; a sa tukuna, Sa kauta tani na noqu madua na Kalou:

24. a sa vakayacani koya ko Joseva; ka sa tukuna, Me kuria tale vei au e dua na luvequ tagane ko Jiova.

 

Na nodrau Veidinadinati ko Jekope kei Lepani

25. Ia ni sa vakasucumi Joseva ko Reijeli, sa qai tukuna vei Lepani ko Jekope, Mo laivi au mada me置 lako ki na noqu yasana, kei na noqu vanua:

26. Mo solia na watiqu kei na luvequ, ko iratou ka置 sa qaravi iko kina, ka me置 lako: ni ko sa kila na noqu cakacaka ka置 sa cakava vei iko.

27. A sa tukuna vua ko Lepani, Kevaka ko sa lomani au, mo tiko ga: ni置 sa kila vinaka sa vakalouvinakataki au ko Jiova e na vukumu.

28. Sa tukuna talega ko koya, Tukuna vei au na kemui sau, ka置 na solia.

29. A sa tukuna ko koya, ko sa kila na noqui valavala ni置 sa qaravi iko, kei na kena tiko vinaka na nomu manumanu vei au:

30. ni sa lailai na nomu ka ni置 a bera ni lako mai, a sa qai tubu me ka levu; ka sa vakalouvinakataki iko ko Jiova ni ka置 sa tiko eke: ia oqo, ka置 na vakarautaka ninaica na nodra ka na noqu lewe ni vale talega?

31. A sa tukuna ko koya , A cava me置 solia vei iko? A sa tukuna ko Jekope, E sega na ka mo solia vei au: kevaka ko na cakava vei au na ka oqo, ka置 na vakania ka vakatawa tale na nomu qele ni manumanu:

32. au na lako e loma ni nomu qele ni manumanu kecega e na siga edaidai, ka kauta tani mai kina na manumanu kecega sa tavukadiridiri se sa tavutonotono, kei na sipi yadua sa loaloa, kei na me sa tavutonotono se sa tavukadiridiri; ia ko ira sa vakaoqo emuri ena kenai sau vei au:

33. Ia e na qai rairai vei iko e na gauna maimuri na noqui valavala dodonu, ni ko sa la談i raica na qaui sau: na me kece sa na kune vei au, sa sega ni tavukadirdiri se tavutonotono, se na sipi sa sega ni loaloa se damudamu sa macala sa butakoci.

34. A sa tukuna ko Lepani, Raica, e vinaka vei au ke sa vaka na nomuni vosa.

35. A sa kauta tani ko koya e na siga ko ya na me tagane sa vola koso ka tavutonotono, kei na me yalewa sa tavukadiridiri se tavutonotono, oqori kecega sa vulavula vakatikina, kei na sipi loaloa kecega, ka sa solia kivei iratou na luvena.

36. A sa solia me rau veiyawaki kei Jekope na kena yawa e lakovi rawa e na siga e tolu: a sa vakania ko Jekope na kena vo ni qele ni manumanu i Lepani.

37. A sa taura ko Jekope na taba ni popila, kei na taba ni amodi kei na ivi ni vavalagi; a sa karia na kulina vakatikina me rairai na vulavula e na taba ni kau:

38. ia na taba ni kau sa karia oti, sa viritura e na mata ni qele ni manumanu e nai gunugunu, e na tikina ka lako mai kina na qele ni manumanu me gunu; ni ra daukunekune ni ra lako mai me gunu.

39. A sa kunekune na qele ni manumanu e na mata ni taba ni kau, a sa vakasucuma na manumanu e vola koso, ka tavukadiridiri, ka tavutonotono.

40. A sa wasea tani ko Jekope na lami, a sa vaqara na mata ni sipi loaloa kecega vaka ki na vola koso, kei na sipi loaloa kecega e na qele ni manumanu i Lepani: a sa kauta na nona qele ni manumanu me tiko vakai ira, ka sega ni kauta me tiko kei na manumanu i Lepani.

41. A sa yaco ni sa kunekune na manumanu kaukauwa, sa qai viritura na taba ni kau ko Jekope e na mata ni manumanu e nai gunugunu ka me ra kunekune e na maliwa ni taba ni kau.

42. Ia ni sa malumalumu na manumanu, sa sega ni viritura kina: a sa yaco me nei Lepani na ka malumalumu, ka nei Jekope na ka kaukauwa.

43. A sa vutuniyau vakalevu sara na tamata ko ya, a sa ka levu na nona manumanu, kei na nona vada, kei na tamata, kei na kameli, kei na asa.

 

Ah Koy Christian Trust ゥ 2008

 

31 Sa Drotaki Lepani ko Jekope

 

1. A sa rogoca ko koya na nodratou vosa na luve i Lepani ni ratou tukuna, Ko Jekope, sa kauta tani na ka kecega nei tamadatou: ia sa vakaiyau vakaoqo e na ka ga nei tamadatou.

2. A sa raica na matai Lepani ko Jekope, ka sa qai duatani mai vua.

3. A sa tukuna vei Jekope ko Jiova, Mo lesu mada ki na nodra vanua na tamamu, vei ira talega na wekamu; ia ka置 na tiko vata kei iko.

4. A sa talatala ko Jekope me rau kacivi mai ko Reijeli kei Lia me rau lako ki na veico ki na qele ni nona manumanu,

5. A sa tukuna vei rau, Au sa raica na matana na tamamudrau, ni sa qai dua tani mai vei au ka sa sega ni vaka eliu; ia sa tiko vata kei au na Kalou nei tamaqu:

6. Ia koi kemudrau, drau sa kila ni置 sa qarava e na noqui gu kecega na tamamudrau:

7. Ka sa vakaisini au na tamamudrau, ka sa vukica vakatani na qaui voli: ia sa sega ni laivi koya na Kalou me vakacacani au:

8. Kevaka sa tukuna vakaoqo, Me kemui voli na kena sa tavukadiridiri; sa qai vakasucuma walega na manumanu na ka sa tavukadiridiri: ia kevaka sa tukuna vakaoqo, Me kemui voli na kena sa vola koso; sa ra qai vakasucuma walega na manumanu na ka sa vola koso:

9. ia sa kauta tani vakaoqo na Kalou na nona manumanu na tamamudrau, ka solia vei au.

10. Ia sa yaco, e nai taba gauna era sa kunekune kina na manumanu, aua ta cake, ka kunea e na tadra, ka raica, na sipi sa vola koso, se tavukadiridiri, se veivolavolai.

11. A sa tukuna vei au e na tadra ko koya na agilose ni Kalou, i Jekope: ka置 a tukuna, Koi au saka oqo.

12. A sa tukuna, Mo ta cake mada, ka raica, na sipi tagane kecega sa rikata na sipi sa vola koso, se tavukadiridiri, se veivolavolai: ni置 sa kunea na ka kecega sa cakava vei iko ko Lepani.

13. koi au na Kalou ni Peceli, ko a lumuta maikina na duru, ko a bubului talega kina vei au: ia mo cavu tu, mo lako tani e na vanua oqo, ka lesu ki na nodra vanua na wekamu.

14. A rau sa vosa ko Reijeli kei Lia, ka tukuna vua, Sa vo tu li vei keirau e dua nai yau, se dua nai votavota, e na vale nei tama i keirau?

15. Sa sega li ni vaka ko koya, keirau sa kai tani? Ni sa volitaki keirau, ka sa vakaotia sara na neiraui lavo:

16. ia nai yau kecega sa kauta tani na Kalou maivua na tama i keirau, sa neirau, kei na nodra na luvei keirau: ia mo kitaka ga na ka kece sa tukuna vei iko na Kalou.

17. A sa ia ko Jekope, ka vakavodoki iratou na luvena, kei iratou na watina , e na kameli;

18. a sa kauta yani na nona manumanu kecega, kei na nonai yau kecega sa rawata ko koya, io, na manumanu sa rawata ko koya, mai Petani-erama, ka me lako kivei Aisake na tamana ki na vanua ko Kenani.

19. Ia ko Lepani, sa la談i kotiva na nona sipi: ia ko Reijieli sa butakoca na Kalou matakau nei tamana.

20. Ia sa dro vuni yani maivei Lepani na kai Siria ko Jekope, ka ni sa sega ni tukuna vua ni sa dro ko koya.

21. Sa dro ko koya, ka kauta na ka kecega sa nona; a sa cavu tu ka qalo kosova na uciwai, a sa vakanamata ki na ulu-ni-vanua ko Kiliati.

 

Sa Cici muri Jekope ko Lepani

22. Ia e na kenai ka tolu ni siga sa tukuni vei Lepani, sa dro ko Jekope.

23. A sa kauta vata kaya na wekana, a sa muri ko koya ka bogi vitu; a sa vauci koya mai na ulu-ni-vanua ko Kiliati.

24. A sa lako mai na Kalou kivei Lepani na kai Siria e na bogi, a sa tukuna vua, Mo qarauni iko mo kakua ni vosataka na ka vinaka se na ka ca vei Jekope.

25. A sa yaco sara vei Jekope ko Lepani. Ia ko Jekope sa birika na nona vale laca e na ulu-ni-vanua: kei Lepani kei iratou na wekana, eratou a birika mai na ulu-ni-vanua ko Kiliati.

26. A sa tukuna vei Jekope ko Lepani, A cava ko sa cakava, ni ko sa dro vakavuni vei au, ka kauta tani na luvequ yalewa, me vaka na bobula sa rawa e nai seleiwau?

27. A cava ko a dro vuni kina, ka lako lo yani; ka sega ni tukuna vei au, me置 talai iko yani e na marau kei na meke, na lali kei na api;

28. a sa sega ni rawa me置 reguca na luvequ tagane kei na luvequ yalewa? Ko sa kitaka ga na ka lialia:

29. Sa rawarawa ga me置 vakacacani kemudou: ia na Kalou ni tamamudou sa vosa vei au e na bogi e nanoa, a sa tukuna, Mo qarauni iko mo kakua ni vosataka na ka vinaka se na ka ca vei Jekope.

30. Ia sa dodonu ga mo lako, ni ko sa gu sara ki na vale i tamamu, ia na cava ko sa butakoca kina na noqu kalou?

31. A sa vosa vei Lepani ko Jekope, ka vaka, ni置 a rere: ni置 sa tukuna, De ko kovea sara vei au na luvemu yalewa.

32. Ia ko koya ko sa kunea vua na nomu kalou, me kakua ni bula: e na mata ni wekadatou mo raica na ka sa nomu ka sa tiko vei au, ka mo kauta vei iko, Ni sa sega ni kila ko Jekope sa butakoca ko Reijeli.

33. A sa curu ki na vale laca i Jekope ko Lepani, kei na vale laca i Lia, kei na nodrau vale laca na vada; a sa sega ni kunea. A sa curu yani e na vale laca i Lia, ka la談i curuma na vale laca i Reijeli.

34. Ia ko Reijeli sa kauta eliu na matakau, ka vakavodoka ena dela ni Kameli, qai dabeca toka na delana. A sa vakasaqara e na veitiki ni vale laca taucoko ko Lepani, a sa sega ni kunea.

35. A sa tukuna vei tamana ko koya, Me kakua ni ca vua na noqu turaga ni置 sa sega ni tucake rawa e matamuni; ni sa tauvi au na mate vakayalewa. A sa vakasaqara ko koya, ia sa sega ni kunea na matakau.

36. A sa qai cudru ko Jekope, ka vunauci Lepani: a sa tukuna vua, A cava na noqu cala, a cava na noqui valavala ca, ko sa cici muri au kina vakaca?

37. Ia ko sa dikeva kece na noqui yaya, sa dua beka nai yaya ni nomu vale ko sa kunea? Mo viritura mada e matadratou na wekamu, kei na wekaqu, me ra lewa vei kedaru.

38. Sa oti oqo e ruasagavulu na yabaki na noqu tiko kei iko; na nomu sipi yalewa kei na nomu me yalewa sa sega ni lutudole, kei na sipi tagane ni nomu qele ni sipi ka置 sa sega ni kania:

39. A ka sa dresulaki ka置 sa sega ni kauta vei iko; au a sauma ga koi au; ko a tarogi au kina, se butakoci e na siga se na bogi.

40. Au sa vakaoqo, sa kani au na katakata e na siga, kei na liliwa e na bogi; a sa drotaki au na moce.

41. Au a yabaki ruasagavulu e na nomu vale; au a qaravi iko ka yabaki tinikava e na vuku ni luvemu yalewa ruarua, ka yabaki ono e na vuku ni nomu manumanu: ia ko a vukica vakatini na qaui voli.

42. Kevaka sa sega ni tiko vata kei au na Kalou ni noqu qase, na Kalou i Eparaama kei koya na Rerevaki i Aisake, ko sa qai vakatalai wale tu ga. Sa kunea na noqu rarawa na Kalou, kei na oca ni ligaqu, ka vunauci iko e na bogi e nanoa.

 

Sa Veiyalayalati ko Lepani kei Jekope

43. A sa tukuna vei Jekope ko Lepani, Ko iratou na yalewa oqo era sa noqu yalewa, ko iratou na gone oqo era sa noqu, sa noqu manumanu talega na manumanu oqo, ka sa noqu na ka kecega ko sa raica: ia ka cava me置 qai kitaka edaidai vei iratou na yalewa oqo, se vei ira na luvedra era sa vakasucuma?

44. Ia oqo, me daru veiyalayalati mada koi kedaru; ka me dua kina vei kedaru na kenai vakadinadina.

45. A sa vakaduria cake e dua na vatu ko Jekope, me tu.

46. A sa tukuna ko Jekope vei ira na wekana, Dou tomitomika mai na vatu, a ra sa binia vata na vatu, ka me dua na suva: a ra sa kana vata mai na dela ni suvasuva.

47. A sa vakayacana ko Lepani ko Jikari-saetuca: ia ko Jekope sa vakayacana ko Kaleti.

48. A sa tukuna ko Lepani, Na suva oqo sa kenai vakadinadina vei kedaru edaidai. O koya oqo sa vakatokai kina na yacana ko Kaleti.

49. kei Misipa; ni sa tukuna ko koya, Me vakaraici kedaru ko Jiova, ni daru sa dui tiko tani:

50. kevaka ko sa vakararawataki rau na luvequ yalewa, se ko sa vakawati kei na yalewa tani mei kuri ni luvequ yalewa, e dina sa sega na tamata vei kedaru raica, na Kalou sa vakadinadina e na kedaru maliwa!

51. Sa tukuna talega vei Jekope ko Lepani, Raica na suva oqo, ka raica na duru, au sa viritura e na kedaru maliwa,

52. Sa vakadinadina na suva oqo, ka sai vakadinadina na duru oqo, ni置 na sega ni sivia na suva oqo me置 lako vei iko, ka ni ko na sega talega ni sivia na suva oqo kei na duru oqo mo lako vakaca mai vei au:

53. na Kalou i Eparaama, kei na Kalou i Neori, na Kalou ni tamadrau, me lewa mada vei kedaru. A sa bubului ko Jekope vei Koya na Rerevaki i Aisake na tamana.

54. Sa qai vakacabora nai madrali ko Jekope mai na ulu-ni要anua, a sa kacivi iratou na wekana me ra kana vata: a ra sa kana, ka moce e na bogi e na ulu-ni-vanua.

55. A sa sou e na mataka ko Lepani, a sa reguca na luvena tagane kei na luvena yalewa, a sa vosavakalouvinakataki ira: a sa lako ko Lepani, ka lesu ki na nona yasana.

 

Ah Koy Christian Trust ゥ 2008

 

32 Sa mai Tavaki Jekope ko Iso

 

1. A sa lako tu e nona sala ko Jekope, a ra sa sota kaya na agilose ni Kalou.

2. Ia ni sa kunei ira ko Jekope, sa tukuna, Oqo na matai valu ni Kalou. A sa vakatoka na yaca ni yasana ko ya ko Meeneimi [A matai valu e rua].

3. A sa tala na mata ko Jekope me liu yani vei Iso na tuakana, ki na vanua i Itomi.

4. A sa vakaroti ira, ka vaka, Dou vosa vakaoqo vua na noqu turaga ko Iso; Sa tukuna vakaoqo na nomu tamata ko Jekope, Au tiko vulagi vei Lepani, ka置 sa dede kina, ka yacova na gauna oqo:

5. a sa tu vei au na bulumakau, kei na asa, na sipi, kei na tamata, kei na vada: ia ka置 sa talatala me置 tukuna vua na noqu turaga, ka me置 kune loloma vei iko.

6. A ra sa lesu mai kivei Jekope nai talaki, ka ra tukuna, Keitou a lako vua na tuakamu ko Iso, a sa lako talega mai ko koya me mai tavaki iko, kei ira vata kaya na tamata e lewe va na drau.

7. A sa rere vakalevu ko Jekope, a sa kidroa: a sa wasea rua na tamata era tiko kaya, kei na qele ni sipi, kei na bulumakau, kei na kameli;

8. ni sa tukuna, Kevaka sa lako mai ko Iso ki na dua nai vavakoso, ka mokuta, ena qai dro bula nai vavakoso kadua.

9. A sa tukuna ko Jekope, Na Kalou ni tamaqu ko Eparaama, kei na Kalou talega i Aisake na tamaqu, kemuni Jiova, ko ni a tukuna vei au, Mo lesu ki na nomu vanua, ki vei ira na wekamu, Au na caka vinaka vei iko:

10. Au a sega ni yaga me置 rawata e dua na ka lailai e na Nomuni loloma kecega, kei na Nomuni vosa dina, ko ni sa cakava vei au na Nomuni tamata; ni置 a qalo-kosova na Joritani oqo kei na noqui titoko wale; ia ka置 sa qai tubu me rua nai vavakoso:

11. Au masuti Kemuni, mo ni vakabulai au mada mai na liga i Iso na tuakaqu: ni置 sa rerevaki koya, de sa lako mai ko koya ka mokuti au, kei ira vata na gone kei tinadra:

12. Ia ko ni a tukuna, Au na caka vinaka vakaidina vei iko, ka vakatubura na nomu kawa me ra vaka na nuku mai matasawa, sa sega ni wili rawa ni ra sa lewe vuqa.

13. A sa moce maikea e na bogi ko ya: a sa taura mai na ka sa tiko vua me ka ni loloma vei Iso na tuakana;

14. e rua na drau na me yalewa, ka ruasagavulu na me tagane, e rua na drau na sipi yalewa, ka ruasagavulu na sipi tagane,

15. e tolusagavulu na kameli yalewa kei na luvedra, e vasagavulu na bulumakau yalewa, ka tini na bulumakau tagane, e ruasagavulu na asa yalewa, ka tini na luve ni asa.

16. A sa solia vei ira na nona tamata, me lako vakai koya na qele ni manumanmu yadua; a sa tukuna vei ira na nona tamata, Dou liutaki au yani ka me veiyawaki na qele ni manumanu e dua kei na qele ni manumanu e dua.

17. A sa vakarota vua sa liu, ka vaka, Ni ko sa sota kei iko ko Iso na tuakaqu, ka tarogi iko, Dou sa tamata nei cei, ka so sa lako tiko kivei? E nei na ka era tu oqo e matamudou.

18. mo qai tukuna, A nei Jekope na nomuni tamata; oqo nai loloma sa kau vua na noqu turaga ko Iso: ka raica, sa muri keitou talega ko koya.

19. A sa vakarota nai karua talega, kei nai katolu, kei ira kecega era muria na qele ni manumanu, ka vaka, Dou vosa vakaoqo vei Iso, ni dou sa veikune kaya:

20. Ia dou tukuna talega, Raica, sa muri keitou mai ko Jekope na nomuni tamata. Ni sa tukuna ko koya, Au na vakayalovinakataki koya e na ka ni loloma sa liu yani, ia emuri ka置 na raica na matana; de sa vinakati au beka ko koya.

21. A sa kau yani eliu na ka ni loloma: a sa tiko vata kei ira ko koya e na bogi ko ya.

 

Na veibo kei na Kalou

22. A sa cavu tu ko koya e na bogi ko ya, ka kauti rau na watina, kei rau na nona vada, kei iratou na luvena tagane e tinikadua, ia sa vutokosova na uciwai ko Japoki:

23. A sa kauti ira, ka talai ira me ra vutokosova na uciwai, ia sa tala ki tai kadua na nona ka.

24. A sa tiko duadua ko Jekope; a sa veimoqeti kaya e dua na tamata ka yacova na kida ni mataka.

25. Ia ni sa kunea ko koya ni sa sega ni gumatua vua, sa tara na veiuturi ni dibina; a sa mavule na veiuturi ni dibi i Jekope, ni rau sa veimoqe tiko kaya.

26. A sa tukuna ko koya, Mo laivi au mada me置 lako, ni sa kida na mataka. A sa tukuna ko Jekope, Au na sega ni laivi iko, kevaka ko sa sega ni vosavakalouvinakataki au mada.

27. A sa tukuna ko koya, Ko cei na yacamu? A sa tukuna, Ko Jekope.

28. A sa tukuna, Ena sega tiko ni yacamu ko Jekope, ko Isireli ga: ni ko sa kaukauwa vua na Kalou kei ira na tamata, ka ko sa gumatua.

29. A sa taroga ko Jekope, Mo ni tukuna mada mai vei au na yacamuni. A sa tukuna ko koya, A cava ko sa taroga kina na yacaqu? A sa vakalouvinakataki koya maikea.

30. A sa vakatoka na yaca ni yasana koya ko Penueli [A mata ni Kalou]: ni keirau sa veikune kei na Kalou, ia ka置 sa bula tiko.

31. A sa cadra vua na mata-ni-siga ni sa lako tani mai Penueli, a sa lokiloki tiko na dibina.

32. O koya era sega ni kania kina na ua mai na veiuturi ni dibi ko ira na Isireli, ka yacova na gauna oqo: ni sa tara ko koya na ua mai na veiuturi ni dibi i Jekope.

 

Ah Koy Christian Trust ゥ 2008

 

33 Rau sota ko Jekope kei Iso

 

1. A sa ta cake ko Jekope, a sa rai yani, ka raica, sa lako mai ko Iso,vata kei ira na tamata e le va na drau. A sa wasei iratou na gone kivei Lia, kei Reijeli, vei rau talega na vada.

2. A sa lesi rau na vada kei iratou na luvedrau me ratou liu, ko Lia kei iratou na luvena me tarava, ko Reijeli kei Joseva me muri sara.

3. A sa liu sara vei ira ko koya, ka cuva vakavitu ki na qele, a sa toro vua na tuakana.

4. A sa cici ko Iso me veitata kaya, a sa mokota, ka baleta na domona, ka reguca: a rau sa tagi.

5. A sa ta cake, ka kunei iratou na yalewa kei na gone; a sa tukuna, Ko cei ko ira oqo era tiko kei iko? A sa tukuna, Na gone sa solia e na loloma na Kalou vua na nomuni tamata.

6. Erau sa qai toro mai na vada, koi rau, kei iratou na luvedrau, a ratou sa cuva:

7. ko Lia talega kei iratou na luvena, eratou sa toro mai, ka cuva: a sa oti sa qai toro mai ko Joseva kei Reijeli, a rau sa cuva.

8. A sa tukuna ko koya, A cava na kenai balebale ni vavakoso kecega oqo au a sotava? A sa tukuna ko Jekope, A ka me置 kune loloma kina vua na noqu turaga.

9. A sa tukuna ko Iso, sa levu na noqu ka , na taciqu; me tiko ga kei iko na nomu ka.

10. A sa tukuna ko Jekope, Me kakua mada, kevaka ko sa yalo vinaka vei au mo taura mada vei au na noqu ka ni loloma: ni sa vaka na noqu raica na mata ni Kalou na noqu raica na matamuni, ka ni ko sa yalovinaka vei au:

11. Mo ni kauta mada na noqu ka ni loloma sa kau vei kemuni oqo; ni sa loloma vei au na Kalou, ia au sa rawata na ka kecega. A sa cikevi koya, sa qai kauta.

12. A sa tukuna ko Iso, Daru yavala mada me daru lako, ia ka置 na liutaki iko.

13. A sa tukuna vua ko Jekope, Ko ni sa kila na noqu turaga ni ra sa malumalumu na gone, a sa vakaluveni na sipi kei na bulumakau sa tiko vei au; ni ra na mate kece talega na manumanu, kevaka era na kau vakayawa e na dua na siga:

14. Ni lako mada yani na noqu turaga mo ni liutaki au na nomuni tamata; ia koi au, au na lako vakamalua me vaka era rawata na manumanu sa liu tiko, kei ira na gone, me置 yaco mada ki Sia vua na noqu turaga.

15. A sa tukuna ko Iso, Me置 lesia mada eso na tamata era tiko kei au, me lako vata kei iko. A sa tukuna ko koya, Mei cavai oqori? Me置 kune loloma mada vua na noqu turaga.

16. A sa lesu ko Iso e na siga ko ya, e na sala ki Sia.

17. A sa lako voli yani ki Sukoci ko Jekope, a sa tara e dua na nona vale laca, a sa cakava eso na vale ni manumanu e na taba ni kau: o koya sa vakatokai kina na yaca ni yasana ko ya ko Sukoci.

 

Sa lako mai ki Kenani ko Jekope

18. A sa yaco e na vakacegu ko Jekope, ki na koro ko Sikemi, mai na vanua ko Kenani, ni sa lako mai Petani-erama ko koya; a sa birika na nona vale laca, ka me donuya na koro.

19. A sa volia e dua na tiki ni vanua, maivei ira na luvei Amori, na tamai Sikemi, e na yasana ka birika kina na nona vale laca, ka sa dua na drau nai lavo na kenai voli.

20. A sa cakava maikea e dua nai cabocabo-ni-soro, a sa vakayacana ko Eli-eloe-Isireli.

 

Ah Koy Christian Trust ゥ 2008

 

34 Na ca e yaco vei Taina

 

1. Ia ko Taina, e dua na goneyalewa, na luvei Lia, kei Jekope, sa lako voli yani me raici ira na goneyalewa ni vanua ko ya:

2. A sa raica ko Sikemi na luve i Amori na Aivaiti, na turaga ni vanua ko ya, a sa kauta, ka moce vata kaya, ka vaqasea.

3. A sa vinakati Taina vakalevu na luve i Jekope, a sa lomani koya na goneyalewa, ka vosa vakayalololoma vua na goneyalewa.

4. A sa vosa vei Amori na tamana ko Sikemi, ka vaka, Mo saga mada na goneyalewa oqo me watiqu.

5. A sa rogoca ko Jekope ni sa vakaqaseni Taina na luvena ko Sikeni: a ra sa tiko na luvena tagane kei na manumanu mai na veico; a sa tiko lo ko Jekope ka me ra lesu mada mai.

6. A sa lako yani vei Jekope ko Amori na tamai Sikemi, me rau veivosaki.

7. A ra sa lako mai na veico na luve i Jekope ni ra rogoca: a ra sa rarawa na tamata, ka cudru vakalevu, ka ni sa kitaka na ka lialia vei Isireli ko koya, ni sa mocera na luve i Jekope; a ka sa sega ni dodonu me caka.

8. A sa veivosaki kei ira ko Amori, ka vaka, Sa guta na nomuni goneyalewa na yalona na luvequ: au masuti kemuni mo ni musuka vua me watina:

9. ia me da veimusumusukitaki ira na luveda me ra vakawati, mo ni musuka na nomuni goneyalewa vei keimami, ka kauta na neimami goneyalewa vei kemuni:

10. Ka mo ni tiko ga kei keimami: sa toka e matamuni na vanua; mo ni tiko ka veivoli kina, ka rawata kina nai yau.

11. A sa tukuna ko Sikemi vua na tama ni goneyalewa kei ira na ganena, Me置 kune loloma mada e matamuni, ia na ka kemuni sa cavuta au na solia:

12. Mo ni cavuta vei au nai yau e levu sara kei nai solisoli, ia au na solia me vaka na ka ko ni na cavuta vei au: ia mo ni musuka ga na goneyalewa me watiqu.

13. Ia ko ira na luve i Jekope, era sa vosa vaqaseqase vei Sikemi kei Amori na tamana, ni sa vakaqaseni Taina na ganedra:

14. A ra sa tukuna vei rau, E dredre ni keitou cakava na ka oqo, ka me musuka na gane i keitou ki na tamata sa sega ni cilivi; ni sa rogo ca vei keitou;

15. E na ka duaduaga oqo keitou na rogoci kemudrau kina: Kevaka kemuni na vakataki keitou, ka me cili na nomudou tagane kecega;

16. Keitou na qai musuka na neitou goneyalewa vei kemuni, ka kauta na nomuni goneyalewa vei keitou, keitou na tiko talega kei kemuni, ia eda na dua vata ga:

17. Ia kevaka mo ni na sega ni rogoci keitou, mo ni cili; keitou na qai kauti koya na neitou goneyalewa, ka lako.

18. A sa vinakata na nodra vosa ko Amori, kei Sikemi na luve i Amori.

19. A sa sega ni berabera na cauravou ni kitaka na ka ko ya, ka ni sa rekitaki koya na luve i Jekope: ka sa tamata yalovakaturaga vei ira kecega e na mataqali i tamana.

20. A sa lako ko Amori kei Sikemi na luvena ki na nodrau matamata-ni-koro, ka vosa vei ira na lewe ni nodrau koro, ka vaka,

21. Ko ira na tamata oqo era tiko malua ga kei keda; me ra tiko ga e na vanua, ka veivoli kina; ka raica, sa levu na vanua me rauti ira; me da vakawati mada kei na nodra goneyalewa, meda musuka talega na noda goneyalewa vei ira:

22. E na ka oqo era na rogoci keda na tamata, me tiko kei keda, me da tamata vata, kevaka sa cili na tagane kecega vei keda, me vaka era sa cilivi:

23. Ena qai sega li ni noda na nodra manumanu, kei na nodrai yau, kei na nodra bulumakau kece? Me da vakarorogo ga vei ira, era na qai tiko kei keda.

24. A ra sa vakarorogo vei Amori kei Sikemi na luvena ko ira kecega era sa curu yani e na nona matamata-ni-koro.

25. Ia e na kenai katolu ni siga, tarai ira voli na mosi, erau sa taura yadua na nonai seleiwau e lewe rua vei ira na luvei Jekope, ko Simione kei Livai, na ganei Taina, a rau sa lako vakadoudou ki na koro ka vakamatei ira kecega na tagane.

26. A rau sa vakamatei Amori kei Sikemi na luvena e nai seleiwau, ka kauti Taina tani mai na vale i Sikemi, ka lako yani.

27. Era sa qai lako mai ki na moku ko ira na luve i Jekope, ka tokitaka nai yau ni koro, baleta ni a vakaqaseni na ganedra.

28. Era sa kauta na nodra sipi, kei na nodra bulumakau, kei na nodra asa, kei na ka sa tiko e na koro, kei na ka sa tiko mai na were;

29. kei na nodrai yau kecega, kei na nodra gone kecega, kei na nodra yalewa, era kauta vakabobula ka tokia, io, na ka kecega sa tiko e vale.

30. A sa tukuna ko Jekope kivei Simione kei Livai, Drau sa vakararawataki au, ni drau sa vakaboicataki au vei ira na lewe ni vanua, e na kedra maliwa na kai Kenani kei na lewe ni Veikoro lalai: me vaka ni置 lewe lailai, ka ra na soqoni vata ka mai vakamatei au. Au na rusa na noqu mataqali vata kei au.

31. A rau sa tukuna, E vinaka li me wilika ko koya na ganei keirau me vaka sa yalewa dautagane?

 

Ah Koy Christian Trust ゥ 2008

 

35 Na Lesu nei Jekope ki Peceli

 

1. A sa tukuna vei Jekope na Kalou, Cavu tu, ka mo lako cake ki Peceli, ka tiko maikea: ka cakava maikea e dua nai cabocabo-ni-soro vua na Kalou, ko koya ka rairai vei iko ni ko a drotaka tiko na matai Iso na tuakamu.

2. A sa tukuna ko Jekope vei ira na nona lewe-ni-vale, kei ira kecega era tiko kaya, Dou biuta tani na kalou ni kai tani sa tiko kei kei kemudou, dou savasava talega, ka vakaisulu e nai sulu tani:

3. Ia tou yavala mada, tou lako cake ki Peceli; au na cakava maikea e dua nai cabocabo-ni-soro vua na Kalou, ko koya ka rogoci au e na siga ka置 a rarawa kina, ka tiko kei au e na sala ka置 a lako kina.

4. A ra sa solia vei Jekope na kalou ni kai tani sa tu e ligadra, kei na sau sa tu e daligadra; a sa vunia ko Jekope e ruku ni oki ka tu mai Sikemi.

5. A ra sa lako tu yani: a sa kania na veikoro sa voliti ira na rere vua na Kalou, a ra sega kina ni vakasavi ira na luve i Jekope.

6. A sa lako mai ko Jekope ki Lusa, mai na vanua ko Kenani, (ko ya ko Peceli), ko koya kei ira kece na tamata era tiko vata kaya.

7. A sa cakava kina e dua nai cabocabo-ni-soro, ka vakayacana na yasana ko ya ko Eli-Peceli: ni sa rairai vua maikea na Kalou, ni sa dro tani ko koya mai vua na tuakana.

8. A sa ciba ko Tepora na meimei nei Repeka, a sa bulu ki ra, ki cake ko Peceli, e na ruku ni dua na oki: a sa vakatokai na yacana ko Aloni-pakuci.

9. A sa rairai tale na Kalou kivei Jekope, ni sa lako mai Petani-erama, a sa vosavakalouvinakataki koya.

10. A sa tukuna vua na Kalou, Ko Jekope na yacamu: ena sega tale ni vakatokai me yacamu ko Jekope, ko Isireli ga. A sa vakayacani koya me ko Isireli.

11. Sa tukuna talega vua na Kalou, Koi au na Kalou Kaukauwa: mo tubu, ka mo lewe vuqa mai; e dua na matanitu, io na matanitu e vuqa, ena tubu maivei iko, ka na lako mai na tolomu na turaga lelevu;

12. Na vanua talega au a solia vei Eparaama kei Aisake, Au na solia vei iko; vei ira talega na nomu kawa, ka置 na solia na vanua ko ya.

13. A sa lako cake mai vua na Kalou, mai na tikina ka vosa kina vua.

14. A sa vakaduria na duru ko Jekope e na tikina ka vosa kina vua ko Koya, io na duru vatu: a sa livia ki delana nai madrali liviraki, sa livia talega ki delana na waiwai:

15. A sa vakatoka ko Jekope na yaca ni yasana ka vosa kina vua na Kalou ko Peceli.

 

Na Mate nei Rejeli

16. A ra sa lako tu yani mai Peceli; Ia ni ra se bera ni yaco ki Efiraca, a sa vakasucu ko Reijeli, a sa rarawa vakalevu ni vakasucu.

17. Ia ni sa taratara tiko ka rarawa vakalevu, sa tukuna vua ko koya na yalewa vuku, Kakua ni rere; ena dua tale na luvemu tagane oqo.

18. A sa yaco ni sa lako na yalona, (ka ni sa ciba ko koya), sa vakayacani koya ko Peni-oni; ia ko tamana sa vakatokai koya ko Penijamini.

19. A sa ciba ko Reijeli, a sa bulu e na sala ki Efiraca, (ko ya ko Pecileema).

20. A sa vakaduria e dua na duru ko Jekope, e na nonai bulubulu: ko ya na duru ni bulubulu i Reijeli, ka yacova na gauna oqo.

21. A sa lako voli yani ko Isireli, ka sa sivia na vale cecere mai Eteri ka birika kina na nona vale laca.

22. A sa yaco ni sa tiko ko Isireli e na vanua ko ya, sa lako ko Rupeni ka moceri Pila na watina lailai i tamana: a sa rogoca ko Isireli.

 

Na Luve i Jekope e Tinikarua

Ia ko ira na luve i Jekope era tagane sa le tinikarua:

23. Na luve i Lia; ko Rupeni, na ulumatua i Jekope, kei Simioni, kei Livai, kei Juta, kei Isakari, kei Sevuloni:

24. Ia na luve i Reijeli; ko Joseva kei Penijamini:

25. kei na luve i Pila, na vada i Reijeli; ko Tani, kei Navitalai:

26. kei na luve i Silipa, na vada i Lia; ko Kata, kei Aseri: ko ira oqo na luve i Jekope sa sucu mai Petani-erama.

 

Na Mate nei Aisake

27. A sa lako mai ko Jekope kivei Aisake na tamana mai Mamire, ki na koro i Ariya, (ko ya ko Epironi), ka dautiko vulagi kina ko Eparaama kei Aisake.

28. Ia na gauna i Aisake e dua na drau ka walusagavulu na yabaki.

29. A sa ciba ko Aisake, ka mate yani, a sa toki yani kivei ira na kai nona, ni sa qase ka vuqa na nona yabaki: a rau sa buluti koya na luvena ko Iso kei Jekope.

 

Ah Koy Christian Trust ゥ 2008

 

36 Na Vuvale nei Iso

 

1. Ia oqo na veimataqali i Iso, (ko ya ko Itomi).

2. Sa veiwatini ko Iso kei ira na goneyalewa ni Kenani; ko Eta na luvei Eloni na Itaiti, kei Aolipama na luve i Ena, na luve i Sipioni ka yalewa na Aivaiti;

3. kei Vasemaca na gane i Nepeioci, na luvei Isimeli.

4. Ia ko Eta sa vakasucumi Elifasa na luvedrau kei Iso; a sa vakasucumi Riueli ko Vasemaca;

5. Ko Aolipama sa vakasucumi Jiusi, kei Jalami, kei Kora. Oqo na gonetagane i Iso, sa sucu mai na vanua ko Kenani.

6. Ia ko Iso sa kauta na watina, kei na luvena tagane, kei na luvena yalewa, kei ira kecega na nona lewe-ni-vale, kei na nona bulumakau, kei na nona manumanu kecega, kei na nonai yau kecega, sa rawata e na vanua ko Kenani: a sa lako ki na dua na vanua, me rau veiyawaki kei Jekope na tacina.

7. Ni sa rui levu na nodrau ka, ka dredre kina me rau tu vata; sa sega ni rauti rau na vanua erau a tiko vulagi kina, e na vuku ni nodrau manumanu.

8. A sa la談i tiko ko Iso e na ulu-ni-vanua ko Sia: ko Iso sai koya ko Itomi.

9. Ia oqo na veimataqali i Iso na tamadra na kai Itomi, mai na ulu-ni-vanua ko Sia:

10. oqo na yacadra na luve i Iso era tagane; ko Elifasi na luve i Eta na wati Iso, ko Riueli na luve i Vasemaca, na wati Iso.

11. Ia na luve i Elifasi ko Temani, ko Omari, ko Sifo, kei Katami, kei Kiniasi eratou tagane.

12. Ia ko Timina sa watina lailai i Elifasi, na luve i Iso; sa vakasucumi Ameleki ko koya na luvedrau kei Elifasi: oqo na luvena tagane ko Eta, na wati i Iso.

13. Ia oqo na luve i Riueli eratou tagane; ko Neaca, kei Sira, ko Sama, kei Misa: na tagane oqo na luve i Vasemaca, na wati i Iso.

14. Ia sa sucu ko Jiusi, kei Jalami, kei Kora, na luvei Iso kei Aolipama na watina: ia na tinai Aolipama ko Ena, na luvei Sipioni.

 

Ko ira na Turaga mai Itomi

15. Oqo na turaga vei ira na luve i Iso: na luvei Elifasi na ulumatua i Iso era tagane; ko Temani na turaga, ko Omari na turaga, ko Sifo na turaga, ko Kiniasi na turaga,

16. kei Kora na turaga, ko Katami na turaga, kei Ameleki eratou turaga kece: oqo na turaga sa tubu vei Elifasi e na vanua ko Itomi; oqo na luve I Eta.

17. Ia oqo na luve i Riueli, na luve i Iso; ko Neaca na turaga, ko Sira na turaga, ko Sama na turaga, ko Misa eratou turaga kece: oqo na turaga sa tubu vei Riueli e na vanua ko Itomi; oqo na luve i Vasemaca, na wati i Iso.

18. Ia oqo na luve i Aolipama, na wati i Iso; ko Jiusi na turaga, ko Jalami na turaga, ko Kora eratou turaga kece: oqo na turaga ka tubu maivei Aolipama, na luve i Ena, na wati i Iso.

19. Oqo na luve i Iso, ko koya ko Itomi, ia oqo na nodra turaga.

 

Ko ira na Luve i Sia

20. Oqo na luve i Sia na luve i Ori, ko ira ka taukena na vanua; ko Lotani, kei Sopali, kei Sipioni, kei Ena,

21. kei Tisoni, kei Esa, kei Tisani: oqo na nodra turaga na luve i Ori, na luve i Sia mai na vanua ko Itomi.

22. Ia ko ira na luve i Lotani, ko Ori kei Emani; ia na gane i Lotani ko Timina.

23. Ia ko iratou oqo na luve i Sopali; ko Alivani, kei Maneaca, kei Ipali, ko Sifo, kei Onama.

24. A sa luve i Sipioni koi rau oqo; ko Eya kei Ena: ko Ena oqo ka kunea na mata ni wai katakata mai na loma ni vanua, ni sa vakania tiko na asa i Sipioni na tamana.

25. Ia koi rau oqo na luve i Ena; ko Tisoni, kei Aolipama na yalewa na luve i Ena.

26. Ia ko iratou oqo na luve i Tisoni; ko Emitani, kei Esipani, kei Icirani, kei Kirani.

27. Ko iratou oqo na luve i Esa: ko Pilani, kei Seevani, kei Ekani.

28. Koi rau oqo na luve i Tisani; ko Usi, kei Erani.

29. Oqo na turaga sa tubu vei ira na luve i Ori; ko Lotani, ko Sopali, ko Sipioni, ko Ena,

30. ko Tisoni, ko Esa, ko Tisani eratou turaga kece: oqo na turaga sa tubu vei Ori, vei ira na nodra turaga e na vanua ko Sia.

 

Ko ira na Tui e Itomi

31. Ia ko ira oqo na tui ka lewa e liu mai na vanua ko Itomi, ni se sega na tui sa lewai ira na Isireli.

32. Ia ko Pela na luve i Piori sa lewa mai Itomi: ia na yaca ni nona koro ko Tinapa.

33. A sa mate ko Pela, a sa lewa me kenai sosomi ko Jobaba na luve i Sira na kai Posira.

34. A sa mate ko Jobaba, a sa lewa me kenai sosomi ko Usami mai na nodra vanua na luve i Temani.

35. A sa mate ko Usami, a sa lewa me kenai sosomi ko Etati na luve i Pitati, ko koya ka labati Mitiani mai na vanua ko Moapi: ia na yaca ni nona koro ko Evici.

36. A sa mate ko Etati, a sa lewa me kenai sosomi ko Samila na kai Masirika.

37. A sa mate ko Samila, a sa lewa me kenai sosomi ko Saula na kai Riopoci, sa voleka ki na uciwai.

38. A sa mate ko Saula, a sa lewa me kenai sosomi ko Peali-anani na luve i Akipori.

39. A sa mate ko Peali-anani na luve i Akipori, a sa lewa me kenai sosomi ko Etari: ka sa yaca ni nona koro ko Pau; ia na yaca ni watina ko Meetapeli, na luve i Matereti e yalewa, o koya na luve i Me-saapi, e yalewa.

 

Ko ira na Turaga sa tubu maivei Iso

40. Ia oqo na yacadra na turaga sa tubu maivei Iso, me vaka na nodra veimataqali, e na nodra veiyasana, me vaka na yacadra; ko Timina na turaga, ko Aliva na turaga, ko Jiceci na turaga,

41. ko Aolipama na turaga, ko Ela na turaga, ko Pinoni na turaga,

42. ko Kinasi na turaga, ko Temani na turaga, ko Mipisa na turaga,

43. ko Makitieli na turaga, ko Irami na turaga: ko iratou oqo na turaga kei Itomi, me vaka na nodrai tikotiko, e na vanua erai taukei kina: Ia ko Iso oqo na tamadra na kai Itomi.

 

Ah Koy Christian Trust ゥ 2008

 

37 Sa tadra ko Joseva na Ka Cecere

 

1. A sa tiko ko Jekope e na vanua ka tiko vulagi kina ko tamana, ena vanua ko Kenani.

2. Oqo nai tukutuku kei Jekope: Sa tinikavitu na yabaki nei Joseva, ka sa dauvakania na sipi kei ira vata na tuakana; a sa dautiko na gone kei na luve i Pila, kei rau na luve i Silipa, a watina lalai nei tamana: a sa dau kauta mai kivei tamana ko Joseva na kedratoui rogorogo ca.

3. A sa levu na loloma i Isireli vei Josefa, ka lailai vei ira kecega na luvena, ni sa luvena ni sa qai qase mai: a sa cakava vei koya e dua na kote veivolavolai.

4. Ia era sa raica na tuakana ni sa levu na nona loloma na tamadra vei koya, ka lailai vei ira kece na tuakana, ka ra sa qai cati koya, era sega ni vosa vinaka rawa vua.

5. A sa tadra ko Joseva, ka tukuna vei ira na tuakana: e ra sa qai cati koya vakalevu.

6. A sa tukuna vei ira ko koya, Dou rogoca mada na noqu tadra:

7. raica, eda a vau sila tiko mai na were, ka sa tucake na noqui vau, ka wavu tu; ka sa tu vakavolivolita na nomudoui vau, ka rokova na noqui vau.

8. A ra sa tukuna vua ko ira na tuakana, Ko na lewa dina beka vei keitou? Se ko na veitalia dina beka vei keitou? A ra sa cati koya vakalevu sara e na vuku ni nona tadra, kei na nona vosa.

9. A sa tadra tale ko koya, ka tukuna vei ira na tuakana, ka vaka, Raica ka置 sa tadra tale; sa rokovi au na matanisiga, kei na vula kei na kalokalo e tinikadua.

10. A sa tukuna vei tamana, vei ira talega na tuakana: a sa vunauca ko tamana, ka vaka, A tadra cava oqo ko sa tadrataka? Ena lako beka mai koi au kei na tinamu kei ira na tuakamu, ka cuva ki na qele kivei iko?

11. A sa vuvutaki koya ko ira na tuakana; a sa nanuma tiko na vosa ko tamana.

 

Era sa Volitaki Joseva na Taukana

12. A ra sa lako na tuakana me vakania na sipi nei tamadra mai Sikemi.

13. A sa tukuna vei Joseva ko Isireli, Era vakania na sipi mai Sikemi na tuakamu, ne? lako mai me置 talai iko vei ira. A sa tukuna ko koya, Koi au ga oqo.

14. A sa tukuna vua ko koya, Mo lako mada, mo raica se ra tiko vinaka na tuakamu, kei na qele ni sipi; ka kauta tale mai vei au na kenai tukutuku. A sa talai koya mai na buca mai Epironi, a sa lako yani ko koya ki Sikemi.

15. A sa kunei koya e dua na tamata, ni sa lako sese voli mai veikau: a sa tarogi koya na tamata, A cava ko sa vakasaqara voli?

16. A sa tukuna, Au sa vakasaqarai ira na tuakaqu: mo tukuna mada vei au na yasana era vakania kina na sipi.

17. A sa tukuna na tamata, Era sa lako tani eke: ni置 sa rogoci ira ni ra tukuna, Tou lako yani ki Tocani. A sa muri ira na tuakana ko Joseva, ka vauci ira mai Tocani.

18. A ra sa kunei koya ni se yawa tiko, ia ni sa bera ni voleka vei ira, era sa bukia na kena vere me ra vakamatea.

19. A ra sa veivosaki vakai ira, Raica, sa lako mai na dautadra ko ya:

20. tou ia mada, tou vakamatea, ka biuta ki na dua nai keli: eda na qai tukuna vaka oqo, Sa dua na manumanu ca sa kania: eda na qai raica se na yaco vakacava na nona tadra.

21. A sa rogoca ko Rupeni ka vakabulai koya mai na ligadra; ni sa tukuna, Tou kakua ni vakamatea.

22. Sa tukuna talega vei ira ko Rupeni, Dou kakua ni vakadave dra, dou biuti koya ga ki nai keli oqo e na loma ni vanua, mo dou kakua ni yavita; ka me vakabulai koya mai na ligadra; ka vakasuka tale vei tamana.

23. Ia ni sa tadu ko Joseva vei ira na tuakana, era sa luvata tani vei Josefa na nona kote veivolavolai, sa vakote kina ko koya;

24. a ra sa kauti koya ka biuta ki nai keli: a sa di nai keli, sa sega kina na wai.

25. A ra sa tiko sobu me ra kana: a ra sa ta cake, ka rai yani, ka raica, sa dua nai vavakoso vei ira na luve i Isimeli era sa lako mai Kiliati, kei na nodra kameli, era sa kauta na ka boi vinaka, kei na pami, kei na mura, era kauta sobu tiko ki Ijipita.

26. A sa tukuna ko Juta vei ira na veitacini, A cava na kena yaga, kevaka eda vakamatea na tacida, ka vunia na kena dra?

27. tou ia mada ka volitaki koya kivei ira na luve i Isimeli, ia me da kakua ni yavita, ni sa tacida, ka lewe vata. A ra sa vinakata na veitacini.

28. A sa lako voli yani eso na kai Mitiani, na tamata dauveivoli; a ra sa yavi Joseva cake mai nai keli, ka ra volitaki koya vei ira na luve i Isimeli, sa kenai voli e ruasagavulu na tiki ni siliva; a ra sa kauti koya ki Ijipita.

29. A sa lesu ki nai keli ko Rupeni; ka raica, sa sega ni tiko e nai keli ko Joseva; sa qai dresulaka na nonai sulu,

30. ka lesu vei ira na veitacini, ka tukuna, Sa yali na gone; ia koi au, ka置 na lako beka kivei?

31. A ra sa kauta nai sulu i Josefa, ka vakamatea e dua na luve ni me, ka lomoca na kote e na dra;

32. a ra sa vakasuka na kote veivolavolai, ka kauta vei tamadra, a ra sa tukuna, keitou sa kunea oqo: mo kila mada se na kote nei na luvemu se segai.

33. A sa kila ko koya, ka tukuna, A kote nei na luvequ; sa kani koya e dua na manumanu ca; sa dina ga sa dresulaki ko Joseva.

34. A sa dresulaka na nonai sulu ko Jekope, ka vauca nai sulu taqarotu ki na tolona, ka tagicaka na luvena bogi vuqa.

35. A ratou sa ia kece na luvena tagane kei na luvena yalewa kecega, me vakacegui koya; a sa bese ni vakacegui; a sa tukuna, Au na lako sobu ki bulu ki na luvequ ka tagi tiko. A sa tagi tiko e na vukuna ko tamana.

36. A ra sa volitaki koya na kai Mitiani ki Ijipita, kivei Potifa, na matanivua i Fero, ka kavetani ni valu vakatawa.

 

Ah Koy Christian Trust ゥ 2008

 

38 Ko Juta kei Tema

 

1. Ia e na gauna ko ya sa lako sobu tani vei ira na veitacini ko Juta, ka la談i tiko kei na dua na kai Etulama, a yacana ko Ira.

2. A sa kunea maikea ko Juta na luve ni dua na kai Kenani na yalewa, a yacana ko Sua; a sa kauti koya ka la談i moce kaya.

3. A sa kunekune ko koya, ka vakasucuma e dua na luvena tagane; ia ko Juta sa vakayacani koya ko Eri.

4. A sa kunekune tale ko koya, ka vakasucuma na luvena tagane; ia na yalewa sa vakayacani koya ko Onani.

5. A sa vakasucu tale ka sa tagane, ka sa vakayacani koya ko Sela: ia, ni sa vakasucumi koya, sa tiko ko Juta mai Kisipi.

6. A sa kauta ko Juta e dua na yalewa me wati i Eri na nona ulumatua, na yacana ko Tema.

7. A sa tamata ca e na matai Jiova ko Eri na ulumatua i Juta; a sa vakamatea ko Jiova.

8. A sa tukuna vei Onani ko Juta, Mo curu vua na yada nei tuakamu, ka mo drau veiwatini, ka vakatubura na kawa vua na tuakamu.

9. A sa kila ko Onani ni na sega ni nona na kawa; a sa yaco ni sa curu vua na yada nei tuakana, sa qai livia ki na qele, de solia na kawa vua na tuakana.

10. Ia na ka sa cakava ko koya sa ca e na mata i Jiova; a sa vakamatei koya talega.

11. A sa tukuna ko Juta vei Tema na vugona, Mo tiko vakayada ga e na vale nei tamamu, ka me tubu mada ko Sela na luvequ: ni sa tukuna ko koya, De mate talega ko koya, me vakataki rau na tuakana. A sa lako ko Tema ka tiko e na vale i tamana.

12. Ia e na dua na gauna emuri sa mate na luve i Sua ka yalewa; ko koya na wati i Juta, a sa lako cake ki Timinaca vei ira na tamata era kotiva na nona sipi, ko koya kei na nonai tau ko Ira na kai Etulama.

13. A sa tukuni vei Tema, ka vaka, Raica, sa lako cake ki Timinaca na vugomu me kotiva na nona sipi.

14. A sa luvata tani na nona tabui sulu vakayada, ka ubiya na matana e nai sulu ni mata, ka vakaitutuvitaki koya, ka la談i tiko e na matamata ki Eneima e na sala ki Timinaca; ni sa raica ko koya sa levu ko Sela, a sa sega ni musu vua me watina.

15. A sa kunea ko Juta, ka nanumi koya ni yalewa dautagane; ni sa ubiya na matana ko koya.

16. A sa lako vakatikitiki vua e na sala, ka tukuna, Me置 moce vata kei iko, ne; ni sa sega ni kila sa vugona. A sa tukuna ko koya, A cava ko na solia, mo qai moce vata kei au?

17. A sa tukuna, Au na vakauta vei iko e dua na luve ni me mai na qele ni me. A sa tukuna ko koya, ko na solia beka na kenai vakadinadina, ni na kau mai?

18. A sa tukuna, A cava na ka me置 solia vei iko me kenai vakadinadina? A sa tukuna ko koya, A nomu mama, kei na nomu qato, kei na nomui titoko. A sa solia vua ko koya, rau sa qai veimoceri, a sa kunekune vua ko koya.

19. A sa cavu tu ko koya, ka lako yani, a sa luvata tani vua na nonai ubi, ka vakaisulu tale e na nona tabui sulu vakayada.

20. A sa tala na nonai tau na kai Etulama ko Juta me kauta na luve ni me, me kau tale mai nai vakadinadina sa tu vua na yalewa: ka sa sega ni kunei koya.

21. A sa tarogi ira na lewe ni koro ni yalewa ko ya, ka vaka, Sa evei na yalewa dautagane ka tiko e Eneima e na bati ni sala? A ra sa tukuna , Sa sega na yalewa dautagane eke.

22. A sa lesu vei Juta, ka tukuna, Au sa sega ni kunei koya; a ra tukuna talega na tamata e na yasana ko ya, Sa sega na yalewa dautagane eke.

23. A sa tukuna ko Juta, Me kauta mada ko koya , de sa da madua: raica, au a vakauta na luve ni me oqo, ia ko sa sega ni kunei koya.

24. Ia sa oti e tolu na vula, sa qai tukuni vei Juta, ka vaka, Ko Tema na vugomu sa dautagane; ka sa bukete ko koya. A sa tukuna ko Juta, Dou kauti koya mada mai, me mai vakamai.

25. Ia ni sa kau mai ki tautuba, sa talaki vua na vugona, ka tukuna, Au sa bukete vua na tamata sa nona oqo: a sa tukuna ko koya, Mo kila mada se sa nei cei na ka oqo, na mama, kei na qato, kei nai titoko.

26. A sa kila ko Juta, ka tukuna, Sa dodonu cake vei keirau ko koya; ni置 a sega ni soli koya vei Sela na luvequ. A sa sega ni moce vata tale.

27. A sa yaco e na siga sa vakasucu kina, raica, sa drua e ketena.

28. Ia ni sa vakasucu tiko, sa dodoka yani na ligana e dua: a sa taura na yalewa vuku, ka viviga na ligana e na wa kulakula, ka tukuna, Oqo sa liu mai.

29. Ia ni sa vakasuka tale na ligana, raica, sa lako mai na tacina: a sa tukuna na yalewa vuku, A cava ko sa basuka kina e na vukumu? O koya sa vakatokai kina na yacana ko Veresi.

30. Sa oti, sa qai lako mai na tuakana, ko koya ka vivi na ligana e na wa kulakula: a sa vakayacani koya ko Sira.

 

Ah Koy Christian Trust ゥ 2008

 

39 Joseva na bobula e Ijipita

 

1. A sa kau sobu ki Ijipita ko Joseva; ia ko Potifa, na matanivanua i Fero, ka kavetani ni valu i vakatawa, a kai Ijipita, sa voli koya maivei ira na luve i Isimeli, era sa kauti koya sobu kina.

2. A sa tiko kei Joseva ko Jiova, a sa tamata yaco ko koya; a sa tiko e na vale ni nona turaga na kai Ijipita.

3. A sa raica na nona turaga ni sa tiko vata kei koya ko Jiova, ka vakayacora ko Jiova na ka kecega sa cakava ko koya:

4. A sa lomani Joseva, a sa qaravi koya ko Joseva; a sa lesi koya me lewa e nona vale, ka solia ki na ligana na ka kecega sa tu vua.

5. Ia mai na siga sa lesi koya kina me lewa e nona vale, kei na nona ka kecega, sa vakalouvinakataka na nona vale na kai Ijipita ko Jiova e na vuku i Joseva; ia sa vakalouvinakataka ko Jiova na nona ka kecega e vale, kei na were.

6. A sa laiva na nona ka kecega me lewa ko Joseva; ka sega ni kila e dua na ka sa tu vua, na kakana ga sa kania ko koya. A sa yagovinaka ka matavinaka ko Joseva.

7. Sa oti na ka oqo sa dau raici Joseva na wati ni nona turaga; ka tukuna, Me daru moce vata.

8. A sa bese ko koya, ka tukuna vua na wati ni nona turaga, Raica, sa sega ni kila na noqu turaga na ka sa tu vei au e vale, ka sa solia vei au me置 lewa na nona ka kecega;

9. sa sega e dua e loma ni vale oqo me levu cake vei au, a sa sega ni dua na ka sa bureitaka vei au, ko iko duaduaga, ni ko sa watina: au na qai cakava rawa vakaevei na ka ca vakaidina oqo, kai valavala ca vua na Kalou?

10. Ia ni sa vosa tikoga ko Joseva e na veisiga kecega, sa sega ga ni rogoci koya ko koya, me moce vata kaya, se me rau tiko vata kaya.

11. Ia ena dua na siga, sa curu ki vale ko Joseva me kitaka na nonai tavi, ka sega ni tiko kina e dua vei ira na ;lewe-ni-vale.

12. A sa taura ga na nonai sulu, ka tukuna, Me daru moce vata. A sa laiva na nonai sulu ki ligana ko Joseva, ka dro, ka curu ki tuba.

13. Ia ni sa raica ko koya sa biuta tu vua na nonai sulu, ka dro tani,

14. sa qai kaci vei ira na nona lewe-ni-vale, a sa vosa vei ira, ka vaka, Raica, sa kauta mai vei keda ko koya e dua na Iperiu me vakalialiai keda; sa curu mai vei au me keirau moce vata kaya, ia ka置 a kaci e na domo levu.

15. ia ni sa rogoca ko koya ni置 a tabalaka na domoqu, ka kaci, sa qai laiva vei au na nonai sulu, ka dro ka curu yani kituba.

16. A sa taura tiko ko koya na nonai sulu, ka me tale mada mai ki vale na nona turaga.

17. A sa tukutuku vua ko koya vakaoqo, Ko koya na Iperiu, na tamata ko a kauta mai vei keda, sa curu mai vei au me vakalialiai au:

18. A sa yaco ni置 sa tabalaka na domoqu ka kaci, sa qai laiva vei au na nonai sulu, ka dro ki tuba.

19. Ia ni sa rogoca na nona turaga na vosa ni watina, ni sa tukuna, Sa kitaki au vakaoqo na nomu tamata, sa qai cudru vakalevu.

20. A sa tauri Joseva na nona turaga, ka biuta ki na vale ni veivesu, na vale era dau curu kina ko ira na kaivesu nei koya na tui. A sa curu talega kina ko Koya.

21. Ia sa tiko vata kei Joseva ko Jiova, ka vakatakila vua na Nona loloma, ka golea na yalo ni vakatawa ni vale ni veivesu me lomani koya.

22. Ia ko koya nai vakatawa ni vale ni veivesu sa lesi Joseva me lewa na tamata kecega sa vesu tiko e na vale ni veivesu; ia sa vakatau vua na ka kecega era cakava kina.

23. Ai vakatawa ni vale ni veivesu sa sega ni raica e dua na ka sa lewa ko koya, ni sa tiko vata kaya ko Jiova; ka sa vakayacora ko Jiova na ka sa cakava ko koya.

 

Ah Koy Christian Trust ゥ 2008

 

40 Na nodrau Tadra na Kaivesu

 

1. Sa oti na ka oqo, erau sa vakacalaka vua na nodrau turaga na tui Ijipita, ko koya sa daucakava na mena na tui Ijipita, kei koya sa dauvavavi.

2. A sa cudru ko Fero vei rau na nona tamata turaga, na turaga vei ira sa daucaka mena, kei koya sa turaga vei ira sa dauvavavi.

3. A sa sogolati rau e nona vale ni veivesu na kavetani ni valu i vakatawa, na tikina sa vesuki tu kina ko Joseva.

4. Ia na kavetani ni valu i vakatawa sa lesi Joseva me vakatawai rau, a sa qaravi rau ko koya: a rau sa tikotiko ga kina.

5. A rau sa dui tadra koi rau ruarua, e na dua na bogi, na tamata yadua me vaka nai balebale ni nona tadra, ko koya ka daucaka mena, kei koya ka dauvavavi, vua na tui Ijipita, erau sa vesuki e na vale ni veivesu.

6. A sa lako vei rau e na mataka ko Joseva, ka raici rau, ni rau sa mataveveku:

7. a sa tarogi rau na tamata turaga i Fero eratou sa sogolati vata tiko e na vale ni nona turaga, a sa tukuna, A cava drau sa vakaveveku mata kina edaidai?

8. A rau sa tukuna vua, Keirau sa tadrataka na tadra, ka sa sega me vakaibalebaletaka. A sa tukuna vei rau ko Joseva, Sa sega beka ni rawa vua na Kalou me vakaibalebaletaka na ka? Drau tukuna mada mai vei au.

9. A sa tukuna vei Joseva na nona tadra ko koya ka turaga vei ira sa daucaka mena na tui, a sa tukuna vua, E na noqu tadra, raica, sa tu e mataqu e dua na vaini;

10. A sa tolu na tabana: ia ni sa kubu mai, sa seraka na sena, ka vuataka na vua dreu na kenai soso:

11. Ia sa tu e ligaqu na bilo i Fero: ia au a vetia na vua-ni-vaini, ka lobaka ki na bilo i Fero, au a qai solia na bilo ki na liga i Fero.

12. A sa tukuna vua ko Joseva, Oqo na kenai balebale: A tabana e tolu sa bogi e tolu:

13. sa vo ga na bogi tolu, ena qai vueta na ulumu ko Fero, ka vakalesui iko ki na nomui tavi: ia ko na solia tale na bilo i Fero ki na ligana, me vaka nai valavala eliu ni ko a daucaka mena:

14. Ia mo nanumi au ni ko na tiko vinaka, ka lomani au mada, ka tukuni au vei Fero, ka kauti au tani e na vale oqo:

15. Ni sa dina ka置 a butakoci mai na nodra vanua na Iperiu; eke talega, sa sega na ka au sa cakava, me ra biuti au kina ki na vale butobuto.

16. Ia ni sa kila na turaga ni vavavi ni sa vinaka na kenai balebale, sa tukuna vei Joseva, Au a tadra talega ka raica, sa tolu na sova madrai vulavula e uluqu:

17. Ia e na kato sa toka e cake sa tu kina na kakana kecega sa dauvavavi me kei Fero; a ra sa mai kania na manumanu vuka mai na kato, sa tu e uluqu.

18. A sa vosa ko Josefa, ka vaka, Oqo na kenai balebale: Na sova e tolu sa bogi tolu:

19. sa vo ga na bogi tolu, ena qai vueta na ulumu mai delamu ko Fero, ka vakalilici iko e na kau, a ra na kania na lewemu na manumanu vuka.

20. Ia e na kenai katolu ni siga, na siga ni sucu i Fero, sa cakava ko koya e dua na magiti vei ira kecega era qaravi koya: a sa vueta na ulu ni turaga vei ira sa daucaka mena, kei na ulu ni turaga vei ira sa dauvavavi.

21. A sa vakalesuya na turaga vei ira sa daucaka mena ki na nonai tavi; a sa solia tale ko koya na bilo ki na liga i Fero:

22. Ia sa kunati na turaga vei ira sa dauvavavi: me vaka sa vakaibalebaletaka vei rau ko Joseva.

23. Ia na turaga vei ira sa daucaka mena na tui sa sega ni nanumi Joseva, sa guilecavi koya ga.

 

Ah Koy Christian Trust ゥ 2008

 

41 Na Tadra nei Fero

 

1. Ia ni sa oti vinaka e rua na yabaki, sa qai tadra ko Fero; ka raica, sa tu ko koya mai na bati ni uciwai.

2. Ka raica, sa lako cake mai na uciwai e vitu na bulumakau, sa rairai vinaka, ka sa yago vinaka na lewedra; a ra sa kana voli e na veico:

3. Ka raica, sa muri ira cake mai e vitu na bulumakau tani mai na uciwai, sa rairai ca, ka sa suivotu; a ra sa tu vata kei ira na bulumakau e na bati ni uciwai:

4. Ia na bulumakau sa rairai ca ka suivotu, era sa kania na bulumakau e vitu sa rairai vinaka ka yago vinaka. A sa yadra mai ko Fero.

5. A sa moce ka tadra tale: ka raica, sa tubu cake e na dua na tolo ni sila e vitu na kena sola, sa lelevu, ka vinaka:

6. Ka raica, sa vitu na sola ca, ka kana mate e na cagi mai na tokalau, sa tubu emuri:

7. Ia na sola e vitu sa ca sa tiloma na sola e vitu sa lelevu ka vinaka. A sa yadra mai ko Fero, ka raica, sa tadra ga.

8. Ia e na mataka sa kidroa na lomana: a sa talaki me ra kacivi kece mai na dau-caka-mana mai Ijipita, kei na tamata vuku kecega sa tiko kina. Ia sa tukuna vei ira ko Fero na nona tadra, a sa sega me vakaibalebaletaka rawa vei Fero.

9. Sa qai vosa vei Fero ko koya sa turaga vei ira sa daucaka mena, ka vaka, Au sa nanuma edaidai na noqu cala.

10. Sa cudru ko Fero vei rau na nona tamata, ka biuti au me置 sogolati e nona vale na kavetani ni valu i vakatawa, koi keirau kei na nodra turaga na dauvavavi:

11. Ia keirau a tadrataka e dua na tadra e na dua na bogi, koi au kei koya; keirau a tadra yadua me vaka nai balebale ni nona tadra.

12. A sa tiko mai kea e dua na cauravou, na Iperiu, a sa qarava na kavetani ni valu i vakatawa ko koya. Ia keirau a tukuna vua ka sa vakaibalebaletaka ko koya na neirau tadra, sa vakaibalebaletaka vei keirau yadua me vaka na neirau tadra.

13. ia me vaka sa vakaibalebaletaka vei keirau, sa yaco vakakina; sa vakalesui au ko koya ki na noqui tavi, ka sa kunati ko koya ks dua.

14. Sa qai talatala ko Fero me lako mai ko Joseva, a ra sa kauti koya vakusakusa mai na vale butobuto: a sa tasi koya, ka sulumaka nai sulu tani, ka lako kivei Fero.

15. A sa tukuna vei Joseva ko Fero, Au sa tadrataka e dua na tadra, a sa sega me vakaibalebaletaka. Ia au sa rogoca ni ko sa rawata mo vakaibalebaletaka na tadra ko rogoca.

16. A sa vosa vei Fero ko Joseva, ka vaka, Sa sega vei au; ia na Kalou ga ena vosa vinaka vei Fero.

17. A sa tukuna vei Joseva ko Fero, Na noqu tadra oqo, ka置 a tu mai na bati ni uciwai.

18. Ka raica, sa lako cake mai na uciwai e vitu na bulumakau, sa yago vinaka, ka rairai vinaka; a ra sa kana voli ena veico.

19. Ka raica, e vitu na bulumakau tani sa muri ira cake mai, sa suivotu, ka rairai ca sara, ka sega na lewedra; au sa sega ni raica e dua sa ca vakakina ena vanua taucoko ko Ijipita.

20. Ia na bulumakau sa suivotu ka yago ca sa kania na bulumakau e vitu, ka liu mai sa yago vinaka.

21. Ia ni ra sa kania oti, sa dredre ni kilai ni ra kania, ni ra sa rairai ca tu, me vaka eliu. Au a qai yadra.

22. Ia au a qai kunea tale ena noqu tadra, vakasauri, sa tubu e vitu na sola ni sila ena dua na tolona, sa vuai vinaka ka lelevu.

23. Ka raica, sa tubu cake e muri e vitu na sola, sa malai ka lalai, e kana mate ena cagi mai na tokalau.

24. Ia na sola sa lalai sa tiloma na sola vinaka e vitu. Ia au a tukuna na ka oqo vei ira na daucaka-mana, ka sa sega e dua sa vakamacalataka vei au.

25. A sa tukuna vei Fero ko Joseva, A tadra i Fero sa dua ga; sa tukuna vei Fero na Kalou na ka sa voleka ni cakava ko koya.

26. Na bulumakau vinaka e vitu sa yabaki e vitu, kei na sola vinaka e vitu sa yabaki e vitu: sa dua bau ga na tadra.

27. Ia na bulumakau e vitu sa suivotu ka yago ca sa muri ira cake mai sa yabaki e vitu, kei na sola e vitu sa lala e kana mate ena cagi mai na tokalau ena yabaki dausiga e vitu.

28. Oqo na ka au sa tukuna vei Fero. Na Kalou sa vakatakila vei Fero na veika e sa vakarau me cakava.

29. Raica ena lako mai e vitu na yabaki vakalewe sara ena vanua taucoko ko Ijipita;

30. Ia ena qai yaco emuri e vitu na yabaki dausiga, ia na sautu kece ena guileca ena vanua ko Ijipita; ni na kania na vanua na dausiga.

31. Ia ena sega ni kilai na sautu kece ena vanua ena vuku ni dausiga ko ya sa muri mai, ni na ka rerevaki sara.

32. Ia ni sa vakarua vei Fero na tadra, sa ka ni sa vakataudeitaka na Kalou, ia sa na sega ni dede ena qai vakayacora na Kalou.

33. O koya oqo me qara mada ko Fero e dua na tamata yalomatua ka vuku, ka lesia me lewa na vanua ko Ijipita.

34. Me lesia ko Fero eso na matanivanua me lewa na vanua, ka kumuna na i kalima ena vanua ko Ijipita ena veiyabaki vakalewe e vitu.

35. Ia me ra kumuna vata na kakana kecega ena veiyabaki vinaka sa bera mai, ka binia na sila me lewa ko Fero, ka me ra maroroya talega na kakana ena veikoro.

36. Ia na kakana ko ya ena maninitaki me kena na vanua ena veiyabaki dausiga e vitu ena yaco ena vanua ko Ijipita, ka me kakua ni kawaboko na vanua ena dausiga.

 

Sa cabeta ko Joseva nai Tutu ni Qaqa

37. A sa vinaka vei Fero na ka oqo ki vei ira kece talega na nona tamata.

38. A sa tukuna vei ira na nona tamata ko Fero, Eda na kunea li e dua vakaoqo, a tamata sa tiko vua na Yalo ni Kalou?

39. A sa tukuna vei Joseva ko Fero, Ni sa vakatakila vei iko na Kalou na ka kecega oqo, sa sega e dua sa yalomatua ka vuku me vakataki iko.

40. Ko na turaga e na noqu vale, ia ko ira na noqu tamata kecega era na vakarorogo kina nomu vosa: enai tikotiko-vakaturaga duaduaga ka置 na levu cake kina vei iko.

41. Sa tukuna tale vei Joseva ko Fero, Raica ka置 sa lesi iko mo lewa na vanua taucoko ko Ijipita.

42. A sa luvata na nona mama ko Fero mai na ligana, ka daramaka ki na liga i Joseva, ka vakaisulutaki koya ena lineni matailalai, ka vakataubena ena sinucodo koula;

43. A sa vakavodoki koya ki nai karua ni nona qiqi vakaturaga a ra sa kacivaka voli e matana, Mai cuva mada: a sa lesi koya me lewa na vanua taucoko ko Ijipita.

44. A sa tukuna vei Joseva ko Fero, Koi au ko Fero, ia ena sega na tamata me yavalata na ligana se na yavana ena vanua taucoko ko Ijipita, kevaka ko sa sega ni lewa mada kina.

45. A sa vakayacani Joseva ko Fero, me Savenaca-panea; a sa soli Asenaca vua me watina, ko koya na luve i Poti-fera na bete mai Oni. A sa lako voli yani ko Joseva ki na veiyasana kecega mai Ijipita.

46. A sa tolusagavulu na yabaki i Josefa ni sa tu ena mata i Fero na tui Ijipita. A sa lako tani ena mata i Fero ko Joseva, ka lako voli yani ena veiyasana kecega mai Ijipita.

47. Ia ena yabaki vakalewe e vitu sa vua vinaka ka vakalevu sara na vanua.

48. A sa kumuna vata na kakana kecega ena yabaki e vitu, sa tu ena vanua ko Ijipita, ka binia na kakana ena veikoro: na kakana ni veiwere sa volita e dua na koro, sa binia ko koya ena koro koya.

49. A sa binia na sila ko Josefa me vaka na nuku mai matasawa, na ka levu sara, ka

qai sega ni wilika tiko; ni sa sega ni wili rawa.

50. A sa sucu e le rua na luve i Josefa erau tagane ni se bera na veiyabaki ni dausiga, sa vakasucuma ko Asenaca, na luvei Poti-fera na bete mai Oni.

51. A sa vakatoka ko Joseva na yaca ni ulumatua ko Manasa ; ka tukuna, Ni sa vakayacora na Kalou me置 guilecava na noqu oca kecega, kei na lewe-ni-vale kece i tamaqu.

52. A sa vakayacana nai karua ko Ifireimi; ka tukuna, Ni sa vakayacora na Kalou me置 vakaluveni ena vanua ni noqu rarawa.

53. A sa oti na yabaki vakalewe e vitu ena vanua ko Ijipita.

54. A sa vakatekivu na veiyabaki dausiga, ia sa tiko na kakana ena vanua taucoko ko Ijipita.

55. Ia ni sa viakana sara na vanua taucoko ko Ijipita, era sa qai tagi vei Fero na tamata me soli kedra: a sa tukuna vei ira na kai Ijipita kecega ko Fero, Dou lako vei Joseva; ia na ka sa tukuna vei kemudou, dou cakava.

56. A sa tiko na dausiga ena vanua taucoko: a sa dolava na lololo kecega ko Joseva, ka volitaki sila vei ira na kai Ijipita; a sa gumatua mai na dausiga ena vanua ko Ijipita.

57. A sa lako mai ki Ijipita vei Joseva na lewe ni veivanua kecega me voli sila; ni sa gumatua na dausiga ena veivanua kecega.

 

Ah Koy Christian Trust ゥ 2008

 

42 Eratou sa lako ki Ijipita na tuakai Joseva

 

1. Ni sa kila ko Jekope sa tiko na sila mai Ijipita, sa tukuna ko Jekope vei ira na luvena, A cava dou sa veiraici tu kina?

2. Sa tukuna talega ko koya, Raica, ka置 sa rogoca sa tiko na sila mai Ijipita; dou lako sobu kina, ka volia maikea na keda, me da bula ga ka sega ni mate.

3. A ra sa lako sobu na tuakai Joseva e le tini, me voli sila mai Ijipita.

4. Ia ko Penijamini, na taci i Joseva, sa sega ni tala vata kei ira na tuakana ko Jekope; ni sa tukuna ko koya, De yacovi koya e dua na ca.

5. A ra sa la談i volivoli vata na luve i Isireli kei ira na tani eso, ni sa dausiga na vanua ko Kenani.

6. Ia ko Joseva sa lewa na vanua, ia sai koya ga sa volitaki sila vei ira kecega na lewe ni vanua. A ra sa lako mai na tuakai Joseva, ka cuva vua ki na qele.

7. A sa raici ira na tuakana ko Joseva, a sa kilai ira, ka sa vakalecalecavi koya vei ira, ka vosa vakaukauwa vei ira; ka tukuna vei ira, Dou sa lako mai vei? A ra sa tukuna, Mai na vanua ko Kenani, me voli kakana.

8. A sa kilai ira na tuakana ko Joseva, a ra sa sega ni kilai koya.

9. A sa nanuma ko Joseva na tadra ka tadrataki ira kina ko koya, a sa tukuna vei ira, dou sa mai yamata; dou sa lako mai mo dou raica na kena sega ni vakarau tu ni vanua.

10. A ra sa tukuna vua, E segai, noqu turaga; keitou sa lako ga mai na nomuni tamata me voli kakana ga:

11. koi keitou kece na luvena e le dua ga na tamata; keitou sa dina; keitou sa sega ni yamata na nomuni tamata.

12. E segai; dou sa lako ga mai mo dou raica na kena sega ni vakarau tu ni vanua.

13. A ra sa tukuna, A nomuni tamata, keitou lewe tinikarua na veitacini; keitou na luvena le dua na tamata mai na vanua ko Kenani: ka raica, ko koya sa gone sa tiko edaidai kei na tama i keitou, ka dua sa yali.

14. A sa tukuna vei ira ko Joseva, Sai koya ga ka置 a vosa kina vei kemudou, kemudou na yamata!

15. na ka ga oqo e na kilai kina na nomudou dina: Me vaka sa bula ko Fero, dou na sega ni lako tani eke, kevaka sa sega ni lako mai ki ke na tacimudou sa gone:

16. Dou tala mada e dua vei kemudou, me kauta mai na tacimudou, ia koi kemudou, dou na vesu, me kilai kina se dina na nomudou vosa, se segai: ia kevaka e segai, me vaka sa bula ko Fero, sa qai macala dou sa mai yamata.

17. A sa biuti ira vata me ra vakatawai mada me bogi tolu.

18. Ia e na bogi tolu, sa qai tukuna vei ira ko Joseva, dou kitaka na ka oqo, mo dou bula kina, au sa rerevaka na Kalou:

19. Kevaka dou sa dina, me dua vei kemudou na veitacini me vesuki tiko e na vale dou sa sogolati kina: ia koi kemudou, dou la談i kauta na sila ni sa dausiga na nomudou lewe ni veivale:

20. ia dou kauta ga mai vei au na tacimudou sa gone; e na qai vakadinadinataki na nomudou vosa, ia dou na sega ni mate. A ra sa kitaka vakakina.

21. A ra sa veikayaka vakai ira, Eda sa cala vakaidina e na vuku ni tacida, ni da a raica na rarawa ni yalona, ni sa vakamasuti keda, ia eda a sega ni vakarogoci koya; o koya oqo sa yacovi keda kina na rarawa oqo.

22. A sa vosa vei ira ko Rupeni, ka vaka, Au a sega beka ni vosa vei kemudou, ka vaka, Dou kakua ni caka ca vua na gone? Ia dou a sega ni rogoca: raica, sa tarogi talega kina na kena dra.

23. A ra sa sega ni kila sa macala vei Joseva; ni sa tiko vei ira na tamata sa lave vosa vua.

24. A sa lako tani ko koya, ka tagi; a sa lesu vei ira, ka veivosaki kei ira, a sa kauti Simione, ka vesuka e matadra.

 

A ratou sa lesu ki Kenani na Veitacini

25. A sa vakarota ko Joseva me vakasinaiti na nodra taga e na sila, ka me vakasukai na nonai lavo na tamata yadua ki na nona taga, ka me soli vei ira nai vaqa e gaunisala: a sa cakava vakaoqo vei ira ko koya.

26. A ra sa vakavodoka na nodra sila ki na nodra asa, ka lako tani maikea.

27. Ia e dua e sereka na nona taga e na bure me vakania na nona asa, sa kunea na nonai lavo; ke raica, ni sa tiko e na gusu ni nona taga.

28. A sa tukuna vei ira na veitacini, A noqui lavo sa vakasukai; ka sa tiko e na gusu ni noqu taga. A sa waicala na yalodra, a ra sa rere vata, ka tukuna, A ka cava oqo sa cakava vei keda na Kalou?

29. A ra sa lako mai vei Jekope na tamadra ki na vanua ko Kenani, ka tukuna vua na ka kecega sa yacovi ira: ka vaka,

30. Ko koya na tamata sa turaga ni vanua, sa vosa vakaukauwa vei keitou, ka tukuna ni keitou sa vakaraica vakaca na vanua:

31. ia keitou a tukuna vua, Keitou sa dina; keitou sa sega ni yamata:

32. koi keitou na veitacini e lewe tinikarua, na luvena na tama i keitou: e dua sa yali, ia ko koya ka gone sa tiko edaidai kei na tama i keitou, e na vanua ko Kenani.

33. A sa tukuna vei keitou na tamata, ko koya sa turaga ni vanua, A ka oqo ka置 na kila kina ni dou sa dina ; dou laiva e dua vei kemudou na veitacini me tiko kei au, ia koi kemudou, dou kauta na kedra na nomudou lewe ni veivale era dausiga, dou qai lako:

34. ia dou kauti koya mai na tacimudou sa gone: au na qai kila ni dou sa sega ni yamata, ni dou sa dina ga: au na qai solia vei kemudou na tacimudou, ia dou na qai mai dauveivoli e na vanua.

35. Ia ni ra sa sova na nodra taga, raica, sa tiko na nonai oloolo i lavo na tamata yadua e na nona taga: ia ni ra sa raica vata kei tamadra nai oloolo lavo, era sa rere.

36. A sa tukuna vei ira ko Jekope na tamadra, Dou sa vakayalia vei au na luvequ: sa yali ko Joseva, ka sa yali ko Simione, ia dou na kauti Penijamini talega: sa luvuca na lomaqu na ka kecega oqo.

37. A sa vosa vei tamana ko Rupeni, ka vaka, Mo vakamatei rau na luvequ, kevaka me置 na sega ni kauti koya tale mai vei iko: mo laiva vei au, ka置 na kauti koya tale mai vei iko.

38. A sa tukuna ko koya, E na sega ni lako sobu kei kemudou na luvequ; ni sa mate na tuakana, a sa vo duaduaga ko koya: kevaka sa yacovi koya na ca e na sala dou sa lako kina, dou na qai vakavuna me lako sobu ki na bulu na uluqu sikoa ena rarawa.

 

Ah Koy Christian Trust ゥ 2008

 

43 Eratou sa lesu mai na tuakai Joseva vata kei Penijamini

 

1. A sa ka levu na dausiga e na vanua.

2. Ia ni ra sa kania oti na sila era a kauta mai Ijipita, sa qai vosa vei ira ko tamadra, Dou lako tale, volia vakalailai na keda kakana.

3. A sa vosa vua ko Juta, ka vaka, Sa vakadinadina sara vei keda na tamata, ka vaka, Dou na sega ni raica tale na mataqu, kevaka sa sega ni tiko kei kemudou na tacimudou.

4. Kevaka ko na tala vata kei keitou na taci i keitou, keitou na qai lako sobu ka volia na kemu:

5. ia kevaka ko na sega ni tala, keitou na sega ni lako sobu: ni sa tukuna vei keitou na tamata, Dou na sega ni raica tale na mataqu, kevaka sa sega ni tiko kei kemudou na tacimudou.

6. A sa tukuna ko Isireli, A cava dou a sega ni lomani au kina, ni dou a tukuna vua na tamata sa dua tale na tacimudou?

7. A ra sa tukuna, Sa tarogi keitou matua na tamata se keitou vakaevei, kei ira na weka i keitou, ka vaka, Sa bula tiko li na tamamudou? Sa dua li na tacimudou? Ia keitou a tukuna vua me vaka na nona taro: keitou a kila vakacava ni na tukuna, Dou kauta sobu mai na tacimudou?

8. A sa tukuna ko Juta vei Isireli na tamana, Mo talai keirau vata kei na gone, keitou na qai cavu tu ka lako; me da bula kina, ka sega ni mate, koi keitou, kei iko, kei ira talega na noda lalai:

9. Koi au ga me置 tarogi e na vukuna ke sa yali; mo tarogi au e na vukuna: kevaka au sa sega ni kauti koya tale mai vei iko, ka vakatura e matamu, me qai baleti au ka sega ni mudu:

10. kevaka keitou a sega ni vakaberabera, keitou sa tale vakarua oqo.

11. A sa tukuna vei ira ko Isireli na tamadra, Kevaka sa vakaoqo, dou cakava mada na ka oqo; dou kauta e na nomudou taga eso na vuata ni vanua oqo ka vinaka cake, ka kauta sobu me ka ni loloma vua na tamata, e dua na pami lailai, ka dua na oni lailai, na ka boi vinaka, kei na mura, na ivi, kei na amodi:

12. ka kauta na i lavo me rauta vakarua: kei nai lavo sa kau tale mai e na gusu ni nomudou taga, dou kauta tale; de sa ia cala ga;

13. dou kauta talega na tacimudou, ka ia, ka lako tale vua na tamata:

14. ia na Kalou Kaukauwa, me vakayacora mo dou lomani mai vua na tamata, ka me sereki koya mai na tacimudou kadua, kei Penijamini: ia koi au, kevaka sa yali vei au na luvequ, au sa rarawa dina ga.

15. A ra sa kauta na ka ni loloma ko ya ko ira na tamata, a ra sa kauta nai lavo me rauta vakarua, kei Penijamini; ka ia, ka lako sobu ki Ijipita, ka tu e na mata i Joseva.

16. Ia ni sa raici Penijamini kei iratou ko Joseva, sa tukuna vua sa lewa na nona vale, Mo kauti ira na tamata oqo ki vale, ka vakamate manumanu, ka vakarau; ni ra na vakasigalevu vata kei au ko ira.

17. A sa kitaka na tamata ko ya me vaka ka tukuna ko Joseva; a sa kauti ira na tamata ki na vale i Joseva.

18. A ra sa rere na tamata, ni ra sa kau ki na vale i Joseva; a ra sa tukuna, E na vuku ni lavo ka vakasukai eliu e na noda taga eda sa kau kina, me beitaki keda kina, ka tauri keda, ka vakabobulataki keda, kei na noda asa.

19. A ra sa toro vua na tamata ka lewa na vale i Joseva; a ra sa veivosaki kaya mai katuba ni vale,

20. a ra sa tukuna vua, Kemuni na turaga, keitou a lako dina mai eliu me voli kakana:

21. ia ni keitou a yaco ki na dua na bure, keitou sa qai sereka na neitou taga, ka raica, sa tiko na nonai lavo na tamata yadua e na gusu ni nona taga, ia na neitoui lavo kece sara: ia keitou sa kauta tale mai oqo:

22. kei nai lavo tani keitou sa kauta sobu mai oqo, me keitou voli kakana: keitou sa sega ni kila se ko cei sa viritaka na neitoui lavo kina neitou taga.

23. A sa tukuna vei ira ko koya, Dou vakacegu ga, kakua ni rere: a nomudou Kalou, ko koya sa nona Kalou talega na tamamudou, sa solia vei kemudou nai yau e na nomudou taga: au a taura na nomudoui lavo. A sa kauti Simione mai kitautuba kivei ira.

24. Ia na tamata ko ya sa kauti ira na tamata ki na vale i Joseva, ka solia na wai, a ra sa vuya na yavadra; a sa vakania ko koya na nodra asa.

25. A ra sa vakarautaka na ka ni loloma ka waraki Joseva me lako mai e na siga levu: ni ra sa rogoca era na kana e kea.

26. Ia ni sa lako mai ki vale ko Joseva, era sa kauta vua na ka ni loloma sa tu vei ira, a ra sa cuva vua ki na qele.

27. A sa tarogi ira se ra vinaka tiko, ka sa tukuna, Sa vinaka tiko na tamamudou, ko koya na qase dou a vosa kina? Sa bula tiko, se segai?

28. A ra sa tukuna, Na nomuni tamata na tama i keitou sa vinaka ga, sa bula tiko. A ra sa vakarokoroko, ka cuva.

29. A sa ta cake, ka raici Penijamini na tacina, na luve i tinana, a sa tukuna, Oqo beka na tacimudou sa gone, ko koya dou a vosa kina vei au? Sa tukuna talega, Me yaloloma na Kalou kivei iko, na luvequ.

30. Ia sa yavala na yalona e na loloma vua na tacina, ka sa kusarawa ko Joseva: ka sa qara na tikina me tagi kina; a sa curuma na nona vale ni moce, ka tagi kina.

31. Sa qai tavoya na matana, ka curu yani, ka kinoci koya, ka tukuna, Dou tauca mai na magiti.

32. A ra tauca vei koya, vei ira talega vakai ira, vei ira talega na kai Ijipita kei ira na Iperiu; ni sa ka vakasisila oqori vei ira na kai Ijipita.

33. A ra sa tiko e matana, sa tiko eliu ko koya sa gone: a ra sa kurabui vakai ira ko ira na tamata.

34. A sa kau yani mai vua na kedrai votavota: ia nai votavota kei Penijamini sa levu cake, ka vakalima, e na kedra yadua. A ra sa gunu vata kaya, ka ra marau.

 

Ah Koy Christian Trust ゥ 2008

 

44 Na Bilo nei Joseva

 

1. A sa vakarota na tamata ka lewa na nona vale ko Joseva, ka vaka, Mo vakasinaita na nodra taga na tamata e na kakana, me vaka na ka era kauta rawa, ka viritaka na nonai lavo na tamata yadua ki na gusu ni nona taga.

2. Kei na mequ bilo, na bilo siliva, mo viritaka ki na gusu ni nona taga sa gone, kei nai lavo ni nona sila. A sa cakava ko koya me vaka sa tukuna ko Josefa.

3. Ni sa kida na mataka, era sa talai yani na tamata, kei na nodra asa.

4. Ni ra sa lako tani e na koro, ka sega ni vakayawa, sa tukuna ko Joseva vua na tamata ka lewa na nona vale, Mo ia, mo muri ira na tamata; ia ni ko sa vauci ira, mo qai tukuna vei ira, A cava dou sa sauma kina na vinaka e na ca?

5. Sa sega beka ni bilo oqo sa gunu mai-kina na noqu turaga, kei na ka sa kila-ka kina? Dou sa caka ca e na ka dou sa cakava.

6. A sa vauci ira ko koya, ka vosataka vei ira na vosa oqo.

7. A ra sa tukuna vua, A cava sa vosataka kina na noqu turaga na vosa vakaoqo? Me yawa sara vei ira na nomuni tamata me kitaka na ka vakaoqori:

8. raica, nai lavo keitou a kunea e na gusu ni neitou taga, keitou a kauta tale mai vei kemuni mai na vanua ko Kenani: keitou na butakoca vakacava na siliva se na koula mai na vale ni nomuni turaga?

9. Ko koya vei keitou na nomuni tamata sa kune vua, me mate ko koya; ia koi keitou, keitou na nona bobula na noqu turaga.

10. A sa tukuna ko koya, Me vaka mada ga na nomudou vosa: ko koya sa kune vua e na noqu bobula; ia koi kemudou, dou na sega ni cala.

11. A sa vakasaqara ko koya, sa vakatekivu vua sa qase, ka vakaotia vei koya sa gone: a sa kune na bilo e na taga i Penijamini.

13. A ra dresuka na nodrai sulu, ka vakavodoka na tamata yadua na nona taga ki na nona asa, ka lesu ki na koro.

14. A ra sa lako mai ko Juta kei na veitacini ki na vale i Joseva; ni sa tikotiko ga kina ko koya: a ra sa cuva ki na soso e matana.

15. A sa tukuna vei ira ko Joseva, A cakacaka cava oqo dou sa cakava? Dou sa lecava beka ni sa rawarawa sara ki na tamata vakataki au me置 kila-ka?

16. A sa tukuna ko Juta, A cava keitou na tukuna vua na noqu turaga? A cava me keitou vosataka? Se keitou na vakadonui keitou vakacava? Sa kunea na Kalou na neitou cala na nomuni tamata: raica, koi keitou sa nona bobula na noqu turaga, koi keitou, kei koya sa kune vua na bilo.

17. A sa tukuna ko koya, Me yawa sara vei au me置 cakacaka vakaoqori: a tamata sa kune vua na bilo, ko koya ga ena noqu bobula; ia koi kemudou, dou lako vakacegu vua na tamamudou.

 

Sa vakamamasu ko Juta e na vuku i Penijamini

18. Sa qai toro vua ko Juta, ka tukuna, Kemuni na noqu turaga, ni vosota mada na nomuni tamata me置 vosataka e dua na vosa e daligamuni na noqu turaga, ia me kakua ni waqa na nomuni cudru vei au na nomuni tamata: ni kemuni sa vakataki Fero.

19. A noqu turaga sa tarogi keitou na nona tamata eliu, ka vaka, Sa dua li na tamamudou, se na tacimudou?

20. Ia keitou a tukuna vei kemuni na noqu turaga, Sa dua na tama i keitou, a qase, a sa dua na luvena ni sa qase, a gone ga; a sa mate na tuakana, ia sa vo duaduaga ko koya na luve i tinana, a sa lomani koya ko tamana.

21. Ia ko a tukuna vei keitou na nomuni tamata, Dou kauti koya sobu mai vei au, me raici koya na mataqu.

22. Ia keitou a tukuna vei kemuni na noqu turaga, Edredre ni lako tani vei tamana na gone: ni na mate ko tamana, kevaka sa lako tani vua.

23. Ko ni sa qai tukuna vei keitou na nomuni tamata, Kevaka sa sega ni lako sobu mai kei kemudou na tacimudou sa gone, dou na sega ni raica tale na mataqu.

24. Ia keitou a lako vua na nomuni tamata na tamaqu, keitou sa qai tukuna vua na nomuni vosa na noqu turaga.

25. A sa tukuna na tama i keitou, Dou lako tale, volia vakalailai na keda.

26. Keitou sa qai vaka, E dredre ni keitou lako sobu; kevaka ena lako kei keitou na taci keitou sa gone, keitou na qai lako sobu: ni sa tabu ni keitou raica na matana na tamata, kevaka sa sega ni tiko kei keitou na taci i keitou sa gone.

27. A sa tukuna vei keitou na nomuni tamata na tamaqu, Dou sa kila ni a vakasucuma vei au na watiqu e le rua:

28. E dua sa lako tani vei au, ka置 a tukuna, Sa dresulaki vakaidina ko koya; ia au sa sega ni raica ka yacova na gauna oqo:

29. Ia kevaka dou kauta tale yani vei au oqo, a sa yacovi koya na ca, dou na qai vakarau me lako sobu ki bulu na uluqu sa sikoa ena rarawa..

30. Ia ni置 sa lako vua na nomuni tamata na tamaqu, ka sa sega ni tiko kei keitou na gone; ka ni sa vauci vata na nodrau bula;

31. Ena yaco, ni sa raica sa yali na gone, ena qai ciba ko koya: ia ena vakayacora kina koi keitou na nomuni tamata na uluna sa sikoa na nomuni tamata na tama i keitou ki nai bulubulu e na rarawa.

32. ni sai au na nomuni tamata e na taroga na tamaqu e na vuku ni gone ke sa yali, ni置 sa tukuna vua, Kevaka au sa sega ni kauti koya tale mai vei iko, mo qai beitaki au kina na tamaqu, ka tawa mudu.

33. Ia oqo, me置 tiko mada na nomuni tamata mei sosomi ni gone, me置 nomu bobula na noqu turaga; ia me lako cake na gone kei ira na tuakana.

34. Ni置 na lako cake vakacava vei tamaqu, ni sa sega ni tiko kei au na gone? De置 raica na ka ca ena yacovi koya na tamaqu.

 

Ah Koy Christian Trust ゥ 2008

 

45 Sa vakatakilai koya ko Joseva vei ira na veitacini

 

1. Sa qai sega ni kinoci koya rawa tiko ko Joseva e na matadra era tu vata kaya; a sa kaci, Me ra lako tani vei au ki tuba na tamata kecega. A sa sega e dua sa tiko vata kaya, ni sa tukuni koya ko Joseva vei ira na veitacini.

2. A sa tabalaka na tagi ko koya: a ra sa rogoca na kai Ijipita, ka sa rogoca na lewe-ni-vale i Fero.

3. A sa tukuna ko Joseva vei ira na veitacini, Koi au ko Joseva; velavela! Sa bula tiko ko tamaqu? A ra sa sega ni vosa rawa vua na tuakana; ni ra sa taqaya e matana.

4. A sa tukuna vei ira na veitacini ko Joseva, Dou toro mada mai vei au. A ra sa toro vua: A sa tukuna ko koya, koi au ko Joseva na tacimudou, ko koya dou a volitaka ki Ijipita:

5. ia oqo, mo dou kakua ni rarawa, se veicudruvi vakai kemudou, ni dou a volitaki au ki ke: ni sa talai au na Kalou me置 liutaki kemudou, me ia na veivakabulai:

6. ni sa qai yabaki rua, sa dausiga kina na vanua; a sa vo e lima na yabaki, ena sega kina na laulau se na tamusuki sila:

7. A sa talai au na Kalou me置 liutaki kemudou, me maroroi na nomudou kawa e vuravura, ka me vakabulai kemudou e na veivakabulai levu:

8. ia oqo, dou sa sega ni talai au mai ki ke, na Kalou ga: a sa qisi au ko koya me置 tama i Fero, ka me置 turaga vei ira kecega na nona lewe-ni-vale, ka lewa e na vanua taucoko ko Ijipita.

9. Dou kusarawa, ka lako cake vei tamaqu, ka tukuna vua, Sa vosa vakaoqo ko Joseva na luvemu, Sa qisi au na Kalou me置 turaga mai Ijipita taucoko; mo lako sobu mai vei au, mo kakua ni berabera:

10. ia ko na tiko mai na vanua ko Koseni, mo voleka kina vei au, ko iko , kei ira na luvemu, kei na mokubumu, kei na nomu qele ni sipi, kei na nomu qele ni bulumakau, kei na nomu ka kecega:

11. ka置 na vakani iko maikea, de ko dravudravua mai, kei na nomu lewe-ni-vale, kei na nomu ka kecega; ni sa vo e lima na yabaki ni dausiga.

12. Ka raica, sa kunea na matamudou, kei na mata i Penijamini na taciqu, ni sa gusuqu ga sa vosa vei kemudou:

13. Ia dou tukuna vua na tamaqu na noqu lagilagi kecega e Ijipita, kei na kecega dou sa raica; ia dou kusarawa, ka kauta sobu mai ki ke na tamaqu.

14. A sa mokoti Penijamini na tacina, ka tagi; a sa tagi talega ko Penijamini.

15. A sa reguci ira na tuakana kecega, ka tagicaki ira, ka sa oti, era sa qai veivosaki kaya na veituakani.

16. A sa rogo ki na vale i Fero na kenai rogorogo, ka sa kainaki, Era sa lako mai na tuakai i Joseva: a sa vinaka vei Fero, kei ira na nona tamata.

17. A sa tukuna vei Joseva ko Fero, Mo tukuna vei ira na wekamu, Mo dou kitaka oqo: dou vakavodoka na ka ki na nomudou manumanu, ka lako ki na vanua ko Kenani;

18. ka kauti koya na tamamudou, kei na nomudou lewe ni veivale, ka lako mai vei au: au na solia vei kemudou na vinaka ni vanua ko Ijipita, ia dou na kania na vinaka ni kena vanua:

19. sa qai tau vei kemudou nai vakaro, dou cakava ga; dou kauta vei kemudou eso na qiqi-ni-tamata mai na vanua ko Ijipita, e na vukudra na nomudou lalai, kei na watimudou, ka kauti koya mai na tamamudou, ka lako mai:

20. Ia dou kakua ni nanuma na nomudoui yaya; ni na nomudou na ka vinaka taucoko e Ijipita.

21. A ra kitaka vakakina na luve i Isireli: a sa solia vei ira eso na qiqi-ni-tamata ko Joseva, me vaka na vosa i Fero, ka solia vei ira nai vaqa ni gau-ni-sala.

22. Sa solia ko koya vei ira kecega na tamata yadua nai sulu me rauta vakarua; ia sa solia ko koya vei Penijamini e tolu na drau na tiki ni siliva, kei nai sulu me rauta vakalima.

23. Ia vei tamana sa vakauta na ka oqo; e tini na asa sa colata eso na ka vinaka mai Ijipita, ka tini na asa yalewa sa colata na sila kei na madrai kei na kakana me kei tamana e gau-ni-sala.

24. A sa talai ira yani na veitacini, a ra sa lako: a sa tukuna vei ira ko koya, Dou kakua ni veicudruvi e gaunisala.

25. A ra sa lako cake mai Ijipita, ka yaco ki na vanua ko Kenani kivei Jekope na tamadra,

26. ka tukuna vua, ka vaka, Sa bula tiko ko Joseva, a sa lewa ko koya na vanua taucoko ko Ijipita. A sa luvu na lomana, ni sa sega ni vakadinati ira.

27. A ra sa tukuna vua na vosa kecega i Joseva, ka vosataka vei ira: ia ni sa raica ko koya na veiqiqi-ni-tamata sa vakatala ko Joseva me kauti koya, sa qai bula tale mai na yalo i Jekope na tamadra:

28. a sa tukuna ko Isireli, Sa levu; sa bula tiko ko Joseva na luvequ: au na la談i raici koya ni置 sa bula tiko.

 

Ah Koy Christian Trust ゥ 2008

 

46 Na lako sobu nei Jekope ki Ijipita

 

1. A sa lako ko Isireli kei na nona kecega, ka yaco ki Pieri-sepa, a sa vakacabora nai soro vua na Kalou i Aisake na tamana.

2. A sa vosa vei Isireli na Kalou, e na raivotu e na bogi, ka vaka, I Jekope, I Jekope! A sa tukuna ko koya, Koi au saka oqo.

3. A sa tukuna, Koi au na Kalou, na Kalou i tamamu: kakua ni ko rere ni lako sobu ki Ijipita; ni置 na vakamatanitulevutaki iko maikina.

4. au na lako sobu kei iko ki Ijipita; ia ka置 na kauti iko cake tale vakaidina: ia e na tabaka na matamu ko Josefa e na ligana.

5. A sa cavu tu mai Pieri-sepa ko Jekope: ia ko ira na luve i Isireli, era sa kauti Jekope na tamadra, kei na nodra lalai, kei na watidra, e na veiqiqi-ni-tamata ka vakatala ko Fero me kauti koya.

6. A ra sa kauta na nodra manumanu, kei na nodrai yau, era a rawata e na vanua ko Kenani, a ra sa lako ki Ijipita, ko Jekope, kei ira kece vata kaya na nona kawa:

7. a luvena tagane, kei na makubuna tagane; na luvena yalewa, kei ira na makubuna yalewa, kei na nona kawa kecega, sa kauta vata kaya ki Ijipita.

8. Ia oqo na yacadra n luve i Isireli era sa lako ki Ijipita, ko Jekope kei na luvena: ko Rupeni, na ulumatua i Jekope.

9. Ia na luve i Rupeni eratou tagane; ko Enoke, kei Palu, kei Esironi, kei Kami.

10. Ia na luve i Simione eratou tagane; ko Jemueli, kei Jamini, kei Oati, kei Jakini, kei Soari, kei Saula, na luvena e dua na yalewa ni Kenani.

11. Ia na luvei Livai eratou tagane; ko Keresoni, ko Koaca, kei Merari.

12. Ia na luve i Juta eratou tagane; ko Eri, kei Onani, kei Sela, ko Veresi, kei Sera; ia ko Eri kei Onani erau a mate e na vanua ko Kenani: ia na luve i Veresi erau tagane; ko Esironi, kei Emuli.

13. Ia na luve i Isakari eratou tagane; ko Tola, kei Fuva, kei Jopi, kei Simironi.

14. Ia na luve i Sepuloni eratou tagane; ko Sereti, kei Eloni, kei Jalieli.

15. Ko ira na tagane oqo na luve i Lia, ka vakasucuma vei Jekope mai Petani-erama, kei Taina na luvena yalewa: ko ira kece vata na luvena tagane kei na luvena yalewa, era lewe tolusagavulu ka tolu.

16. Ia na luve i Kata eratou tagane; ko Sifioni, ko Aki, ko Suni, kei Esiponi, ko Eri kei Eroti, kei Areli.

17. Ia na luve i Aseri eratou tagane; ko Imina, kei Isiva, kei Isivi, kei Piria, kei Sera na ganedratou: ia na luve i Piria erau tagane, ko Eperi, kei Malikieli.

18. Ko ira na tagane oqo na luve i Silipa, ko koya ka solia ko Lepani vei Lia na luvena yalewa: ia ko ira oqo sa vakasucuma ko koya vei Jekope, era lewe tinikaono.

19. Na luve i Rejeli, na wati i Jekope: ko Joseva kei Penijamini.

20. Ia na luve i Joseva sa sucu e na vanua ko Ijipita, ko Manasa kei Ifereimi, koi rau ka vakasucuma ko Asenaca na luve i Poti-fera na bete mai Oni.

21. Ia na luve i Penijamini eratou tagane; ko Pela, kei Pekeri, kei Asipeli, ko Kira, kei Neamani, ko Ei, kei Rosi, ko Mupimi, kei Upimi, kei Ariti.

22. Ko ira na tagane oqo era luve i Rejeli, ko ira sa vakasucuma vei Jekope: a tamata kecega era lewe tinikava.

23. Ia na luve i Tani ka tagane, ko Usimi.

24. Ia na luve i Navitalai eratou tagane; ko Jasieli, kei Kuni, kei Jeseri, kei Silemi.

25. Ko ira na tagane oqo na luve i Pila, ko koya ka solia ko Lepani vei Rejeli na luvena yalewa; a sa vakaucumi ira oqo ko koya vei Jekope: ko iratou kecega era lewe vitu.

26. Ko ira na tamata kecega ka lako vata kei Jekope ki Ijipita, ka ra taka maivua, era lewe onosagavulu ka ono, ia ka sa vo na watidra na luve i Jekope.

27. Ia sa lewe rua na luve i Joseva, erau sa sucu mai Ijipita. Ko ira kece na tamata e na mataqali i Jekope era lako ki Ijipita, era lewe vitusagavulu.

 

Sa vakaitikotiko mai Koseni ko Jekope

28. A sa talai Juta me liutaki koya vei Joseva, me kauti koya ki Koseni; a ra sa yaco ki na vanua ko Koseni.

29. A sa vakarautaka na nona qiqi vakaturaga ko Joseva, ka lako cake me veitavaki kei Isireli na tamana, mai Koseni; a sa vakaraitaki koya vua: a sa mokota na domona, a sa tagi vakadede kina.

30. A sa tukuna vei Joseva ko Isireli, Me置 qai mate, ni置 sa raica tale na matamu, ka ni ko sa bula tiko.

31. A sa tukuna ko Joseva vei ira na veitacini, ki na mataqali i tamana, Au na lako cake, ka tukuna vei Fero, ka tukuna vua, Ko ira na mataqali i tamaqu, ka tiko mai na vanua ko Kenani, era sa lako mai vei au;

32. ka ra sa i vakatawa ni sipi na tamata, ni ra sa tamata dauvakana manumanu; a ra sa kauta mai na nodra sipi kei na nodra bulumakau, kei na nodra ka kecega.

33. Ia ni sa kacivi kemudou ko Fero, ka vaka, A cava dou sa daukitaka?

34. dou qai tukuna, Keitou na nomuni tamata keitou sa dauvakana manumanu, ni keitou a gone ka yacova na gauna oqo, koi keitou, ko ira talega na neitou qase: mo dou tiko kina mai na vanua ko Koseni; ni ra sa ka vakasilila vei ira na kai Ijipita na tamata kecega sa dauvakana sipi.

 

Ah Koy Christian Trust ゥ 2008

 

47

 

1. A sa lako ko Joseva ka tukuna vei Fero, ka vaka, Ko tamaqu, kei ira na veitacini, kei na nodra qele ni sipi, kei na nodra ka kecega, sa lako mai na vanua ko Kenani; ka ra sa tiko mai na vanua ko Koseni.

2 A sa kauta e lewe lima vei ira na veitacini, me ratou tu ena matai Fero.

3. A sa tukuna ko Fero vei iratou na veitacini, A cava dou sa kitaka? A ratou sa tukuna vei Fero, a nomuni tamata sa dauvakana sipi, koi keitou, ko ira talega na neitou qase.

4. Eratou sa tukuna talega vei Fero, keitou sa lako mai me keitou tiko vulagi ena vanua oqo: ni sa sega na kedra na neitou sipi na nomuni tamata; ni sa ka levu na dausiga ena vanua ko Kenani: ia keitou sa kerekere me keitou tiko mada na nomuni tamata ena vanua ko Koseni.

5. A sa tukuna vei Joseva ko Fero, era sa lako mai vei iko na tamamu kei na veitacini:

6. A sa tiko e matamu na vanua ko Ijipita: ena vanua vinaka mo vakatikora na tamamu kei na veitacini; me ra tiko ena yasana ko Koseni: ia kevaka mo lesi iratou me ratou lewa na noqu manumanu.

7. A sa kauti Jekope na tamana ko Joseva, me tu ena matai Fero: a sa vosavakalouvinakataki Fero ko Jekope.

8. A sa tukuna vei Jekope ko Fero, e vica na yabaki ni nomu bula.

9. A sa tukuna vei Fero ko Jekope, a yabaki ni noqu tiko vulagi voli, a sa dua na drau ka tolusagavulu na yabaki: Sa vica ga ka ca na yabaki ni noqu bula, a sa sega ni yacova na yabaki ni nodra bula na noqu qase ena gauna ni nodra tiko vulagi.

10. A sa vosavakalouvinakataki Fero ko Jekope, ka lako tani ena matai Fero.

11. Ia sa vakatikora na tamana kei na veitacini ko Joseva, ka solia vei ira me rai taukei ena vanua ko Ijipita, io ena vanua ka vinaka cake, ena yasana ko Ramisese, me vaka ka vakarota ko Fero.

12. A sa vakania na tamana kei na veitacini, kei na mataqali kecega i tamana, ko Joseva, ena kakana me rauta na nodra yavusa yadua.

 

Sa sotava na dravuisiga ko Joseva

13. A sa sega na kakana ena vanua taucoko ko ya: ni sa ka levu sara na dausiga, a sa malumalumu na vanua ko Ijipita kei na vanua ko Kenani, ena vuku ni dausiga.

14. A sa kumuna vata ko Joseva nai lavo kecega sa kune ena vanua ko Ijipita, kei na vanua ko Kenani, na kenai sau ni sila era volia: a sa kauta na i lavo ko Joseva ki na vale i Fero.

15. Ia ni sa oti nai lavo ena vanua ko Ijipita, kei na vanua ko Kenani, era sa qai lako kecega mai vei Joseva na kai Ijipita, ka ra tukuna, Mo ni solia vei keimami na kakana: a cava me keimami mate kina e matamuni, ni sa qai oti nai lavo?

16. A sa tukuna ko Joseva, Dou solia na nomudou manumanu; ia ka置 na solia vei kemudou me keinai sau ni nomudou manumanu, ke sa oti nai lavo.

17. A ra sa kauta mai vei Joseva na nodra manumanu: a sa solia vei ira na kakana ko Joseva mei voli ni ose, kei na qele ni sipi, kei na qele ni bulumakau, kei na asa: a sa vakani ira ena kakana ena yabaki ko ya me kenai voli ni nodra manumanu kecega.

18. Ia ni sa oti na yabaki ko ya, era sa lako mai vei koya ena kenai karua ni yabaki, a ra sa tukuna vua, Keimami na sega ni vunia vua na neimami turaga, ni sa oti na neimami lavo; a sa nona na neimami turaga na neimami qele ni manumanu; sa sega na ka sa vo e mata ni neimami turaga, a yago i keimami ga, kei na neimami vanua:

19. Me keimami mate vakacava e matamuni, koi keimami, kei na neimami vanua? Mo ni voli keimami kei na neimami vanua ena kakana, , keimami na qai nona tamata ko Fero, ena nona talega na neimami vanua; ia mo ni solia na sila me keimami tea, me keimami bula, ka kua ni mate, ka me kakua ni lala na vanua.

20. A sa volia ko Joseva na vanua taucoko ko Ijipita me nei Fero; ni ra sa volitaka na kai Ijipita na tamata yadua na nona were, ni sa ka levu tiko vei ira na dausiga: ka sa qai nei Fero na vanua.

21. Ia ko ira na tamata, sa tokitaki ira ko koya ki na veikoro, mai nai yalayala kei Ijipita e dua, ka yacova na kenai kadua.

22. A nodra vanua ga na bete sa sega ni volia ko koya; ni sa vota ko Fero e dua na kedra i votavota na bete, a ra sa kania tiko nai votavota ka vota vei ira ko Fero: o koya era sega ni volitaka kina na nodra vanua.

23. A sa tukuna vei ira na tamata ko Joseva, Raica, au sa voli kemudou e daidai, kei na nomudou vanua me nei Fero, raica, au sa solia vei kemudou na sila me tei, dou na tea kina na vanua.

24. Ia ni sa vua, dou na solia na kenai kalima vei Fero; ia ena nomudou e va, me tei kina na veiwere, me kemudou kakana talega, kei na kedra na nomudou lewe ni veivale, kei na kedra na nomudou lalai.

25. A ra sa tukuna, Ko ni sa qai vakabulai keimami: me keimami kune loloma mada e mata ni neimami turaga, keimami na qai tamata i Fero.

26. A sa vakatura oqo ko Joseva me kenai lesilesi tiko ena vanua ko Ijipita, ka yacova na gauna oqo, ka me nei Fero na kenai kalima; ia na nodra vanua duaduaga na bete, sa sega ni yaco me nei Fero.

 

Sa Yalayala ko Joseva vei Jekope

27. A sa tiko ko Isireli ena vanua ko Ijipita, ena yasana ko Koseni; a ra sai taukei kina, kara tubu, ka lewe vuqa sara mai.

28. A sa bula ko Jekope ka yabaki tinikavitu ena vanua ko Ijipita: ia na yabaki kecega sa bula kina ko Jekope sa dua na drau ka vasagavulu ka vitu na yabaki.

29. A sa toro mai na gauna me mate kina ko Isireli: a sa kacivi Joseva na luvena, a sa tukuna vua, Kevaka ka置 sa kune loloma e matamu, mo daramaka mada na ligamu ki ruku ni sagaqu, ka mo cakacaka vakayalololoma ka vakayalodina vei au; mo kakua mada ni buluti au e Ijipita.

30. Ia ni置 sa moce vata kei ira na noqu qase, mo kauti au tani e Ijipita, ka buluti au ena nodrai bulubulu. A sa tukuna ko koya, Au na cakava me vaka na nomu vosa.

31. A sa tukuna ko koya, Mo bubului kina vei au. A sa bubului kina vua. A sa cuva ko Isireli ena ulu ni mocemoce.

 

Ah Koy Christian Trust ゥ 2008

 

48 Sa Vosa-vakalouvinakataki rau na luvei Joseva ko Jekope

 

1. Sa oti na ka oqo, sa kainaki vei Joseva, Raica, sa tauvi mate na tamamu; a sa kauta vata kaya na luvena tagane ruarua, ko Manasa kei Ifereimi.

2. Sa tukuni vei Jekope, ka vaka, Raica, sa lako mai vei iko ko Joseva na luvemu: a sa vakaukauwataki koya ko Isireli, ka sa duri cake e nai mocemoce.

3. A sa tukuna vei Joseva ko Jekope, Na Kalou Kaukauwa sa rairai vei au mai Lusa mai na vanua ko Kenani, a sa vosavakalouvinakataki au,

4. A sa tukuna vei au, Raica, au na vakatubura na nomu kawa, ka vakalewevuqataki iko, ka vakatuburi iko mo matanitu e vuqa; ka置 na solia talega na vanua oqo vei ira na nomu kawa, me ra taukena ka tawa mudu.

5. Ia na luvemu tagane ruarua oqo, erau a sucu eliu ena vanua ko Ijipita, ni置 sa bera ni lako mai vei iko ki Ijipita, erau sa noqu; ko Ifereimi kei Manasa, me vakataki Rupeni kei Simione, erau sa noqu:

6. Ia na luvemu era na sucu emuri, era na nomu; era na vakatokai ena yaca ni tuakadra, ena vanua era taukena:

7. Ia koi au, ni置 a lako mai Petani, sa mate e tikiqu e gau-ni-sala ko Rejeli ena vanua ko Kenani, ni sa vo tiko na sala me yaco ki Efiraca: ia au a buluta maikea mai na sala ki Efiraca; ko ya ko Pecileema.

8. A sa raici rau na luve i Joseva ko Isireli, a sa tukuna, Ko cei koi rau oqo?

9. A sa tukuna vei tamana ko Joseva, Erau sa luvequ, sa solia vei au na Kalou eke. A sa tukuna ko koya, Mo kauti rau mada mai kivei au, me置 vosa vakalouvinakataki rau.

10. A sa rai vakaca na mata i Isireli ni sa qase, sa sega ni rai vinaka rawa. A rau sa kau voleka vua; a sa reguci rau ko koya, ka mokoti rau.

11. A sa tukuna vei Joseva ko Isireli, Au a sega ni nanuma me置 raica na matamu; ia, sa vakaraitaka talega na nomu kawa vei au na Kalou.

12. A sa kauti rau ko Joseva mai na maliwa ni duruna, a sa vakacuva na matana ki na qele.

13. A sa tuberi rau ruarua ko Joseva, ko Ifereimi ena ligana i matau me donuya na liga i mawi i Isireli, kei Manasa ena ligana i mawi me donuya na liga i matau i Isireli, ka kauta voleka vua.

14. A sa dodoka na ligana i matau ko Isireli, ka tabaka na ulu i Ifereimi, ko koya ka gone, kei na ligana i mawi ki na ulu i Manasa; ia sa kitaka oqo ni sa kila; ka ni sa ulumatua ko Manasa.

15. A sa vosavakalouvinakataki Joseva, ka vaka, Na Kalou, ko koya erau daulako voli e matana na tamaqu, ko Eparaama kei Aisake, na Kalou ka vakani au ni置 a gone ka yacova na siga oqo,

16. Na Agilose ka vakabulai au mai na ca kecega, me vakalouvinakataki rau na gone; ia me toka vei rau na yacaqu, kei na yacadrau na tamaqu, ko Eparaama kei Aisake; me rau tubu talega me rau lewe vuqa sara e vuravura.

17. Ia ni sa raica ko Joseva sa tabaka na ulu i Ifereimi ena ligana i matau, sa sega ni vinakata: a sa laveta na liga i tamana, me kauta mai na ulu i Ifereimi ki na ulu i Manasa.

18. A sa tukuna vei tamana ko Joseva, Me kakua ni vaka ko ya, na tamaqu: ni sa ulumatua ko koya oqo; mo tabaka na uluna ena ligamu i matau.

19. A sa bese ko tamana, ka tukuna, Au kila, na luvequ, au kila: ena yaco talega ko koya me yavusa, ka na levu talega ko koya; ia sa dina ena levu cake vua na tacina, ni na yaco na nona kawa me matanitu e vuqa.

20. A sa vosavakalouvinakataki rau e na siga ko ya, ka vaka, Ena cavuti kemudrau yadua ko ira na Isireli ni ra ia na vosa ni veivakalouvinakataki, a ra na tukuna, Me qisi iko na Kalou mo tautauvata kei Ifereimi ka vakataki Manasa: a sa cavuti Ifereimi ko koya me liu, ka me muri ko Manasa.

21. A sa tukuna vei Joseva ko Isireli, Raica, ka置 na mate; ia na Kalou ena tiko kei kemudou, ka kauti kemudou tale ki na nodra vanua na nomudou qase.

22. Ia koi au, ka置 sa solia e dua na tiki-ni-vanua vei iko, e levu cake ena nodra na veitacini, ka置 a rawata mai vua na Amoraiti ena noqui seleiwau kei na noqu dakai.

 

Ah Koy Christian Trust ゥ 2008

 

49 Nai otioti ni Vosa i Jekope vei ira na Luvena

 

1. A sa kacivi ira na luvena tagane ko Jekope, ka tukuna, Dou soqoni vata, me置 tukuna vei kemudou na ka ena yacovi kemudou ena gauna maimuri:

2. Dou soqoni vata mai, ka vakarorogo kemudou na luve i Jekope;

Ia dou rogoci Isireli na tamamudou.

3. I Rupeni, ko iko na noqu ulumatua,

Na noqu qaqa kei nai vakatekivu ni noqu kaukauwa,

Sa uasivi ena vakaturaga, ka uasivi ena kaukauwa:

4. Sa sega ni tarovi vaka na wai, ka ko na sega ni uasivi cake,

Ena vuku ni ko a davo ena i mocemoce i tamamu;

Ko a qai vakadukadukalitaka:

Sa davora ko koya na noqui davodavo.

5. Erau veitacini ko Simione kei Livai;

Ai yaragi ni yaloca e tiko e na nodrau vale:

6. Na yaloqu, mo kakua ni bose vata kei rau;

Me kakua ni duavata na noqu lagilagi kei na nodrau soqoni:

Ni rau a vakamatea na tamata ena nodrau cudru,

E na nodrau lomaqa erau a tarova kina na bulumakau.

7. Me cudruvi na nodrau cudru, ni sa kaukauwa;

Kei na nodrau cudru waqawaqa, ni sa tawa-loloma:

Au na tawasei rau e Jekope,

Ka dui biubiuti rau e Isireli.

8. I Juta, o iko, ko koya era na vakavinavinakataka na veitacini:

A ligamu ena taura na domodra na nomu meca;

Era na cuva vei iko na luvei tamamu.

9. A luve ni laioni ko Juta;

Ko sa lako cake, na luvequ, ni ko rawa na kemu:

Sa cuva ko koya, sa davo no me vaka na laioni;

Ia me vaka na laione, ko cei me na vakayadrata?

10. Ena sega ni lako tani vei Juta nai titoko vakaturaga,

Se na turaga ni lewa mai na maliwa ni yavana,

Me yacova ni sa lako mai ko Sailo;

Ko koya era na talairawarawa kina na tamata.

11. Ena nokata ko koya na nona asa ki na vaini,

Kei na nona luve ni asa ki na vaini talei;

Ena savata na nonai tutuvi ena waini,

Kei na nonai sulu ena dra ni vua-ni-vaini.

12. Na matana e damudamu cake mai na waini,

Ka vulavula na batina mai na wai ni sucu.

13. Ko Sevuloni, ena tiko mai na toba mai waitui;

E na yaco ko koya me nodra i vakaruru na waqa,

Ia ena yacovi Saitoni na nonai yalayala.

14. Ko Isakari, na asa kaukauwa,

Sa davo no e na kedrau maliwa nai vua e rua:

15. A sa raica ni vinaka na vakacegu,

Ka ni sa ka vinaka na vanua;

A sa solia na tabana me colata nai vua, ia sa yaco me dua nai lawalawa bobula.

16. Ko Tani, ena lewai ira na nona tamata,

Me vaka e dua vei ira na mataqali i Isireli.

17. Ko Tani ena dua na gata e na sala,

A gata batigaga e na salatu, sa katia na bukubuku ni yava ni ose,

Me lutu kina vakanadaku ko koya sa vodoka.

18. Au a waraka na nomuni veivakabulai, Kemuni Jiova!

19. Ko Kata, ena gumatua mada vua e dua na mataivalu: Ia emuri ena gumatua ko koya.

20. Na madrai mai vei Aseri ena uro,

Ena vuataka talega ko koya na kakana vinaka vakaturaga.

21. Ko Navitalai, sa me kila ka tasere;

Sa taurivaka ko koya na vosa e totoka.

22. Ko Joseva na taba ni kau dauvua,

Io na taba ni kau dauvua e na bati ni mata-ni-wai;

Sa salele ki na dela ni bai-vatu na tabana.

23. A ra sa dauvakararawataki koya na dauvavana,

Ka vana, ka ra cati koya:

24. Ia sa kaukauwa tikoga na nona dakai,

A sa vakaukautaki na taba ni ligana,

E na ligana na Kalou kaukauwa i Jekope.

Sa vu maikina nai Vakatawa, na Ulu-vatu i Isireli;

25. Mai vua na Kalou i tamamu, ko koya ena vukei iko;

Mai vua sa Kaukauwa ka na vakalouvinakataki iko.

E na ka ni veivakalouvinakataki mai lomalagi ecake,

Kei na ka ni veivakalouvinakataki mai na vanua titobu e ra,

Kei na ka ni veivakalouvinakataki ni sucu kei na kete:

26. Na veivakalouvinakataki i tamamu,

Sa uasivia na nodrau veivakalouvinakataki na noqu qase,

Ka yacova na veiulu-ni-vanua e sega ni oti rawa:

Ena tu ga e na ulu i Joseva, Kei na buradelai koya ka tawase mai vei ira na tuakana.

27. Ko Penijamini, ena daukata me vaka na wolifa:

Ena kania e na mataka na kena sa rawa,

Ka na vota e na yakavi nai toki.

28. Ko ira kecega oqo na mataqali i Isireli e tinikarua, ia oqo na ka sa vosataka vei ira ko tamadra, ni sa vosavakalouvinakataki ira; sa vosa vakalouvinakataki ira me vaka na ka era dui kalouvinaka kina.

 

Na Mate i Jekope kei na nona Bulu

29. Sa qai vakaroti ira, ka tukuna vei ira, Au sa na toki yani kivei ira na kai noqu; dou buluti au kei ira na tamaqu e na qaravatu mai na vanua nei Efironi na Itaiti;

30. e na qara-vatu ka tiko e na tiki-ni-vanua ko Makipila, volekati Mamire mai na vanua ko Kenani, ko ya sa volia ko Eparaama, kei na tik-ni-vanua nei Efironi na Itaiti, me nona vanua ni bulubulu.

31. Era a buluti Eparaama kina, kei Sera na watina; era a buluti Aisake kina, kei Repeka na watina; au a buluti Lia talega kina.

32. Na tiki-ni-vanua ko ya, kei na qaravatu sa tu kina, sa voli maivei ira na luve i Eci.

33. Ia ni sa vakaroti ira oti na luvena ko Jekope, sa lokia cake na yavana ki nai mocemoce, ka ciba yani, a sa toki yani vei ira na kai nona.

 

Ah Koy Christian Trust ゥ 2008

 

50

 

1. A sa mokota na tamana ko Joseva, ka tagicaka, ka reguca.

2. Ia sa vakaroti ira na nona tamata era vu-ni-wai ko Joseva, me ra lumuta na tamana e na ka boi vinaka: a ra sa lumuti Isireli ko ira na vu-ni-wai.

3. E vasagavulu na bogi e gadrevi vua, ni sa dau vakakina vei ira kece era lumuti e na ka boi vinaka; ia era sa tagicaki koya na kai Ijipita, ka bogi vitusagavulu:

4. Ia ni sa oti na veisiga ni nodra tagicaki koya, sa qai vosa ko Joseva vei ira na lewe-ni-vale i Fero, ka vaka, Kevaka dou sa lomani au, dou vosa mada vei Fero, ka vaka,

5. Sa vakabubuluitaki au na tamaqu, ka vaka, Raica, ka置 na mate: mo buluti au e na noqui bulubulu ka置 a kelia me noqu e na vanua mai Kenani. Ia oqo, sereki au mada me置 lako cake ka buluta na tamaqu, ka置 na lesu tale mai.

6. A sa tukuna ko Fero, Mo lako cake ka buluti tamamu, me vaka ka vakabubuluitaki iko kina ko koya.

7. A sa lako cake ko Joseva me buluti tamana: a ra sa lako vata kaya na tamata kecega i Fero, na qase e nona vale, kei ira kecega na qase e na vanua ko Ijipita,

8. kei ira kece na lewe-ni-vale Joseva, kei ira na veitacini, kei na lewe-ni-vale i tamana: a nodra lalai ga, kei na nodra qele ni sipi, kei na nodra qele ni bulumakau, era sa biuta laivi e na vanua ko Koseni.

9. A ra sa lako cake kei koya na qiqi-ni-tamata, kei ira sa vodo ose: a sa dua nai vavakoso levu sara.

10. Era sa yacova na rara ni buturaki sila ka nei Atati, mai na tai kadua ni Joritani, a ra sa tagi maikina e na tagi levu ka rarawa sara. Sa tagicaki tamana ko koya me vitu na siga.

11. Ia ni ra sa raica ko ira na lewe ni vanua, na kai Kenani, na tagi mai na rara ni buturaki sila ka nei Atati, era sa tukuna, oqo sa dua na nodra tagi rarawa na kai Ijipita. O koya sa vakatokai na yacana ko Epeli-Misireimi, ko ya mai tai kadua mai Joritani.

12. A ra sa kitaka vua ko ira na luvena me vaka sa vakarota vei ira ko koya.

13. Era sa kauta ki na vanua ko Kenani, ka buluta e na qara-vatu e na tiki-ni-vanua ko Makipila, volekati Mamire, ka volia ko Eparaama vata kei na tiki-ni-vanua, maivei Efironi na Itaiti, me nonai bulubulu.

14. Ia ni sa buluti tamana oti, sa lesu ki Ijipita ko Joseva, ko koya, kei ira na veitacini, kei ira kecega era lako vata cake ki na veibulu.

 

Sa vakataudeitaki ira na Veitacini ko Joseva

15. Ia ni ra sa raica na tuakai Joseva sa mate na tamadra, era sa qai tukuna, Ena cati keda beka ko Joseva, ka sauma sara na ka ca kecega eda a kitaka vua.

16. A ra sa tala eso vei Joseva, me tukuna, Ni sa bera ni mate ko tamamu sa vakarota, ka vaka,

17. Dou vosa vakaoqo vei Joseva: Au masuti iko, mo kakua mada ni sauma na nodra caka cala na tuakamu kei na nodrai valavala ca; ni ra a caka ca vei iko. Ia keitou sa qai masuti iko mo kakua ni sauma na neitou caka cala na tamata ni Kalou i tamamu. Ia sa tagi ko Joseva ni ra sa vosa vua.

18. Era sa qai lako talega na tuakana ka cuva vua, ka ra tukuna, Raica, koi keitou na nomuni tamata.

19. E tukuna vei ira ko Joseva, Dou kakua ni rere, koi au li nai sosomi ni Kalou?

20. ia koi kemudou, dou a nanuma vakaca vei au; ia na Kalou sa nakita me yaco na vinaka, me vaka e na siga oqo, me ra vakabulai kina na lewe vuqa.

21. ia dou kakua ni rere: koi au, ka置 na vakani kemudou, kei ira na nomudou lalai. A sa vakacegui ira ka vosa vakayalololoma vei ira.

 

Na Mate nei Joseva

22. Sa tiko ga mai Ijipita ko Joseva kei na mataqali i tamana. Ia sa bula ko Joseva ka dua na drau ka mani tini na yabaki.

23. A sa raica na kawa i Ifereimi ko Joseva, ka yacova nai katolu ni tabatamata. Na luve i Mekiri, na luve i Manasa, sa susugi ira talega ko Joseva.

24. A sa tukuna vei ira na veitacini ko Joseva, Koi au, ka置 sa na mate; ia na Kalou ena talevi kemudou vakaidina, ka kauti kemudou cake tani e na vanua oqo, ki na vanua sa bubului kina ko koya kivei Eparaama, kei Aisake, kei Jekope.

25. A sa vakabubuluitaki ira na luve i Isireli ko Joseva, ka vaka, Ena talevi kemudou vakaidina na Kalou, ia dou kauta cake tani eke na suiqu.

26. A sa ciba ko Joseva, ni sa dua na drau ka tini na nona yabaki: a ra sa lumuta e na ka boi vinaka, ka vakadavora e loma ni dua na kato mai Ijipita. -

 

Ah Koy Christian Trust ゥ 2008